នៅព្រឹកថ្ងៃទី១៤ ខែសីហា ឆ្នាំ២០២១ លោកឧត្តមសេនីយ៍ទោ ហួត សុធី ស្នងការនគរបាលខេត្ត អមដំណើរដោយលោកស្នងការរង បានអញ្ជើញចុះសំណេះសំណាលសួរសុខទុក្ខ និងត្រួតពិនិត្យការចាក់វ៉ាក់សាំងដូសជំរុញ ឬ ដូសទី៣ ជូនកមមន្ត្រីនគរបាលការពារព្រំដែនគោកលេខ៧០២,៩០៥ ជួរមុខដែលឈរជើងប្រចាំការការពារតាមខ្សែបន្ទាត់ព្រំដែន ។ លោកឧត្តមសេនីយ៍ស្នងការ បានបញ្ជាក់ថា នគរបាល នៃស្នងការដ្ឋាននគរបាលទាំងអស់ នឹងត្រូវទទួលបានការចាក់វ៉ាក់សាំងដូសជំរុញ ឬ ដូសទី៣ ជាបន្តបន្ទាប់ គ្រប់ៗគ្នា។
#នៅក្នុងឱកាសនោះផងដែរ លោកឧត្តមសេនីយ៍ស្នងការ ក៏បានមានមតិផ្តាំផ្ញើរ និងក្រើនរំឮក ណែនាំ ដល់កងកម្លាំងទាំងអស់ថា បើទោះបីជាយើងបានទទួលការចាក់វ៉ាក់សាំងដូសលើកទី៣នេះរួចរាល់ក៏ដោយ ក៏សូមបន្តយកចិត្តទុកដាក់ដោយស្មារតីប្រុងប្រយ័ត្នខ្ពស់ជានិច្ច ក្នុងការអនុវត្តនូវវិធានការ ៣កុំ ៣ការពារ របស់រាជរដ្ឋាភិបាលកម្ពុជា និងតាមការណែនាំរបស់ក្រសួងសុខាភិបាល ឲ្យបានខ្ជាប់ខ្ជួន ៕
ចុងក្រោយ លោកស្នងការ បានប្រគល់ថវិការមួយចំនួនដើម្បីជាកាលើកទឹកចិត្តដល់ក្រុមគ្រូពេទ្យទាំង ០២ក្រុមផងដែរ។
