ភ្នំពេញ ៖ នៅរសៀលថ្ងៃទី១៤ ខែសីហា ឆ្នាំ២០២១នេះ កម្លាំងគ្រូពេទ្យTidaបានចុះសហការជាមួយកម្លាំងអាជ្ញាធរមូលដ្ឋានបានចុះយកសំណាក(តេស្តរហ័ស)លោកតាអាចារ្យក៏ដូចជាបុគ្គលិកប្រចាំការនៅបរិវេណព្រះអង្គដងកើខាងមុខព្រះបរមរាជវាំង ព្រោះមានអ្នកកើតកូវីដបម្លែងថ្មីDeltaបានទៅទីនោះ។
អាជ្ញាធរខណ្ឌដូនពេញបានឲ្យដឹងថា ចំនួនអ្នកដែលត្រូវបានខាងពេទ្យធីតាចុះយកសំណាក(តេស្តរហ័ស)នោះ មានចំនួន៥៤នាក់ក្នុងនោះស្រី១៩និងឃើញវេជ្ជមានម្នាក់ប្រុស។
អាជ្ញាធរបានបញ្ជាក់ទៀតថា នៅទីតាំងព្រះអង្គដងកើត្រូវបានហ៊ុមព័ទ្ធមិនអនុញ្ញាតឲ្យពុទ្ធបរិស័ទឬប្រជាពលរដ្ឋចេញចូលទៅអុជធូបនៅទីនោះទៀតទេ ចាប់ពីថ្ងៃនេះតទៅព្រោះមានអ្នកវិជ្ជមានក្រោយពីតេស្តឃើញម្នាក់។
ជាមួយគ្នានោះដែរ ខាងអនុគណៈកម្មការស្រាវជ្រាវកូវីដ១៩ប្រកាសនៅល្ងាចនេះដែរថា មានលោកតាអាចារ្យ ម្នាក់ប្រចាំនៅ ទីសក្ការៈ ព្រះអង្គដងកើ វិជ្ជមាន វីរុសកូវីដ-១៩ បន្ទាប់ពី អ្នកជំងឺកូវីដ-១៩ បំប្លែងថ្មី Delta បានទៅកាន់ទីតាំងខាងលើនេះ។
ដូច្នេះសូមអំពាវនាវដល់ប្រជាពលរដ្ឋ ដែលបានទៅ ទីសក្ការៈព្រះអង្គដងកើចាប់ពីថ្ងៃទី១ ដល់ថ្ងៃទី ១៤ ខែសីហា ឆ្នាំ២០២១ សូមតាមដានសុខភាព និងទៅធ្វើតេស្ដប្រសិនបើសង្ស័យ សូមទៅយកសំណាកនៅទីតាំង ដែលនៅជិតបំផុត៕
