ទាន់ហេតុការណ៍
នគរបាលឆ្មក់បង្ក្រាបទីតាំង KTV មួយកន្លែងនៅស្រុកភ្នំស្រួច សមត្ថកិច្ចជួយសង្គ្រោះនារីបម្រើសេវា ១០នាក់ ក្នុងនោះមានអនីតិជន ៦នាក់ និងឃាត់ខ្លួនមនុស្ស ៣នាក់==>ក្នុងពេលបំពេញទស្សនកិច្ចនាយករដ្ឋមន្ត្រីកាណាដា នឹងចុះហត្ថលេខា លើកិច្ចសហប្រតិបត្តិការសេដ្ឋកិច្ច និងពាណិជ្ជកម្មជាមួយកម្ពុជា==>អតីតពលករមកពីថៃ និងពលរដ្ឋជាង១ម៉ឺន៣ពាន់នាក់ បានធ្វើតេស្តទទួលស្គាល់ជំនាញ==>យោធាតំបន់​ប្រតិបត្តិការ​សឹក​រង​ខេត្តកំពង់ធំ បង្ក្រាប​ឧបករណ៍​នេសាទ​ របាំង​ស្បៃ​មុង​ប្រវែង​ជាង​ ១,២០០​ ម៉ែត្រ​​ ដែល​នៅ​តែ​ដាក់​បំពាន​រំលោភ​ច្បាប់ ​ស្ដីពី​ពីជលផល​នៅ​ក្នុង​ភូមិ​សាស្ត្រ​ ឃុំ​សំព្រោច​ ស្រុក​ស្ទោង​==>ពិតមិនធម្មតាថវិកាចំណាយផ្នែកសំណង់ មន្ទីរកសិកម្មខេត្តព្រៃវែង ដោយក្នុង១ឆ្នាំៗខ្ទង់១០០០លានរៀល ១០ឆ្នាំគឺលើស២លានដុល្លា លទ្ធកម្មចាត់ចែងដោយលោកប្រធានមន្ទីរ អ៊ុក សំណាង តើតម្លៃនេះបើប្រៀបធៀបសំណង់នៅតាមបុរី ខុសគ្នាយ៉ាងណា..?==>ឯកឧត្ដមអភិសន្តិបណ្ឌិតឧបនាយករដ្ឋមន្ត្រី ស សុខា ដាក់ឱ្យដំណើរការសាខាលិខិតឆ្លងដែន ប្រចាំខេត្តព្រះសីហនុ នៅអគារផ្សារទំនើប ដាយអ៉ឺមេន ផ្លាហ្សា==>អធិការកិច្ច​ជលផល៖បង្ក្រាប​បទល្មើស​នាំ​ចូល​ត្រី​ប្រាចំនួន​១៨​តោន ជនសង្ស័យ​២​នាក់ បាន​រត់គេច​ខ្លួន​ចូល​ព្រៃ==>ឧត្តមសេនីយ៍ឯក រ័ត្ន ស្រ៊ាង នាំយកទៀនព្រះវស្សា និងទេយ្យវត្ថុប្រគេនព្រះសង្ឃគង់ចាំព្រះវស្សា នៅវត្តកែវមុនី ក្នុងសង្កាត់ព្រែកកំពឹស==>តុលាការផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព==>ផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព

​អភិបាល​ខេត្ត​កំពត អញ្ជើញ​ក្នុង​កិច្ចប្រជុំ​ពិភាក្សា​ជាមួយ​ប្រតិភូ​ក្រសួង​មហាផ្ទៃ ស្ដីពី វឌ្ឍនភាព​ការរៀបចំ និង​ដាក់ឱ្យ​ដំណើរការ​រដ្ឋបាល​ក្រុង​បូកគោ ក្រោម​វត្តមាន ឯកឧត្តម សក់ សេដ្ឋា​

​អភិបាល​ខេត្ត​កំពត អញ្ជើញ​ក្នុង​កិច្ចប្រជុំ​ពិភាក្សា​ជាមួយ​ប្រតិភូ​ក្រសួង​មហាផ្ទៃ ស្ដីពី វឌ្ឍនភាព​ការរៀបចំ និង​ដាក់ឱ្យ​ដំណើរការ​រដ្ឋបាល​ក្រុង​បូកគោ ក្រោម​វត្តមាន ឯកឧត្តម សក់ សេដ្ឋា​
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ខេត្ត​កំពត​)៖ កាលពី​ថ្ងៃ​ទី​២៥ ខែមិថុនា ឆ្នាំ​២០២១ ឯកឧត្តម ជាវ តា​យ អភិបាល​នៃ​គណៈ​អភិបាលខេត្ត បាន​អញ្ជើញ​ចូលរួម ក្នុង​កិច្ចប្រជុំ​ពិភាក្សា​ជាមួយ​ប្រតិភូ​ក្រសួងមហាផ្ទៃ ស្ដី​ពី​ការពិនិត្យ​វឌ្ឍនភាព​នៃ​ការរៀបចំ និង​ដាក់ឱ្យ​ដំណើរការ​រដ្ឋបាល​ក្រុង​បូកគោ ខេត្ត​កំពត ក្រោម​អធិបតីភាព ឯកឧត្តម សក់ សេដ្ឋា រដ្ឋលេខាធិការ ប្រចាំការ ក្រសួងមហាផ្ទៃ និង​មាន​ការចូលរួម​ពី ឯកឧត្តម ប្រាក់ សំអឿន អគ្គនាយក​នៃ​អគ្គនាយកដ្ឋាន​រដ្ឋបាល​។​

​កិច្ចប្រជុំ​បាន​ពិនិត្យ​ពិភាក្សា​អំពី​វឌ្ឍនភាព​ទូទៅ ដោយ​បាន​ផ្ដោត​សំខាន់​ពាក់ព័ន្ធ ការរៀបចំ​ក្របខណ្ឌ​មន្ត្រីរាជការ ការរៀបចំ​ថវិកា ការជ្រើសរើស​ទីតាំង​បណ្ដោះអាសន្ន​សម្រាប់​បម្រើកា​រងារ​រដ្ឋបាល និង​ការជ្រើសរើស​ទីតាំង​ជាក់លាក់​សម្រាប់​សាងសង់​អគារ​ថ្មី​រដ្ឋបាល​ក្រុង​ផងដែរ​។​

​ឯកឧត្តម សក់ សេដ្ឋា រដ្ឋលេខាធិការ​ប្រចាំការ ក្រសួងមហាផ្ទៃ បានបញ្ជាក់​ថា កិច្ចប្រជុំ​ពេលនេះ វត្ថុបំណង​សំខាន់ គឺ​ការពិនិត្យ វឌ្ឍនភាព និង​ការជំរុញ​រៀបចំ​ដាក់ឲ្យ​ដំណើរការរ​ដ្ឋ​បាល​ក្រុង​បូកគោ​នេះ​ឲ្យបាន​លឿន​ឆាប់រហ័ស ដោយ​ផ្អែក​តាម​អនុលោម​ច្បាប់​ស្ដីពី​ការគ្រប់គ្រង​រដ្ឋបាល​រាជធានី​ខេត្ត​ក្រុង​ស្រុក​និង​តាម​ការជូន​ដំណឹង​របស់​គណៈកម្មាធិការ​ជាតិ​រៀបចំ​ការបោះឆ្នោត​(​គជប​) ដែល​នឹង​ធ្វើ​ការបោះឆ្នោត​ជ្រើសរើស​ក្រុមប្រឹក្សា​ក្រុង​នៅ​ថ្ងៃទី​២៥​ខែកក្កដា​២០២១​នេះ​។ ហើយ​បន្ទាប់មក​ការប្រកាស​ចូល​កាន់​មុខតំណែង តួនាទី​ក្រុមប្រឹក្សា​និង​គណៈ​អភិបាលក្រុង ក៏​នឹង​ជំរុញឲ្យបាន​លឿន​យ៉ាង​យូរ​នៅ​ថ្ងៃ​ទី​០១​ខែ​សីហា​២០២១ ខាងមុខនេះ​។​

ឯកឧត្តម សក់ សេដ្ឋា ក៏​បាន​ស្នើ​ឲ្យ​រដ្ឋបាល​ខេត្ត​ក៏​ដូច​មន្ត្រី​ពាក់ព័ន្ធ ត្រូវ​រៀបចំ​ក្របខ័ណ្ឌ​មន្ត្រីរាជការ រដ្ឋបាល​ក្រុង​បូកគោ​នេះ ជា​ជំហាន​ដំបូង​ឱ​ស្របទៅនឹង​ទំហំ​ការងារ​ចាំបាច់​ចៀសវាង​មន្ត្រី​តែ​ម្នាក់ ទទួលបន្ទុក​ជំនាញ​ច្រើន​វិស័យ​ដែល​នាំឲ្យ​មាន​ការរាំងស្ទះ​ដល់​ការងា​រ​បម្រើ​សេវា​រដ្ឋបាល​ជូន​ប្រជាពលរដ្ឋ​។ ទាក់ទិន​នឹង​ការងារ​ផ្ទេរ​ក្រប​ខណ្ឌ​និង​ការជ្រើសរើស ត្រូវអនុវត្ត​តាម​នីតិ​វិធី ដោយ​មាន​ការទំនាក់ទំនង​ពី​ក្រសួង​មុខងារសាធារណៈ ហើយ​ការតែងតាំង​ក៏​សូមឱ្យ​មាន​ទៅ​តាម​ការិយាល័យ​ចំណុះ​តាម​ចំនួន​កម្រិត​ជាក់ស្ដែង​ដើម្បី​និរន្តរភាព​ការងារ រង់ចាំ​ពេល​ក្រោយ​បន្តបន្ទាប់​ជ្រើសរើស​បន្ថែម​តាម​ភាពជាក់ស្ដែង​នៃ​តម្រូវការ​ទំហំ​ការងារ​ជាក់ស្ដែង​។​

​ក្នុងឱកាស​នោះ​ដែរ ឯកឧត្តម​រដ្ឋលេខាធិកា​រ ក៏​បាន​បញ្ជាក់​ដែរ​ថា​ការអភិវឌ្ឍ​នៅក្នុង​តំបន់ ទីក្រុង​បូកគោ​គឺ​អភិវឌ្ឍន៍​ទៅ​តាម​អ្វី​ដែល​ប្លង់គោល​របស់​ក្រសួង​រៀបចំ​ដែនដី​និង​នគររូបនីយកម្ម បានអនុម័ត​។ ក៏ប៉ុន្តែ​តំបន់ការពារធម្មជាតិ​សូម​ឲ្យ​អាជ្ញាធរ​គ្រប់​លំដាប់ថ្នាក់ ចូលរួម​សហការ​គ្នា​ឲ្យបាន​ល្អ​ដើម្បី​ថែរក្សា​ឲ្យ​បាន​គង់វង្ស​ជៀសវាង​កាប់ឆ្កា​អនាធិបតេយ្យ​ខុស​ច្បាប់​កំណត់​។​

​បន្ទាប់​មក​ប្រតិភូ​ក្រុម​ការងារ​ក៏​បាន​អញ្ជើញ​ចុះ​ពិនិត្យ​ជាក់ស្ដែង​ទីតាំង​សម្រាប់​សាងសង់​អគារ​រដ្ឋបាល​ក្រុង​បូកគោ​នៅ​ជិត​ផ្លូវ​ឡើង​ឧទ្យាន​ជាតិ​ព្រះមុនីវង្ស​បូកគោ​និង​ទីតាំង​អាគារ​រដ្ឋបាល​បណ្ដោះអាសន្ន​នៅ​ជិត​នោះ​ផង​ដែរ​៕ សេង ណា​រិទ្ធ​

Filed in: ព័ត៌មានជាតិ