(ប៉ៃលិន) ៖ ក្រោយពីប្រកាសចាក់វ៉ាក់សាំងការពារកូវិដ.១៩របស់រដ្ឋបាលខេត្តប៉ៃលិនគេសងកកេរឃើញប្រជាពលរដ្ឋនាំគ្នាទៅទទួលវ៉ាក់សាំងយ៉ាងច្រើនកុះករនៅតាមគោលដៅមណ្ឌលចាក់វ៉ាក់សាំងនានាទូទាំងខេត្តប៉ៃលិននៅថ្ងៃដំបូងនេះ។
ក្នុងយុទ្ធនាការបើកឲ្យប្រជាពលរដ្ឋទូទាំងខេត្តប៉ៃលិនបានទទួលការចាក់វ៉ាក់សាំងការពារជម្ងឺកូវិដ.១៩នេះដែល លោកជំទាវ បានស្រីមុំ អភិបាលខេត្តប៉ៃលិនក៍បានចុះជួបសំណេះសំណាសជាមួយប្រជាពលរដ្ឋនៅតាមមណ្ឌលចាក់វ៉ាក់សាំងទូទាំងខេត្តនាថ្ងៃទី៨ខែកក្តដាឆ្នាំ២០២១នេះ។
លោកជំទាវអភិបាលខេត្តក៍បានណែនាំដល់ពុកម៉ែបងប្អូនដែលមកទទួលវ៉ាក់សាំងទាំងអស់ត្រូវតែស្តាប់តាមការណែនាំរបស់គ្រូពេទ្យដោយឲ្យតមការពិសារស្រាគ្រឿងសមុទ្រ កុំពិសារម្ទេសច្រើនពេកនិងលើករបស់ធ្ងន់ជាដើម។
លោកជំទាវបន្តថា យើងទទួលវ៉ាក់សាំងគ្រប់២លើកហើយក៍ដោយ ក៍កុំភ្លេច៣ការពារ៣កុំដែលជាសារដ៍ប្រពៃរបស់ប្រមុខរាជរដ្ឋាភិបាល ពិសេសរស់នៅត្រូវមានអនាម័យល្អ ដោយលាងដៃអោយបានញឹកញាប់ជាមួយសាប៊ូ ពាក់ម៉ាស់ជាប្រចាំ រក្សាគម្លាតពីគ្នា យ៉ាងតិច១ម៉ែត្រកន្លះ នេះជាវិធីដ៍សំខាន់បំផុត ក្នុងការចូលរួមទប់ស្កាត់ការឆ្លងរាលដាលនៃមេរោគកូវីដ-១៩ យើងរួមគ្នាយើងនិងឈ្នះ ។
សូមបញ្ជាក់ថា យុទ្ធនាការនៃការចាក់វ៉ាក់សាំងនៅខេត្តប៉ៃលិននេះមានរយៈពេល ១៤ថ្ងៃគឺចាប់ថ្ងៃទី០៨ ខែកក្កដា ឆ្នាំ២០២១ តទៅគឺពេលព្រឹកចាប់ពីម៉ោង ៨:០០ នាទីព្រឹក ដល់ម៉ោង ១១:០០នាទី ពេលរសៀលចាប់ពីម៉ោង ២:០០ នាទីរសៀល ដល់ម៉ោង ៥:០០នាទីល្ងាច នៅតាមទីតាំងដូចខាងក្រោម ៖
១ ក្រុងប៉ៃលិន
ទីតាំងទី១ មន្ទីរពេទ្យបង្អែកខេត្តប៉ៃលិន ចំនួន ០២កន្លែង
ទីតាំងទី២ មណ្ឌលសុខភាពក្រចាប់ ចំនួន ០១កន្លែង
២ ស្រុកសាលាក្រៅ
ទីតាំងទី១ មណ្ឌលសុខភាពផ្សារព្រំ ចំនួន ០២កន្លែង
ទីតាំងទី២ មណ្ឌលសុខភាពស្ពង់ ចំនួន ០១កន្លែង
ទីតាំងទី៣ មណ្ឌលសុខភាពភ្នំព្រាល ចំនួន ០១កន្លែង
សូមបញ្ជាក់ សូមកុំភ្លេចភ្ជាប់មកជាមួយនូវអត្តសញ្ញាណប័ណ្ណសញ្ជាតិខ្មែរទើបក្រុមការងារអាចចាក់ឲ្យបាន៕
