ភ្នំពេញ៖ ព្រឹកថ្ងៃសៅរ៍ ទី២២ ខែឧសភា ឆ្នាំ២០២១ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស លោក វរសេនីយ៍ឯក ហាន វុទ្ធី នាយការិយាល័យបុគ្គលិក ស្នងការដ្ឋានកសាងកម្លាំង កងរាជអាវុធហត្ថលើផ្ទៃប្រទេស បានអញ្ជើញសំណេះសំណាលផ្តាំផ្ញើដល់សិក្ខាកាមជំនាញពេទ្យ ព័ត៌មានវិទ្យា វិស្វកម្ម ដែលត្រូវទៅសិក្សានៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំរីករាយ ត្រូវយកចិត្តទុកដាក់រៀនសូត្រ គោរពវិន័យ គោរពបទបញ្ជាផ្ទៃក្នុងរបស់មជ្ឈមណ្ឌល ចេះជួយយកអាសាគ្នា មានសាមគ្គីឯកភាពផ្ទៃក្នុង មានឆន្ទៈ មោះមុត ក្លាហាន តស៊ូព្យាយាម អត្តចរិតស្លូតបូត មានសីលធម៌ សុជីវធម៌ល្អ រស់នៅស្អាត ដើម្បីឱ្យក្លាយជាយោធិននៃកងរាជអាវុធហត្ថ ជាធនធានបន្តវេនដ៏មានសក្តានុពល ដែលជាការចង់បានរបស់លោក នាយឧត្តមសេនីយ៍ មេបញ្ជាការកងរាជអាវុធហត្ថ និងអនុវត្តវិធានការបីកុំ បីការពារ។
មុននឹងចេញដំណើរទៅសិក្ខាកាមទាំងអស់បានយកសំណាកធ្វើតេស្តបឋម (Rapide test) រកមេរោគកូវីដ-១៩ ផងដែរ ដោយលទ្ធផលអវិជ្ជមានទាំងអស់។
