ក្នុងនាមតំណាងដ៏ខ្ពង់ខ្ពស់ សម្ដេចក្រឡាហោម ស ខេង ប្រធានក្រុមការងារគណបក្សប្រជាជនកម្ពុជាចុះជួយខេត្តបាត់ដំបង និងអ្នកតំណាងរាស្ត្រមណ្ឌលបាត់ដំបង នៅព្រឹកថ្ងៃអាទិត្យ ១៥ រោច ខែទុតិយាសាឍ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី៨ ខែសីហា ឆ្នាំ២០២១នេះ ឯកឧត្តម ខាន់ ម៉ាណេរ រួមទាំងឯកឧត្តមចន្ទ សុផល និងឯកឧត្តម ព្រួញ រិទ្ធថា បានដឹកនាំក្រុមការងារក្រឡាហោមមនុស្សធម៌ នាំបានយកអំណោយ សម្តេចក្រឡាហោម និងលោកជំទាវ ផ្ដល់ជូនគ្រួសារពលរដ្ឋកំពុងស្ថិតនៅតំបន់បិទខ្ទប់ដើម្បីបង្ការជំងឺកូវីដ-១៩។
ប្រជាពលរដ្ឋស្ថិតក្នុងតំបន់បិទខ្ទប់ដែលទទួលបានអំណោយសម្ដេចក្រឡាហោម ស ខេង និងលោកជំទាវ ញ៉ែម សាខន ស ខេង នាឱកាសនោះ មានចំនួន៣៥គ្រួសារ និងកំពុងរស់នៅក្នុងសង្កាត់ចំនួន៣នៃក្រុងបាត់ដំបង ដោយក្នុងមួយគ្រួសារទទួលបានអង្ករ មី ត្រីខ និងទឹកបរិសុទ្ធ។
នៅថ្ងៃនេះដែរ ក្រុមក្រឡាហោមមនុស្សធម៌ ក៏បានអញ្ជើញសួរសុខទុក្ខ និងផ្ដល់កម្លាំងចិត្តជូនក្រុមគ្រូពេទ្យព្យាបាលអ្នកជំងឺកូវីដ- ១៩ ទាំង១០មណ្ឌល ក្នុងក្រុង និងស្រុកទាំងអស់នៃខេត្តបាត់ដំបង ដោយបានផ្ដល់ជូនទឹកបរិសុទ្ធ៥០០កេស មី៣០កេសធំ ទឹកក្រូច១០០កេស កាហ្វេ១០0កញ្ខប់ធំ ទឹកដោះគោខាប់២០កេសធំ នំធុង៤០ធុង និងអាល់កុលចំនួន៦៥០ដប៕
