ទាន់ហេតុការណ៍
នគរបាលឆ្មក់បង្ក្រាបទីតាំង KTV មួយកន្លែងនៅស្រុកភ្នំស្រួច សមត្ថកិច្ចជួយសង្គ្រោះនារីបម្រើសេវា ១០នាក់ ក្នុងនោះមានអនីតិជន ៦នាក់ និងឃាត់ខ្លួនមនុស្ស ៣នាក់==>ក្នុងពេលបំពេញទស្សនកិច្ចនាយករដ្ឋមន្ត្រីកាណាដា នឹងចុះហត្ថលេខា លើកិច្ចសហប្រតិបត្តិការសេដ្ឋកិច្ច និងពាណិជ្ជកម្មជាមួយកម្ពុជា==>អតីតពលករមកពីថៃ និងពលរដ្ឋជាង១ម៉ឺន៣ពាន់នាក់ បានធ្វើតេស្តទទួលស្គាល់ជំនាញ==>យោធាតំបន់​ប្រតិបត្តិការ​សឹក​រង​ខេត្តកំពង់ធំ បង្ក្រាប​ឧបករណ៍​នេសាទ​ របាំង​ស្បៃ​មុង​ប្រវែង​ជាង​ ១,២០០​ ម៉ែត្រ​​ ដែល​នៅ​តែ​ដាក់​បំពាន​រំលោភ​ច្បាប់ ​ស្ដីពី​ពីជលផល​នៅ​ក្នុង​ភូមិ​សាស្ត្រ​ ឃុំ​សំព្រោច​ ស្រុក​ស្ទោង​==>ពិតមិនធម្មតាថវិកាចំណាយផ្នែកសំណង់ មន្ទីរកសិកម្មខេត្តព្រៃវែង ដោយក្នុង១ឆ្នាំៗខ្ទង់១០០០លានរៀល ១០ឆ្នាំគឺលើស២លានដុល្លា លទ្ធកម្មចាត់ចែងដោយលោកប្រធានមន្ទីរ អ៊ុក សំណាង តើតម្លៃនេះបើប្រៀបធៀបសំណង់នៅតាមបុរី ខុសគ្នាយ៉ាងណា..?==>ឯកឧត្ដមអភិសន្តិបណ្ឌិតឧបនាយករដ្ឋមន្ត្រី ស សុខា ដាក់ឱ្យដំណើរការសាខាលិខិតឆ្លងដែន ប្រចាំខេត្តព្រះសីហនុ នៅអគារផ្សារទំនើប ដាយអ៉ឺមេន ផ្លាហ្សា==>អធិការកិច្ច​ជលផល៖បង្ក្រាប​បទល្មើស​នាំ​ចូល​ត្រី​ប្រាចំនួន​១៨​តោន ជនសង្ស័យ​២​នាក់ បាន​រត់គេច​ខ្លួន​ចូល​ព្រៃ==>ឧត្តមសេនីយ៍ឯក រ័ត្ន ស្រ៊ាង នាំយកទៀនព្រះវស្សា និងទេយ្យវត្ថុប្រគេនព្រះសង្ឃគង់ចាំព្រះវស្សា នៅវត្តកែវមុនី ក្នុងសង្កាត់ព្រែកកំពឹស==>តុលាការផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព==>ផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព

​លោក ហ៊ុន ម៉ា​នី​៖ វ៉ាក់សាំង​កំពុង​ចាក់​ជូន​ប្រជាពលរដ្ឋ រកបាន​ដោយ​កិច្ច​ប្រឹងប្រែង​របស់​រាជ​រដ្ឋាភិបាល

​លោក ហ៊ុន ម៉ា​នី​៖ វ៉ាក់សាំង​កំពុង​ចាក់​ជូន​ប្រជាពលរដ្ឋ រកបាន​ដោយ​កិច្ច​ប្រឹងប្រែង​របស់​រាជ​រដ្ឋាភិបាល
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ភ្នំពេញ​)៖ អ្នកតំណាងរាស្ត្រ​វ័យក្មេង​នៅ​កម្ពុជា លោក ហ៊ុន ម៉ា​នី នៅ​ថ្ងៃ​អាទិត្យ ទី​២៩ ខែ​សីហា ឆ្នាំ​២០២១ បាន​ទៅ​ចាក់​វ៉ាក់សាំង​បង្ការ​ជំងឺ​កូវី​ដ​១៩ ដូសទី​៣ ឬ​ដូស​ជំរុញ​។ លោក ហ៊ុន ម៉ា​នី បានសម្រេច​ចាក់​វ៉ាក់សាំង​ស៊ីណូ​វ៉ាក់ (Sinovac) របស់​ចិន ជា​វ៉ាក់សាំង​ជំរុញ​។​
​
ជាមួយនឹង​ការចាក់​វ៉ាក់សាំង​ជំរុញ​ជា​វ៉ាក់សាំង​ស៊ីណូ​វ៉ា​ក់​នេះ លោក ហ៊ុន ម៉ា​នី ក៏បាន​លើកឡើង​ដែរ​ថា មិន​ថា​ការចាក់​វ៉ាក់សាំង​ស៊ីណូ​ហ្វាម (Sinopharm), ស៊ីណូ​វ៉ាក់​, អា​ស្ត្រា​ហ្សេ​នីកា (AstraZeneca) ឬ​ទៅ​ថ្ងៃមុខ​មាន​វ៉ាក់សាំង​អ្វី​ផ្សេង​ទៀត​នោះ​ទេ តែ​វ៉ាក់សាំង​ទាំងនេះ គឺ​សុទ្ធតែ​ជារ​ក​បាន​មក​ដោយ​ការប្រឹងប្រែង​របស់​រាជ​រដ្ឋាភិបាល​កម្ពុជា ដើម្បី​ការពារ​អាយុជីវិត​ប្រជាពលរដ្ឋ​ពី​ការ​រាតត្បាត​មេ​រោគកូ​វីដ​១៩​។​

​លោក ហ៊ុន ម៉ា​នី បាន​លើក​ឡើង​យ៉ាង​ដូច្នេះ «​ការទទួលបាន​នូវ​វ៉ាក់សាំង​ទាំងនោះ កើត​ចេញ​មកពី​ការខិតខំ​ប្រឹងប្រែង​របស់​រាជរដ្ឋាភិបាល​ក​ម្ពុ​ជា​។ ជាពិសេស​ពី​សម្តេច​នាយករដ្ឋមន្ត្រី ដែល​ការប្រឹងប្រែង​ទាំងនោះ ធានា​ឱ្យ​កម្ពុជា​មាន​នូវ​វ៉ាក់សាំង​គ្រប់គ្រាន់​ក្នុង​ដៃ​សម្រាប់​ចាក់​ជូន​ប្រជាជន​កម្ពុជា​រាប់​លាន​នាក់ ទាំង​ដូសទី​១ ដូសទី​២ និង​ដូសទី​៣ ដើម្បី​ការពារ​អាយុជីវិត​ប្រជាជន​យើង​»​។​

​អ្នកតំណាងរាស្ត្រ​វ័យក្មេង​រូបនេះ ក៏បាន​អំពាវនាវ​ប្រជាពលរដ្ឋ​ទៅ​ចាក់​វ៉ាក់សាំង​ឱ្យបាន​គ្រប់គ្នា ដើម្បី​សុវត្ថិភាព​ពី​ការយាយី​ដោយ​ជំងឺ​កូវី​ដ​១៩​។​
​
ការចាក់​វ៉ាក់សាំង​បង្ការ​ជំងឺ​កូវី​ដ​១៩ ជូន​ប្រជាពលរដ្ឋ ជា​យន្តការ​ដ៏​ចម្បង​មួយ​របស់​រាជរដ្ឋាភិបាល បន្ថែម​ពីលើ​យន្តការ​នៃ​ការអនុវត្ត​វិធាន​សុខាភិបាល ក្នុង​ការប្រយុទ្ធ​ប្រឆាំង​ជំងឺ​កូវី​ដ​១៩​។ រាជរដ្ឋាភិបាល​កម្ពុជា ដឹកនាំ​ដោយ​សម្តេច​តេជោ ហ៊ុន សែន បាន​ប្រឹងប្រែង និង​ស្វះស្វែង​ជាខ្លាំង ដើម្បី​រក​វ៉ាក់សាំង​មកចាក់​ជូន​ប្រជាពលរដ្ឋ​កម្ពុជា​។​

​មកដល់ពេលនេះ​កម្ពុជារ​ក​បាន​វ៉ាក់សាំង​បង្ការ​ជំងឺ​កូវី​ដ​១៩ បាន​ប្រមាណ​ជា ២៥​លាន​ដូ​សហើយ​។ វ៉ាក់សាំង​ដែល​កម្ពុជា រក​បាន​មក​ចាក់​ជូន​ប្រជាពលរដ្ឋ​រួម​មាន​៖ ស៊ីណូ​ហ្វាម​, ស៊ីណូ​វ៉ាក់​, អា​ស្ត្រា​ហ្សេ​នីកា និង​ច​ន​សុន​&​ច​ន​សុន​។​

​តាមរយៈ​វត្តមាន​វ៉ាក់សាំង​ដែល​រកបាន​នេះ កម្ពុជា បាន​ចាក់​ជូន​ប្រជាពលរដ្ឋ​អាយុ​ចាប់ពី ១២​ឆ្នាំ​ឡើង សរុប​ជាង ១០​លាន​នាក់​ហើយ​។ កម្ពុជា បាន​ក្លាយទៅជា​ប្រទេស​មួយ ក្នុងចំណោម​ប្រទេស​តិចតួច​ប៉ុណ្ណោះ ដែល​សម្រេច​បាន​ការចាក់​វ៉ាក់សាំង​បង្ការ​ជំងឺ​កូវី​ដ​១៩ ជូន​ប្រជាពលរដ្ឋ​បាន​លឿន​។​
​
មិន​ត្រឹមតែ​ប្រជាពលរដ្ឋ​កម្ពុជា​ប៉ុណ្ណោះ ដែល​បាន​កោតសរសើ​រលើ​ចំណាត់ការ​របស់​រាជរដ្ឋាភិបាល​លើ​ការងារចាក់​វ៉ាក់សាំ​ង​បង្ការ​ជំងឺ​កូវី​ដ​១៩​នេះ អង្គារ​សុខភាព​ពិភពលោក ប្រទេស​ជា​មិត្ត និង​អង្គការ​ដៃគូ​អភិវឌ្ឍន៍​នានា សុទ្ធតែ​បាន​កោតសរសើ​រលើ​លទ្ធផល​កម្ពុជា​សម្រេចបាន​។​
​
លទ្ធផល​ចាក់​វ៉ាក់សាំង​ដែល​កម្ពុជា​សម្រេចបាន ត្រូវបាន​គេ​មើលឃើញថា ប្រទេស​ចិន ជា​អ្នក​រួម​ចំណែក​ដ៏​សំខាន់ ព្រោះ​ចិន បាន​ធានា​ដល់​ការផ្គត់ផ្គង់​វ៉ាក់សាំង តាម​តម្រូវការ​របស់​កម្ពុជា​៕

Filed in: ព័ត៌មានជាតិ