(ខេត្តកណ្តាល)៖ នៅថ្ងៃចន្ទ ៧រោច ខែស្រាពណ៏ ឆ្នាំឆ្លូវ ត្រីស័ក ព.ស ២៥៦៥ ត្រូវថ្ងៃចន្ទ ទី៣០ ខែសីហា ឆ្នាំ២០២១ វេលាម៉ោង១៤,៣០នាទីរសៀល នៅរដ្ឋបាលខណ្ឌដូនពេញមានបេីកកិច្ចប្រជុំសាមញ្ញលេីកទី ២៧ ក្រោមអធិបតីភាពលោក ហែម អាន ប្រធានក្រុមប្រឹក្សាខណ្ឌ និងលោក សុខ ពេញវុធ អភិបាល នៃគណៈអភិបាលខណ្ឌដូនពេញ។
របៀបវារៈអង្គប្រជុំ៖
១.ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលេីកទី២៥ របស់ក្រុមប្រឹក្សាខណ្ឌអាណត្តិទី៣។
២.ពិនិត្យ និងអនុម័តសេចក្តីព្រាងរបាយការណ៏ស្តីពីការអនុវត្តការងារប្រចាំខែកក្កដា និងសីហា ឆ្នាំ ២០២១ របស់រដ្ឋបាលខណ្ឌដូនពេញ។
៣.ពិនិត្យ និងអនុម័តសេចក្តីសម្រេចស្តីពីការកែសម្រួលសមាសភាពគណៈកម្មការពីគ្រោះយោបល់កិច្ចការស្ត្រី និងកុមាររបស់ក្រុមប្រឹក្សាខណ្ឌដូនពេញ។
៤.ពិនិត្យ និងអនុម័តសេចក្តីព្រាងតារាងបែងចែកប្រាក់រង្វាន់លេីកទឹកចិត្តប្រចាំខែកក្កដា និងសីហា ឆ្នាំ២០២១ដែលបានមកពីការផ្តល់សេវារដ្ឋបាលសម្រាប់ឧបត្ថមជូនមន្ត្រីបុគ្គលិកនៃរដ្ឋបាលខណ្ឌដូនពេញ។
៥.ប្រជុំពិនិត្យ សម្រេចគម្រោងចំណូលចំណាយថវិការរបស់រដ្ឋបាលខណ្ឌដូនពេញសម្រាប់គារគ្រប់គ្រងឆ្នាំ ២០២២។
៦.ប្រកាសផ្ទេរភារកិច្ច និងប្រគល់ភារកិច្ចជូនមន្ត្រីរាជការរបស់រដ្ឋបាលខណ្ឌដូនពេញ។
៧.ការងារផ្សេងៗ៖
-ការងារសន្តិសុខ អនាម័យបរិស្ថាន សណ្តាប់ធ្នាប់ សាធារណក្នុងមូលដ្ឋានខណ្ឌដូនពេញ។
-វិធានការបង្កា និងទប់ស្កាត់ការរីករាលដាលជំងឺកូវីដ១៩ ក្នុងមូលដ្ឋានខណ្ឌដូនពេញ។
-ការងារមន្ត្រី និងការងារពង្រឹងរបៀបរបបធ្វេីការ និងយន្តការរបស់រដ្ឋបាលខណ្ឌ។
-ការងារលទ្ធផលអត្តសញ្ញាណកម្មគ្រួសារក្រីក្រតាមការស្នេីសុំ និងការកំណត់អត្តសញ្ញាណគ្រួសារក្រុមគោលដៅបិទខ្ទប់។
-ការងារចុះអនុវត្តការគូសផែនទីមណ្ឌលជំរឿនសេដ្ឋកិច្ចកម្ពុជាឆ្នាំ ២០២១។
-ការងារចាក់វ៉ាក់សាំងក្នុងមូលដ្ឋានខណ្ឌដូនពេញ៕
