ទាន់ហេតុការណ៍
នគរបាលឆ្មក់បង្ក្រាបទីតាំង KTV មួយកន្លែងនៅស្រុកភ្នំស្រួច សមត្ថកិច្ចជួយសង្គ្រោះនារីបម្រើសេវា ១០នាក់ ក្នុងនោះមានអនីតិជន ៦នាក់ និងឃាត់ខ្លួនមនុស្ស ៣នាក់==>ក្នុងពេលបំពេញទស្សនកិច្ចនាយករដ្ឋមន្ត្រីកាណាដា នឹងចុះហត្ថលេខា លើកិច្ចសហប្រតិបត្តិការសេដ្ឋកិច្ច និងពាណិជ្ជកម្មជាមួយកម្ពុជា==>អតីតពលករមកពីថៃ និងពលរដ្ឋជាង១ម៉ឺន៣ពាន់នាក់ បានធ្វើតេស្តទទួលស្គាល់ជំនាញ==>យោធាតំបន់​ប្រតិបត្តិការ​សឹក​រង​ខេត្តកំពង់ធំ បង្ក្រាប​ឧបករណ៍​នេសាទ​ របាំង​ស្បៃ​មុង​ប្រវែង​ជាង​ ១,២០០​ ម៉ែត្រ​​ ដែល​នៅ​តែ​ដាក់​បំពាន​រំលោភ​ច្បាប់ ​ស្ដីពី​ពីជលផល​នៅ​ក្នុង​ភូមិ​សាស្ត្រ​ ឃុំ​សំព្រោច​ ស្រុក​ស្ទោង​==>ពិតមិនធម្មតាថវិកាចំណាយផ្នែកសំណង់ មន្ទីរកសិកម្មខេត្តព្រៃវែង ដោយក្នុង១ឆ្នាំៗខ្ទង់១០០០លានរៀល ១០ឆ្នាំគឺលើស២លានដុល្លា លទ្ធកម្មចាត់ចែងដោយលោកប្រធានមន្ទីរ អ៊ុក សំណាង តើតម្លៃនេះបើប្រៀបធៀបសំណង់នៅតាមបុរី ខុសគ្នាយ៉ាងណា..?==>ឯកឧត្ដមអភិសន្តិបណ្ឌិតឧបនាយករដ្ឋមន្ត្រី ស សុខា ដាក់ឱ្យដំណើរការសាខាលិខិតឆ្លងដែន ប្រចាំខេត្តព្រះសីហនុ នៅអគារផ្សារទំនើប ដាយអ៉ឺមេន ផ្លាហ្សា==>អធិការកិច្ច​ជលផល៖បង្ក្រាប​បទល្មើស​នាំ​ចូល​ត្រី​ប្រាចំនួន​១៨​តោន ជនសង្ស័យ​២​នាក់ បាន​រត់គេច​ខ្លួន​ចូល​ព្រៃ==>ឧត្តមសេនីយ៍ឯក រ័ត្ន ស្រ៊ាង នាំយកទៀនព្រះវស្សា និងទេយ្យវត្ថុប្រគេនព្រះសង្ឃគង់ចាំព្រះវស្សា នៅវត្តកែវមុនី ក្នុងសង្កាត់ព្រែកកំពឹស==>តុលាការផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព==>ផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព

ពិធី​ប្រកាស​ចូល​កាន់​មុខតំណែង អភិបាល នៃ​គណៈ​អភិបាល​ស្រុក​រតនមណ្ឌល ខេត្ត​បាត់ដំបង​

ពិធី​ប្រកាស​ចូល​កាន់​មុខតំណែង អភិបាល នៃ​គណៈ​អភិបាល​ស្រុក​រតនមណ្ឌល ខេត្ត​បាត់ដំបង​
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​បាត់ដំបង​) ៖ នៅ​ព្រឹក​ថ្ងៃ​ចន្ទ ២​រោច ខែ​ទុតិយាសាឍ ឆ្នាំ​ឆ្លូវ ត្រី​ស័ក ព​.​ស​២៥៦៥ ត្រូវ​នឹង​ថ្ងៃទី​២៦ ខែកក្កដា ឆ្នាំ​២០២១ លោក ងួន រតនៈ អភិបាល នៃ​គណៈ​អភិបាលខេត្ត​បាត់ដំបង បាន​អញ្ជើញ​ជា​អ​ធីបតី​ក្នុង​ពិធី​ប្រកាស​ចូល​កាន់​មុខតំណែង អភិបាល នៃ​គណៈ​អភិបាល​ស្រុក​រតនមណ្ឌល ដែល​រាជរដ្ឋាភិបាល បាន​សម្រេច​តែងតាំង​លោក គុយ វណ្ណូ ឋានន្ត​រស័ក​ក្តិ​ឧត្តមមន្ដ្រី​ថ្នាក់​លេខ​៥ ឲ្យ​កាន់​មុខតំណែង​ជា​អភិបាល នៃ​គណៈ​អភិបាល​ស្រុក​រតនមណ្ឌល ជំនួស​លោក ឥ​ន្ទ សៅ​ឫទ្ធិ អតីត​អភិបាល នៃ​គណៈ​អភិបាល​ស្រុក​រតនមណ្ឌល ដែល​បាន​ចូលនិវត្តន៍ ។​

​ក្នុងនោះ លោក គុយ វណ្ណូ អភិបាល នៃ​គណៈ​អភិបាល​ស្រុក​រតនមណ្ឌល ដែល​ទើបតែ​តែងតាំង​មុខតំណែង​ថ្មី បាន​ឡើង​អាន​នូវ​សេចក្ដី​ប្ដេជ្ញាចិត្ត​ចំពោះ​គណៈអធិបតី និង​អង្គពិធី​ទាំងមូល ក្នុងកា​អនុវត្ត​តួនាទី ភារកិច្ច ដោយ​ត្រូវមាន​សាមគ្គីភាព​ផ្ទៃក្នុង និង​ប្ដេជ្ញាចិត្ត​ក្នុងការ​បម្រើ​ជូន​ប្រជាពលរដ្ឋ​នៅក្នុង​ដែន​សមត្ថកិច្ច​របស់​ខ្លួន ហើយ​បន្ត​ការថែរក្សា​សុខសន្ដិភាព សន្ដិសុខ​សណ្ដាប់ធ្នាប់​សាធារណៈ​សង្គម នៅ​មូលដ្ឋាន​ស្រុក​ផង​ដែរ ។​

​នៅក្នុង​ឱកាស​នោះ​ដែរ លោក ងួន រតនៈ អភិបាល នៃ​គណៈ​អភិបាលខេត្ត​បាត់ដំបង បាន​មានប្រសាសន៍​ផ្ដាំផ្ញើ​ដល់​លោក គុយ វណ្ណូ ត្រូវតែ​មាន​ការ​សាមគ្គីភាព​ផ្ទៃក្នុង​ឲ្យ​កាន់តែ​ទូលំទូលាយ​ថែមទៀត រវាង​ថ្នាក់​លើ និង​ថ្នាក់​ក្រោម ជាមួយ​បណ្ដា​មន្ទីរ​អង្គភាព ដៃគូ​អភិវឌ្ឍន៍​ពាក់ព័ន្ធ​នានា និង​រដ្ឋបាល​ឃុំ ព្រមទាំង​សមត្ថកិច្ច​ពាក់ព័ន្ធ ។​
​លោក​អភិបាលខេត្ត បាន​បន្តទៀតថា បើទោះបីជា​មាន​ការផ្លាស់​ប្ដូរ​មុខតំណែង​អភិបាល នៃ​គណៈ​អភិបាលស្រុក​ថ្មី​ក៏ដោយ តែ​ដំណើរការ​នៃ​សកម្មភាព​ការងារ​គឺ​នៅ​បន្ត ពោល​គឺ​រដ្ឋបាល​ស្រុក ត្រូវតែ​ខិតខំ​ប្រឹងប្រែង​បន្តទៀត ក្នុងន័យ​បម្រើសេវា​ប្រជាពលរដ្ឋ​ឲ្យ​កាន់តែ​ល្អប្រសើរ និង​យកចិត្តទុកដាក់​ខ្ពស់ គ្រប់គ្រង​នូវ​រាល់​សកម្មភាព​ទាំងឡាយណា ដែល​បង្កឡើង​ដោយ​ការ​ញុះ​ញ៉ុង អុច​អាល ក្នុងន័យ​បំផ្លិចបំផ្លាញ​សុខសន្ដិភាព​ប្រជាពលរដ្ឋ ដោយ​រដ្ឋបាល​ស្រុក​ត្រូវ​ធ្វើ​ការបកស្រាយ​ព័ត៌មាន​ពិត​ជូន​ប្រជាពលរដ្ឋ បើ​សិន​បើ​មាន​សកម្មភាព​ខាងលើ​កើតឡើង ។ លោក​៩​េ ងួន រតនៈ បាន​ជំរុញ​ឲ្យ​រដ្ឋបាល​ស្រុក បន្ត​តាមដាន និង​យកចិត្តទុកដាក់​ឲ្យបាន​ខ្លាំង​ទៅលើ​ការហូរ​ចូលមក​នូវ​ពលករ​ដែល​មកពី​ប្រទេស​ថៃ ដើម្បី​បន្ត​ទប់ស្កាត់​ការរីក​រាលដាល​កូវី​ដ​-១៩ ជាពិសេស​គឺ​កូវី​ដ​-១៩​ប្រភេទ Delta ដែល​កំពុង​តែ​ផ្ទុះ​ខ្លាំង​នៅ​ឯ​ប្រទេស​ថៃ ហើយ​រដ្ឋបាល​ស្រុក​ត្រូវ​រៀបចំ​ឲ្យបាន​រួចជាស្រេច ទាំង​សម្ភារៈ ទាំង​ឧបករណ៍ ទីកន្លែង​ចត្តា​ឡី​ស័ក និង​ព្យាបាល ព្រមទាំង​ក្រុម​គ្រូពេទ្យ ដើម្បី​កុំឲ្យ​មាន​ភាពយឺតយ៉ាវ ធ្វើ​ឲ្យ​យុទ្ធនាការ​នៃ​ការទប់ស្កាត់​ជំងឺ​នេះ​ទទួល​បរាជ័យ បង្ក​ឲ្យមាន​ការផ្ទុះ​ជា​សហគមន៍​ធ្ងន់ធ្ងរ ៕​ដោយ​លោក ព្រំ ហន​
​

Filed in: ព័ត៌មានជាតិ