កំពង់ធំ ៖ បន្ទាប់ពីបញ្ជាការដ្ឋានកងរាជអាវុធហត្ថលើផ្ទៃប្រទេសបានចេញសេចក្ដីជូនដំណឹងដល់សិស្ស និស្សិត និងយុវជន ទាំងអស់ដើម្បីធ្វើការជ្រើសរើសពលទាហានដើម្បីបំពេញក្របខ័ណ្ឌឲ្យកងរាជអាវុធហត្ថចំនួន ២៦០ (ពីររយហុកសិប)នាក់។
កាលពីថ្ងៃទី ១២ ខែកញ្ញាឆ្នាំ ២០១៩ រួចមក.លោកវីរសេនីយ៍ត្រី រស់ តឿ ដែលមានតួនាទីជាប្រធានមន្ទីរស្រាវជ្រាវព័ត៌មានសន្តិសុខនៃកងរាជអាវុធហត្ថខេត្តកំពង់ធំ បានដើកគៀងគររកអ្នកដែលស្ម័គ្រចិត្តចូលបម្រើក្នុងក្របខ័ណ្ឌកងរាជអាវុធហត្ថ ដោយលោក រស់តឿ បានយកប្រាក់ក្នុងម្នាក់តម្លៃ 8000$ ។
ដែលមានចំនួន 2 នាក់ ម្នាក់រស់នៅឃុំផ្សារក្រង ស្រុកស្ទោង ដែលម្នាក់ទៀតរស់នៅ ក្នុងស្រុកប្រាសាទសំបូរ ខេត្តកំពង់ធំ ហើយបានប្រាប់ថាខ្លួនយកលុយទាំងនោះមករត់ការដើម្បីបានឈ្មោះចូលក្របខណ្ឌកងរាជអាវុធហត្ថ។ដោយមានការបន្លាយពេលវេលាយ៉ាងយូររហូតមកដល់ឆ្នាំ ២០២១ នេះលោករស់ តឿ តែងតែដោះសារប្រាប់អ្នកទាំងពីរនោះថាដោយសារតែបញ្ហា មានផ្ទុះនូវជំងឺកូវីដ 19 ទើបបានជាមានការយឺតយ៉ាវ ។
តែដោយឡែកនៅក្នុងសំណេរនៃសេចក្ដីជូនដំណឹងរបស់បញ្ជាការដ្ឋានកងរាជអាវុធហត្ថខេត្តកំពង់ធំ បានបញ្ជាក់យ៉ាងច្បាស់ថា ចំពោះអ្នកដែលមានបំណងចង់ចូលបម្រើការងារក្នុងកងរាជអាវុធហត្ថ (ដោយឥតគិតប្រាក់)ចុះហេតុអ្វីបានជាលោក រស់ តឿ និងបក្ខពួកហ៊ានទទួលយកលុយពីអ្នកដែលមានបំណងចង់ជួបបម្រើការងារក្នុងកងរាជអាវុធហត្ថទៅវិញ ។
ជនរងគ្រោះទាំងពីរនាក់សូមស្នើទៅដល់ឯកឧត្តមនាយឧត្តមសេនីយ៍ សៅ សុខា ដែលជាអគ្គមេបញ្ជាការនិងមេបញ្ជាការកងរាជអាវុធហត្ថលើផ្ទៃប្រទេស គួរតែយកអភិក្រមទាំង ៥ របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មកអនុវត្តលើបុគ្គលឈ្មោះ រស់ តឿ និងបក្សពួកដើម្បីកុំឱ្យមានមន្ត្រីផ្សេងៗទៀតធ្វើតម្រាប់ដូចបុគ្គលខាងលើនេះ។
ជាចុងក្រោយសូមស្នើទៅអង្គភាពប្រឆាំងអំពើពុករលួយ ACU មេត្តាចុះស៊ើបអង្កេតបុគ្គលខាងលើនេះផង ។
អង្គភាពសារព័ត៌មានយើងខ្ញុំរង់ចាំការបំភ្លឺពីសាម៉ីខ្លួនពាក់ព័ន្ធរាល់ម៉ោងធ្វើការ សូមអរគុណ ៕
