ទាន់ហេតុការណ៍
នគរបាលឆ្មក់បង្ក្រាបទីតាំង KTV មួយកន្លែងនៅស្រុកភ្នំស្រួច សមត្ថកិច្ចជួយសង្គ្រោះនារីបម្រើសេវា ១០នាក់ ក្នុងនោះមានអនីតិជន ៦នាក់ និងឃាត់ខ្លួនមនុស្ស ៣នាក់==>ក្នុងពេលបំពេញទស្សនកិច្ចនាយករដ្ឋមន្ត្រីកាណាដា នឹងចុះហត្ថលេខា លើកិច្ចសហប្រតិបត្តិការសេដ្ឋកិច្ច និងពាណិជ្ជកម្មជាមួយកម្ពុជា==>អតីតពលករមកពីថៃ និងពលរដ្ឋជាង១ម៉ឺន៣ពាន់នាក់ បានធ្វើតេស្តទទួលស្គាល់ជំនាញ==>យោធាតំបន់​ប្រតិបត្តិការ​សឹក​រង​ខេត្តកំពង់ធំ បង្ក្រាប​ឧបករណ៍​នេសាទ​ របាំង​ស្បៃ​មុង​ប្រវែង​ជាង​ ១,២០០​ ម៉ែត្រ​​ ដែល​នៅ​តែ​ដាក់​បំពាន​រំលោភ​ច្បាប់ ​ស្ដីពី​ពីជលផល​នៅ​ក្នុង​ភូមិ​សាស្ត្រ​ ឃុំ​សំព្រោច​ ស្រុក​ស្ទោង​==>ពិតមិនធម្មតាថវិកាចំណាយផ្នែកសំណង់ មន្ទីរកសិកម្មខេត្តព្រៃវែង ដោយក្នុង១ឆ្នាំៗខ្ទង់១០០០លានរៀល ១០ឆ្នាំគឺលើស២លានដុល្លា លទ្ធកម្មចាត់ចែងដោយលោកប្រធានមន្ទីរ អ៊ុក សំណាង តើតម្លៃនេះបើប្រៀបធៀបសំណង់នៅតាមបុរី ខុសគ្នាយ៉ាងណា..?==>ឯកឧត្ដមអភិសន្តិបណ្ឌិតឧបនាយករដ្ឋមន្ត្រី ស សុខា ដាក់ឱ្យដំណើរការសាខាលិខិតឆ្លងដែន ប្រចាំខេត្តព្រះសីហនុ នៅអគារផ្សារទំនើប ដាយអ៉ឺមេន ផ្លាហ្សា==>អធិការកិច្ច​ជលផល៖បង្ក្រាប​បទល្មើស​នាំ​ចូល​ត្រី​ប្រាចំនួន​១៨​តោន ជនសង្ស័យ​២​នាក់ បាន​រត់គេច​ខ្លួន​ចូល​ព្រៃ==>ឧត្តមសេនីយ៍ឯក រ័ត្ន ស្រ៊ាង នាំយកទៀនព្រះវស្សា និងទេយ្យវត្ថុប្រគេនព្រះសង្ឃគង់ចាំព្រះវស្សា នៅវត្តកែវមុនី ក្នុងសង្កាត់ព្រែកកំពឹស==>តុលាការផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព==>ផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព

អ្នកលក់ដូរ និង​អ្នក​ចូល​ផ្សារ​ទាំង​អស់ ក្រោយ​បើក​ឡើង​វិញ ត្រូវ​ពាក់​ម៉ាស និង​រក្សា​គម្លាត​សុវត្ថិភាព​ជា​ចាំបាច់​, អ្នក​មិន​អនុវត្ត​ត្រូវ​ពិន័យ​ជា​ប្រាក់​ពី​២០​ម៉ឺន​រៀល ទៅ​១​លាន​រៀល

អ្នកលក់ដូរ និង​អ្នក​ចូល​ផ្សារ​ទាំង​អស់ ក្រោយ​បើក​ឡើង​វិញ ត្រូវ​ពាក់​ម៉ាស និង​រក្សា​គម្លាត​សុវត្ថិភាព​ជា​ចាំបាច់​, អ្នក​មិន​អនុវត្ត​ត្រូវ​ពិន័យ​ជា​ប្រាក់​ពី​២០​ម៉ឺន​រៀល ទៅ​១​លាន​រៀល
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ភ្នំពេញ​) ៖ យោងតាម​លិខិត​លេខ ១១៤/២១ សសរ ចុះ​ថ្ងៃ​ទី ២០ ឧសភា ឆ្នាំ ២០២១ សាលា​រាជធានី​ភ្នំពេញ បានអនុញ្ញាត​អោយ​បើក​ដំណើរការ​ឡើង​វិញ​ចំពោះ​ផ្សារ​រដ្ឋ​ទាំងអស់ ក្នុង​មូលដ្ឋាន​រាជធានី​ភ្នំពេញ តែ​ត្រូវ​គោរព​វិធានការ​សុវត្ថិភាព ។​

​លោក ឃួ​ង ស្រេង អភិបាល​រាជធានី​ភ្នំពេញ បានកំណត់​ឲ្យ​អាជីវករ សន្ដិសុខ បុគ្គលិ​-​កម្មករ អតិថិជន​ដែល​ចេញ​ចូល​ផ្សារ​ទាំង​អស់ ក្រោយ​បើក​ដំណើរការ​ឡើងវិញ នៅ​ថ្ងៃ​ទី​២៤ ខែ​ឧសភា ឆ្នាំ​២០២១ ត្រូវ​អនុវត្ត​កាតព្វកិច្ច​ពាក់​ម៉ាស់ និង​រក្សា​គម្លាត​សុវត្ថិភាព ១.៥​ម៉ែត្រ ជា​ចាំបាច់​ក្នុង​បរិវេណ​ផ្សារ​នីមួយៗ​។​

​ក្នុង​សេចក្ដីសម្រេច​ស្ដីពី​ការបើក​ដំណើរការ​ឡើងវិញ ចំពោះ​ផ្សារ​រដ្ឋ​ទាំងអស់​ក្នុង​មូលដ្ឋាន​រាជធានី​ភ្នំពេញ ត្រង់​ប្រការ​២ បានកំណត់​ច្បាស់​ថា អ្នក​មិន​អនុវត្ត​កាតព្វកិច្ច​ពាក់​ម៉ាស់ និង​រក្សា​គម្លាត​សុវត្ថិភាព នឹង​ត្រូវ​ពិន័យ​ជា​ប្រាក់​ពី​២០​ម៉ឺន​រៀល ទៅ​១​លាន​រៀល តាម​ច្បាប់​កំណត់​។​

​សេចក្ដីសម្រេច​នេះ​បាន​សរសេរ​យ៉ាង​ដូច្នេះ​ថា «​អាជីវករ សន្ដិសុខ បុគ្គលិក​-​កម្មករ អតិថិជន និង​ជន​ទាំងឡាយ​ដែល​មាន​វត្តមាន​ក្នុង​បរិវេណ​ផ្សារ ត្រូវមាន​កាតព្វកិច្ច​ពាក់​ម៉ាស់ និង​កាតព្វកិច្ច​រក្សា​គម្លាត​សុវត្ថិភាព​ជា​ចាំបាច់​។ ក្នុង​ករណី​មិន​ពាក់​ម៉ាស់ ឬ​ពាក់​ម៉ាស់​មិនបាន​ត្រឹមត្រូវ ឬ​មិន​រក្សា​គម្លាត​សុវត្ថិភាព​ទេនោះ អភិបាល​រដ្ឋាករ​ស្វយ័ត​ផ្សារ​ធំថ្មី និង​គណៈកម្មការ​គ្រប់គ្រង​ផ្សារ​រដ្ឋ ត្រូវ​សហការ​ជាមួយ​មន្ដ្រី​ជំនាញ និង​អាជ្ញាធរ​មូលដ្ឋាន ដើម្បី​អនុវត្ត​ការផាកពិន័យ​ជាបន្ទាន់ ចំពោះ​បុគ្គល​ល្មើស ក្នុង​កម្រិត​ទឹកប្រាក់​ពិន័យ​អន្ដរការណ៍​ចន្លោះ​ពី ២០​ម៉ឺន​រៀល ដល់​១​លាន​រៀល​»​។​

​ក្នុងនោះ អភិបាល​រាជធានី​ភ្នំពេញ ក៏​បាន​ហាមឃាត់​ដាច់ខាត​ការជួបជុំ​ប្រមូលផ្ដុំ​មនុស្ស​ក្នុង​បរិវេណ​ផ្សារ ទោះបី​ក្រោម​រូបភាព​ណាក៏ដោយ​។ ក្នុងករណី​មាន​ការជួបជុំ​ប្រមូលផ្ដុំ​មនុស្ស​ខុសពី​ការណែនាំ​នេះ នឹង​ត្រូវ​អនុវត្ត​ការផាកពិន័យ​ជាបន្ទាន់ ក្នុង​កម្រិត​ទឹកប្រាក់​ពិន័យ​អន្ដរការណ៍ ២០​ម៉ឺន​រៀល តាម​ច្បាប់​កំណត់​ជា​ធរមាន​។​

​ជាមួយគ្នានេះ លោក ឃួ​ង ស្រេង ក៏​តម្រូវ​ឲ្យ​អាជីករ សន្ដិសុខ បុគ្គលិក​-​កម្មករ អតិថិជន និង​ជន​ទាំងឡាយ ដែល​មាន​វត្តមាន​ក្នុង​បរិវេណ​ផ្សារ ត្រូវ​អនុវត្ត​ឲ្យបាន​ម៉ឺងម៉ាត់​នូវ​វិធានការ «៣​ការពារ និង​៣​កុំ​» របស់​សម្ដេច​តេជោ ហ៊ុន សែន នាយករដ្ឋមន្ដ្រី​នៃ​កម្ពុជា​៕
​

Filed in: ព័ត៌មានជាតិ