ទាន់ហេតុការណ៍
នគរបាលឆ្មក់បង្ក្រាបទីតាំង KTV មួយកន្លែងនៅស្រុកភ្នំស្រួច សមត្ថកិច្ចជួយសង្គ្រោះនារីបម្រើសេវា ១០នាក់ ក្នុងនោះមានអនីតិជន ៦នាក់ និងឃាត់ខ្លួនមនុស្ស ៣នាក់==>ក្នុងពេលបំពេញទស្សនកិច្ចនាយករដ្ឋមន្ត្រីកាណាដា នឹងចុះហត្ថលេខា លើកិច្ចសហប្រតិបត្តិការសេដ្ឋកិច្ច និងពាណិជ្ជកម្មជាមួយកម្ពុជា==>អតីតពលករមកពីថៃ និងពលរដ្ឋជាង១ម៉ឺន៣ពាន់នាក់ បានធ្វើតេស្តទទួលស្គាល់ជំនាញ==>យោធាតំបន់​ប្រតិបត្តិការ​សឹក​រង​ខេត្តកំពង់ធំ បង្ក្រាប​ឧបករណ៍​នេសាទ​ របាំង​ស្បៃ​មុង​ប្រវែង​ជាង​ ១,២០០​ ម៉ែត្រ​​ ដែល​នៅ​តែ​ដាក់​បំពាន​រំលោភ​ច្បាប់ ​ស្ដីពី​ពីជលផល​នៅ​ក្នុង​ភូមិ​សាស្ត្រ​ ឃុំ​សំព្រោច​ ស្រុក​ស្ទោង​==>ពិតមិនធម្មតាថវិកាចំណាយផ្នែកសំណង់ មន្ទីរកសិកម្មខេត្តព្រៃវែង ដោយក្នុង១ឆ្នាំៗខ្ទង់១០០០លានរៀល ១០ឆ្នាំគឺលើស២លានដុល្លា លទ្ធកម្មចាត់ចែងដោយលោកប្រធានមន្ទីរ អ៊ុក សំណាង តើតម្លៃនេះបើប្រៀបធៀបសំណង់នៅតាមបុរី ខុសគ្នាយ៉ាងណា..?==>ឯកឧត្ដមអភិសន្តិបណ្ឌិតឧបនាយករដ្ឋមន្ត្រី ស សុខា ដាក់ឱ្យដំណើរការសាខាលិខិតឆ្លងដែន ប្រចាំខេត្តព្រះសីហនុ នៅអគារផ្សារទំនើប ដាយអ៉ឺមេន ផ្លាហ្សា==>អធិការកិច្ច​ជលផល៖បង្ក្រាប​បទល្មើស​នាំ​ចូល​ត្រី​ប្រាចំនួន​១៨​តោន ជនសង្ស័យ​២​នាក់ បាន​រត់គេច​ខ្លួន​ចូល​ព្រៃ==>ឧត្តមសេនីយ៍ឯក រ័ត្ន ស្រ៊ាង នាំយកទៀនព្រះវស្សា និងទេយ្យវត្ថុប្រគេនព្រះសង្ឃគង់ចាំព្រះវស្សា នៅវត្តកែវមុនី ក្នុងសង្កាត់ព្រែកកំពឹស==>តុលាការផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព==>ផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព

​លោកជំទាវ បាន ស្រីមុំ អភិបាលខេត្ត​ប៉ៃលិន ទិញ​ផ្លែ​មៀន​ជាង ១០ តោន ពី​ប្រជាកសិករ លើកស្ទួយ​ការទិញ​ផល្លានុផល​ក្នុងស្រុក និង​គាំទ្រ​ដំណាំ​ខ្មែរ

​លោកជំទាវ បាន ស្រីមុំ អភិបាលខេត្ត​ប៉ៃលិន ទិញ​ផ្លែ​មៀន​ជាង ១០ តោន ពី​ប្រជាកសិករ លើកស្ទួយ​ការទិញ​ផល្លានុផល​ក្នុងស្រុក និង​គាំទ្រ​ដំណាំ​ខ្មែរ
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ប៉ៃលិន​)៖ នៅ​ថ្ងៃ​ទី​១៩ ខែ​សីហា ឆ្នាំ​២០២១​នេះ លោកស្រី បាន ស្រីមុំ អភិបាលខេត្ត​ប៉ៃលិន តំណាង​ឲ្យ​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា បាន​បញ្ជា​ទិញ​ផ្លែ​មៀន​ប៉ៃលិន ជាង​១០​តោន ពី​ប្រជាកសិករ ដែល​ជួបប្រទះ​នូវ​បញ្ហា​ក្នុង​ការនាំ​ចេញ​ទៅ​លក់​នៅ​ក្រៅប្រទេស ដោយសារ​ការឆ្លង​រីក​រាលដាល​ជំងឺ​កូវី​១៩ ដើម្បី​ចូលរួម​លើកស្ទួយ​ការទិញ​ផល្លានុផល​ក្នុងស្រុក និង​គាំទ្រ​ដំណាំ​ខ្មែរ ក្រោម​ស្មារតី​ខ្មែរ​ជួយ​ខ្មែរ​ក្នុង​គ្រា​លំបាក ក៏ដូចជា​ចូលរួមចំណែក​ជាមួយ​រាជរដ្ឋាភិបាល​កម្ពុជា​។​

​សម្រាប់​ការទិញ​ផ្លែ​មៀន​នេះ ក្រុមហ៊ុន​សម្រស់​ធម្មជាតិ បាន​ចូលរួម​ជួយ​សម្តេច​តេជោ ហ៊ុន សែន នាយករដ្ឋមន្ត្រី​នៃ​កម្ពុជា ចំនួន​៤០​លាន​រៀល​ផងដែរ នៅក្នុង​រដ្ឋបាល​ខេត្ត​ប៉ៃលិន​។ ប្រជា​កសិករ​បាន​ថ្លែងអំណរគុណ​យ៉ាង​ជ្រាលជ្រៅ ដល់​សម្តេច​តេជោ ហ៊ុន សែន ចំពោះ​ការយកចិត្តទុកដាក់​ជួយ​ពួក​គាត់ ជាពិសេស​នៅក្នុង​គ្រា​ដ៏​លំបាក​នេះ​។​

​សូមបញ្ជាក់​ថា ស្របពេល​ដែល​ប្រជាកសិករ ដល់​រដូវ​ប្រមូល​ផល​ផ្លែ​មៀន និង​តា​ង៉ែ​ន នា​តំបន់​ក្បែរ​ព្រំដែន​កម្ពុជា​-​ថៃ មិន​អាច​នាំ​ផលិតផល​ចេញ​ទៅ​ប្រទេស​ជិតខាង​បាន ដោយសារតែ​វិបត្តិកូ​វីដ​១៩ រាតត្បាត​ខ្លាំង នឹង​កំពុង​ជួប​ការលំបាក ក្នុង​ការរក​ទីផ្សារ​លក់​ចេញ ដែល​យោង​តាម​ការ​ប៉ាន​ប្រមាណ​ផ្លែ​មៀន ប្រជា​កសិករ​ដែល​កំពុង​ជាប់គាំង មាន​ប្រមាណ​ជា ៥​ម៉ឺន​តោន​នោះ កំពុង​ត្រូវបាន​រាជរដ្ឋាភិបាល យកចិត្តទុកដាក់​ប្រមូល​ទិញ ក្នុងតម្លៃ​មួយ​សមរម្យ​ផងដែរ​។​

​ប៉ុន្តែ​ការប្រមូលទិញ​នេះ គឺ​សំដៅ​ដល់​កសិករ​ក្រីក្រ ដែល​ដាំ​ដុះ​ដោយផ្ទាល់ មិនមែន​សម្រាប់​ម្ចាស់​ដី ដែល​មាន​ចំការ​មៀន​ច្រើន​ឡើយ ពោល​គឺ​បើ​ជា​ចម្ការ​មៀន​របស់​មន្ត្រី​ទាំង​ស៊ីវិល ទាំង​កងកម្លាំងប្រដាប់អាវុធ ឬ​របស់​ឧកញ៉ា អ្នកឧកញ៉ា ឬ​អ្នកជំនួញ​ត្រូវ​រក​ទីផ្សារ​ដោយ​ខ្លួនឯង​៕

Filed in: ព័ត៌មានជាតិ