ខេត្តកំពង់ធំ ៖ ឯកឧត្តម សុខ លូ អភិបាលនៃគណ:អភិបាល ខេត្តកំពង់ធំ ថ្ងៃ សុក្រ ៥រោច ខែ ជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ០៤ ខែ មិថុនា ឆ្នាំ ២០២១ ឯកឧត្តម សុខ លូ អភិបាលនៃគណៈអភិបាលខេត្តកំពង់ធំនិង គណៈកម្មការសាខាកាកបាទក្រហមកម្ពុជា ខេត្តកំពង់ធំ សូមគោរពថ្លែងអំណរគុណយ៉ាងជ្រាលជ្រៅបំផុត ជូនចំពោះ ឯកឧត្តម ឃួន សុវណ្ណ ទីប្រឹក្សាផ្ទាល់ សម្ដេច អគ្គមហាសង្ឃ រាជាធិបតីកិត្តិឧទ្ទេស បណ្ឌិត ទេព វង្ស សម្ដេចព្រះមហាសង្ឃ នៃព្រះរាជាណាចក្រកម្ពុជា ដែលបានឧបត្ថម្ភថវិកាចំនួន ២០០,០០០រៀល ជូនចំពោះសាខាកាកបាទក្រហមកម្ពុជា ខេត្តកំពង់ធំ ។
អបអរសាទរខួបទី១៥៨ទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០២១ ក្រោមប្រធានបទ
” ទាំងអស់គ្នារួមជាមួយកាកបាទក្រហមកម្ពុជាប្រយុទ្ធនឹងជម្ងឺកូវីដ-១៩ និងកសាងភាពធន់របស់សង្គម” ។
ឯកឧត្តម សុខ លូ អភិបាលនៃគណៈអភិបាលខេត្ត នឹងបន្តយកអំណោយសប្បុរសជនទាំងនេះដើម្បីបម្រើសកម្មភាពមនុស្សធម៌ជូនប្រជាពលរដ្ឋ ដែលជួបការលំបាក ដោយគ្រោះធម្មជាតិ និងគ្រោះមហន្តរាយផ្សេងៗ។
ឯកឧត្តម ឃួន សុវណ្ណ ទីប្រឹក្សាផ្ទាល់ សម្ដេច អគ្គមហាសង្ឃ
រាជាធិបតីកតិ្តឧទ្ទេស បណ្ឌិត ទេព វង្ស សម្ដេចព្រះមហាសង្ឃរាជ នៃព្រះរាជាណាចក្រកម្ពុជា ឯកឧត្តមបានបន្តថា លោកនឹងខំប្រឹងតែជួយដល់ប្រជាពលរដ្ឋដែលមានការលំបាកខ្វះខាតបន្តទៀតតាមរូបភាពជាក់ស្ដែង។
