ខេត្តកំពង់ចាម ៖ ទីតាំងស្វៀនបញ្ជាក់មាន់បង្កប់អាប៉ោងដ៏ធំមួយកន្លែងនៅចំណុចចំការស្វាយ ក្បែរស្ពានថ្មីចម្ងាយ៣០០ម៉ែត្រ ទល់មុខមណ្ឌលសុខភាពខ្ចៅ ស្ថិតក្នុងភូមិខ្ចៅ ឃុំខ្ចៅ ស្រុកកងមាស ខេត្តកំពង់ចាម បានបើកដំណើរការលេងយ៉ាងគគ្រឹកគគ្រេងជាច្រើនថ្ងៃមកហើយ មិនខ្លាចពីការឆ្លងជំងឺកូវីដ-១៩ ទាល់តែសោះ ខណៈជំងឺដ៏កាចសាហាវមួយនេះកំពុងរាតត្បាតស្ទើរតែគ្រប់ទីកន្លែងគួរឲ្យបារម្ភបំផុត។
បើតាមសេចក្តីរាយការណ៍ពីប្រជាពលរដ្ឋ និងក្រុមអ្នកញៀនល្បែងបញ្ជល់មាន់មួយចំនួនបានប្រាប់អង្គភាពព័ត៌មាន “ភ្នំពេញដេលី” PHNOM PHENH DAILY MEDIA ឲ្យដឹងថា ម្ចាស់ទីតាំងសង្វៀនបញ្ជល់មាន់មាន ឈ្មោះ ” ហុក ” និងមេបាញ់អាប៉ោងមានឈ្មោះ ” ដា ” បានបើកដំណើរការលេងជារៀងរាល់ថ្ងៃចាប់ពីម៉ោង ១២ថ្ងៃត្រង់ ដល់ម៉ោង ៧យប់ និងចាក់ភ្នាល់ស៊ីសងចាញ់ឈ្នះលក្ខណៈទ្រង់ទ្រាយធំៗទៀតផង។
សេចក្តីរាយការណ៍ដដែលបន្តថា នៅថ្ងៃសុក្រ ចុងសប្តាហ៍នេះ គឺមានការប្រកួតទ្រង់ទ្រាយធំ និងច្រើនគូ ហើយមានការចាក់ភ្នាល់ស៊ីសងចាញ់ឈ្នះក្នុងមួយគូៗរាប់លានរៀល រហូតដល់ ខ្ទង់រយ ពាន់ដុល្លារ ក៏មានដែរ ដែលក្រុមអ្នកញៀនល្បែងកីឡាបក្សី និងញៀនចាក់អាប៉ោងមកពីគ្រប់ទិសទី ហើយបានធ្វើការប្រមូលផ្តុំគ្នាចាប់ពីម៉ោង១២ថ្ងៃត្រង់ ដល់ម៉ោង៧យប់ទើបឈប់។
ប្រជាពលរដ្ឋរិះគន់ដល់អាជ្ញាធរ និងសមត្ថកិច្ចដែលស្ងប់ស្ងៀមមិនហ៊ានបង្ក្រាបសង្វៀនបញ្ជល់មាន់បង្កប់អាប៉ោងរបស់ឈ្មោះ ” ហុក ” និងឈ្មោះ ” ដា “នៅភូមិខ្ចៅ ឃុំខ្ចៅ ស្រុកកងមាស និងបានអំពាវនាវដល់ឯកឧត្តម អ៊ុន ចាន់ដា អភិបាលខេត្តកំពង់ចាម ក៏ដូចជា ឧត្តមសេនីយ៍ទោ ឯម កុសល ស្នងការ នៃស្នងការដ្ឋាននគរបាលខេត្ត មានវិធានការជាបន្ទាន់ ដើម្បីរក្សាសន្តិសុខ សណ្តាប់ធ្នាប់សាធារណៈនៅក្នុងសង្គម និងបង្ការកុំឲ្យមានការឆ្លងរីករាលដាលនៃជំងឺកូវីដ-១៩៕ ដោយ ៖ សហការី
===========
ឧត្តមសេនីយ៍ឯក រ័ត្ន ស្រ៊ាង បានបន្តចាត់ក្រុមការងារ នាំយកស្បៀងឧបត្ថម្ភដល់ប្រជាពលរដ្ឋ២២នាក់ទៀត ជាប់ពាក់ព័ន្ធ ជាមួយបុគ្គលវិជ្ជមានជំងឺកូវីដ-១៩ ក្នុងសង្កាត់ព្រែកកំពឹស !
ភ្នំពេញនាព្រឹក ថ្ងៃសៅរ៍ ទី១០ ខែកក្កដា ឆ្នាំ២០២១ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាល ចុះមូលដ្ឋានខណ្ឌដង្កោ បានបន្តចាត់ឲ្យក្រុមការងារ ដែលមាន លោកឧត្ដមសេនីយ៍ត្រី ឈុន ប៊ុនទី មេបញ្ជាការរង កងរាជអាវុធហត្ថរាជធានីភ្នំពេញ ជាតំណាង នាំយកអំណោយជាស្បៀងរួមមាន អង្ករ មី ត្រីខ ទឹកត្រី ទឹកស៊ីអ៊ីវ ទឹកសុទ្ធ ព្រមទាំងឱសថបុរាណចិនព្យាបាលក្អក ផ្តាស់សាយ ក្តៅខ្លួន ឈឺក្បាល ការពារសួត ឧបត្ថម្ភដល់ប្រជាពលរដ្ឋ២២នាក់បន្ថែមទៀត ដែលជាប់ពាក់ព័ន្ធជាមួយបុគ្គលមានវិជ្ជមានជំងឺកូវីដ-១៩ កំពុងធ្វើចត្តាឡីស័កតាមផ្ទះរៀងៗខ្លួន ភូមិស្រីស្នំ និងភូមិក្រាំងស្វាយ សង្កាត់ព្រែកកំពឹស ខណ្ឌដង្កោ។
ក្នុងឱកាសនោះ លោកឧត្ដមសេនីយ៍ត្រី ឈុន ប៊ុនទី បានពាំនាំនូវការផ្តាំផ្ញើសួរសុខទុក្ខពីសំណាក់ លោកឧត្តមសេនីយ៍ឯក រ័ត្ន ស្រ៊ាង ជូនចំពោះ ប្រជាពលរដ្ឋដែលកំពុងធ្វើចត្តាឡីស័កតាមផ្ទះរៀងខ្លួនទាំងអស់ សូមអត់ធ្មត់នៅដាច់ដោយឡែកបន្តមួយរយៈទៀត ដើម្បីឲ្យប្រាកដថាមានសុវត្ថិភាព ជៀសឆ្ងាយពីជំងឺឆ្លងកូវីដ-១៩ និងសូមចូលរួមអនុវត្តឲ្យបាននូវវិធានការ ៣ការពារ ៣កុំ របស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ព្រមទាំងវិធានការនានា របស់ក្រសួងសុខាភិបាល ក្នុងការចូលរួមបង្កាទប់ស្កាត់ កូវីដ-១៩ ផងដែរ៕
