(ខេត្តកំពត)៖ ដើម្បីទប់ស្កាត់ការឆ្លងរាលដាល ជំងឺកូវីដ-១៩ នៅក្នុងភូមិសាស្ត្រខេត្តកំពត រដ្ឋបាលខេត្ត បានចេញសេចក្តីសម្រេច ស្តីពី ការអនុវត្តវិធានការរដ្ឋបាលបណ្តោះអាសន្ន។
សេចក្តីសម្រេចនេះ បានធ្វើឡើងស្របពេលខេត្តកំពតបានរកឃើញអ្នកវិជ្ជមានកូវីដ-១៩ អំឡុងពេល៣ថ្ងៃបន្តបន្ទាប់ រហូតដល់១៦៨នាក់ ខណៈអ្នកពាក់ព័ន្ធផ្ទាល់ និងប្រយោលជាច្រើននាក់ទៀត កំពុងសម្រាកធ្វើចត្តាឡីស័ក។
សេចក្តីសម្រេច ក៏តម្រូវឲ្យគ្រប់ផ្សាររដ្ឋ ផ្សារឯកជន ផ្សារម៉ាត ភោជនីយដ្ឋាន អាហារដ្ឋាន តូបលក់អាហារ ហាងកាហ្វា ហាងភេសជ្ជៈ អាជីវកម្មផ្នែកអាហារ-ភេសជ្ជៈ អាជីវករ អ្នកលក់ដូរ អ្នកចែកចាយគ្រឿងស្រវឹងគ្រប់ប្រភេទ ត្រូវផ្អាករាល់ការបម្រើ និងលក់គ្រឿងស្រវឹងជូនភ្ញៀវ ព្រមទាំងបិទការធ្វើដំណើរ ឆ្លងកាត់ ដោយគិតចាប់ពីចន្លោះម៉ោង(២០)រហូតដល់ម៉ោង៥ទៀបភ្លឺ ក្នុងរយៈពេលមួយសប្តាហ៍ គិតចាប់ពីថ្ងៃទី០២ ដល់ថ្ងៃទី០៩ ខែមិថុនា ឆ្នាំ២០២១ ក្នុងភូមិសាស្ត្រខេត្តកំពត៕ សេង ណារិទ្ធ
(សូមអានព័ត៌មានលម្អិតក្នុងសេចក្តីសម្រេចរបស់រដ្ឋបាលខេត្តកំពត)
