រាជធានីភ្នំពេញ ÷ រដ្ឋបាលខណ្ឌពោធិ៍សែនជ័យ សូមជម្រាបជូនដំណឹងដល់បងប្អូនប្រជាពលរដ្ឋ និង អាជីវករទាំងអស់ដែលលក់ដូរសម្ភារៈ ឬ ទំនិញផ្សេងៗតាមបណ្ដោយផ្លូវបេតុង និង ប្រឡាយមេ ឋិតនៅភូមិត្រពាំងថ្លឹង១ ភូមិត្រពាំងថ្លឹង២ ភូមិត្រពាំងថ្លឹង៣ និង ភូមិត្រពាំងថ្លឹង ៤ សង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញជាពិសេសនៅជាប់សួនឧស្សាហកម្មកាណាឌីយ៉ាឲ្យបានជ្រាបថា រដ្ឋបាលខណ្ឌ ពោធិ៍សែនជ័យ បានសង្កេតឃើញ មានបងប្អូនប្អូនប្រជាពលរដ្ឋ និង អាជីវករមួយចំនួនបានធ្វើការលក់ដូរ និង សាងសង់តូបលក់ដូររំលោភលើ ដីចំណីផ្លូវសាធារណៈ និង ផ្លូវសាធារណៈ ដែលបណ្ដាល ឲ្យប៉ះពាល់ដល់ការធ្វើ ចរាចរណ៍ សណ្ដាប់ធ្នាប់ សោភ័ណភាព និង សុវត្ថិភាពសាធារណៈ ។
ដូច្នេះស្នើលោកលោកស្រីបងប្អូនប្រជាពលរដ្ឋនិងអាជីវករទាំងអស់ដែលលក់ដូរនិងសាងសង់តូបលក់ដូររំលោភលើដីចំណីផ្លូវសាធារណៈនិងផ្លូវសាធារណៈខាងលើត្រូវរុះរើចេញឱ្យអស់ក្នុងរយៈពេល ៥ ថ្ងៃ ដោយគិតចាប់ពីថ្ងៃចុះហត្ថលេខាការនេះតទៅ។
ក្នុងករណីលោក-លោកស្រី មិនអនុវត្តតាមខ្លឹមសារសេចក្តី ជូនដំណឹងនេះទេ រដ្ឋបាលខណ្ឌ និង មានវិធានការ ចុះរុះរើ ដោយមិនទទួលខុសត្រូវ រាល់ការបាត់បង់ ខូចខាតទ្រព្យសម្បត្តិ និង សម្ភារៈផ្សេងៗ ដែលមាននៅលើទីតាំងនោះឡើយ ចំពោះរាល់ការ ចំណាយក្នុងការអនុវត្តការងារ រុះរើនេះ ជាបន្ទុករបស់លោក-លោកស្រី ដែលជាម្ចាស់ទីតាំងត្រូវទទួលខុសត្រូវ ទាំងស្រុង ករណីមានការរាងរឹងរុសអាជ្ញាធរ និង កសាងសំណុំរឿង បញ្ជូនទៅតុលាការ ដើម្បីចាត់ ការតាម នីតិវិធី ។
រដ្ឋបាល ខណ្ឌពោធិ៍សែនជ័យ សង្ឃឹមជឿជាក់លើលោក-លោកស្រី បងប្អូនប្រជាពលរដ្ឋ និង អាជីវករទាំងអស់ នឹង អនុវត្តតាមខ្លឹមសារសេចក្តីជូនដំណឹងនេះ ជាពុំខានឡើយ ៕
