សូមក្រាបថ្វាយបង្គំ សម្តេច ព្រះសង្ឃគ្រប់ព្រះអង្គ និងសូមចំរើនពរដល់ញាតិញោមពុទ្ធបរិស័ទទាំងអស់ឲ្យបានជ្រាបថា នៅព្រឹក ថ្ងៃព្រហស្បតិ៍ត ៨រោច ខែជេស្ឋ ឆ្នាំឆ្លូវ ព.ស. ២៥៦៥ ត្រូវនិងថ្ងៃទី ៣ ខែមិថុនា ឆ្នាំ ២០២១នេះ ព្រះគ្រូចៅអធិការ ព្រះគ្រូសូត្រស្តាំ/ឆ្វេង ព្រះសង្ឃគ្រប់ព្រះអង្គ មានចិត្តសប្បាយរីករាយក្រៃលែង ដោយបានទទួលតំណឹងពីខាង មណ្ឌលព្យាបាលជំងឺកូវដ-១៩ លម្រិតស្រាលទួលពង្រថា ព្រះសង្ឃ សិស្ស -និស្សិត យាយជី វត្តសារាវ័នតេជោ ដែលបានទៅសម្រាកព្យាបាលនៅទីនោះបានជាសះស្បើយចំនួន ២១អង្គ/អ្នក ហើយ ក្រុមគ្រូពេទ្យកំពង់តែធ្វើបែបបទឲ្យនិមន្ត វិលត្រឡប់មកកាន់វត្តវិញ។ ដូច្នេះហើយ ក្នុងនាម វត្តសារាវ័នតេជោ សូមថ្លែងអំណរអរគុណយ៉ាងជ្រាលជ្រៅដល់ រាជរដ្ឋាភិបាល កម្ពុជា ព្រមទាំងថ្នាក់ដឹកនាំគ្រប់លំដាប់ថ្នាក់ ដែលតែងតែយកចិត្តទុក្ខដាក់ចំពោះ ព្រះសង្ឃ សិស្ស -និស្សិត តាជី យាយជី ក្នុងវត្តសារាវ័នតេជោ ជាពិសេស សូមអរគុណ ដល់ ក្រុមគ្រូពេទ្យសម្តចតេជោប្រឆាំងជំងឺកូវីដ-១៩ ដែលបានយកចិត្តទុក្ខដាក់ជួយព្យាបាលដល់ប្រជាពលរដ្ឋទាំងអស់នៅក្នុងព្រះរាជាណាចក្រកម្ពុជារបស់យេីង។ សូមថ្វាយព្រះពរ ប្រគេនពរ និងជូនពរដល់ សម្តេច ព្រះសង្ឃរាជ សម្តេច ទ្រង់ ឯកឧត្ដម លោកជំទាវ លោក លោកស្រី អ្នកនាងកញ្ញា ញាតិញោមប្រុស ស្រី សូមបាននូវសេចក្តីសុខ សេចក្តី ចំរេីន សូមឲ្យរួចផុតពីជំងឺកូវីដ-១៩ ជួបប្រទះ តែពុទ្ធពរ ទាំង៤ប្រការគឺ អាយុ វណ្ណៈ សុខ: ពល: កុំបីឃ្លៀងឃ្លាតឡើយ ។ សូមអរព្រះគុណ និងអរគុណ !
