នៅថ្ងៃទី ១៨ ខែកក្កដា ឆ្នាំ ២០២១ វេលាម៉ោង ៩,០០នាទីព្រឹក នៅរដ្ឋបាលខណ្ឌដូនពេញបានបើកកិច្ចប្រជុំបន្ទាន់ក្រោមអធិបតីភាព លោក សុខ ពេញ វុធ អភិបាល នៃគណៈអភិបាលខណ្ឌដូនពេញ ។
សមាសភាពចូលរួមមាន៖
១/លោក លោកស្រី គណៈអភិបាលខណ្ឌដូនពេញ
២/គណៈនាយករដ្ឋបាលខណ្ឌ
៣/លោក លោកស្រី ប្រធានការិយាល័យទាំង១១
៤/លោក លោកស្រី ចៅសង្កាត់ទាំង១១។
ក្នុងកិច្ចប្រជុំនេះដែរ លោកប្រធានអង្គប្រជុំបានដាក់គោលការណ៍ដូចខាងក្រោម៖
១/ពិនិត្យអាជីវកម្មនៅក្នុងមូលដ្ឋានដែលគណៈបញ្ជាការឯកភាពខណ្ឌបានបិទកន្លងមក។
២/គ្រប់អាជីវកម្មដែលបានបិទកន្លងមកមិនអនុញ្ញាតិឲ្យលបលួចបើកឡើងវិញជាដាច់ខាត ។ ក្នុងករណីមិនអនុវត្តត្រូវមានវិធានការច្បាប់ ដើម្បីកសាងសំណុំរឿងបញ្ជូនទៅតុលាការ។
៣/ការងារប្រយុទ្ធប្រឆាំងជម្ងឺកូវីដ១៩ ត្រូវអនុវត្តជាប្រចាំ ដោយសហការ និងយកចិត្តទុកដាក់បំផុតចំពោះអ្នកជំងឺព្យាបាលតាមផ្ទះ ក៍ដូចជាអ្នកជម្ងឺទូទៅទាក់ទងជម្ងឺកូវីដ១៩ ។
៤/លោកអនុប្រធានការរិយាល័យសេដ្ឋកិច្ចសហគមន៍ត្រូវបញ្ជូនស្ថិតិក្លឹបកំសាន្ត ខារ៉ាអូខេ ម៉ាសា កោសជប់ ជូនទៅសង្កាត់ទាំង១១ បន្តអនុវត្ត។
៥/ចំពោះក្លឹប Love ដែលលបលួចបើកអាជីវកម្មហាមឃាត់ត្រូវធ្វើសេចក្តីជូនដំណឹងបិទ និងផ្ទះសំណាក់ SL ដែលបានចរាចរណ៍គ្រឿងញៀនត្រូវបិទអាជីវកម្ម ម្ចាស់ត្រូវកសាងសំណុំរឿងបញ្ជូនទៅតុលាការ។
