ខេត្តបាត់ដំបង ៖ នៅថ្ងៃទី ២១ ខែកក្កដា ឆ្នាំ២០២១ វេលាម៉ោង ៩និង៣០នាទី អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោក វរសេនីយ៍ឯក ពេជ្រ សារ៉ែន អធិការក្រុងបាត់ដំបង បានចាត់តាំងលោក វរសេនីយ៍ទោ កាយ វណ្ណធី អធិការរង លោកអនុសេនីយ៍ឯក ជួន ចំណាប់ អធិការរង លោកវរសេនីយ៍ត្រី ឆាន់ ចាន់ប៊ុណ្ណា អធិការរង និងលោកវរសេនីយ៍ត្រី ភឿ សុផា នាយផ្នែកសណ្តាប់ធ្នាប់សាធារណ:ទៅសួរសុខទុក្ខ លោកអនុសេនីយ៍ឯក ហម ចិន្តា មន្ត្រីនគរបាលនៃអធិការដ្ឋាននគរបាលក្រុងបាត់ដំបង ដែលលោកកំពុងមានជំងឺ និងកំពុងសម្រាកព្យាបាលនៅលំនៅដ្ឋានរបស់លោកស្ថិតនៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ។
ជាមួយនឹងការសាកសួរសុខទុក្ខនេះបាននាំយកគ្រឿងឧបភោគបរិភោគមួយចំនួន ព្រមទាំងថវិកា៣០០,០០០រៀល (បីសែនរៀល) ជូនដល់លោកអនុសេនីយ៍ឯក ហម ចិន្តា និងគ្រួសារផងដែរ ៕
