ដោយមានការចង្អុលបង្ហាញពីឯកឧត្ដម ងួន រតនៈ អភិបាលនៃគណៈអភិបាលខេត្តបាត់ដំបង និងជាប្រធានគណៈបញ្ជាការឯកភាពរដ្ឋបាលខេត្តបាត់ដំបង ឯកឧត្ដម ណុប ដារ៉ា អភិបាលរងនៃគណៈអភិបាលខេត្តបាត់ដំបង និងជាប្រធានគណៈកម្មការស្រាវជ្រាវបង្ក្រាបល្បែងស៊ីសងគ្រប់ប្រភេទ នៅក្នុងខេត្តបាត់ដំបង និងមានការសម្របសម្រួលទៅលើនីតិវិធីពីឯកឧត្ដម គឺ ប៊ុណ្ណារ៉ា ព្រះរាជអាជ្ញានៃអយ្យការអមសាលាដំបូងខេត្តបាត់ដំបង ឯកឧត្ដម ឧត្ដមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានដាក់បទបញ្ជាឲ្យលោកវរសេនីយ៍ឯក មៀន ឡាួយ ស្នងការរងដឹកនាំកម្លាំងក្រុមអន្តរាគមន៍បង្ការបង្ក្រាបចុះប្រតិបត្តិការបង្ក្រាប ករណីល្បែងស៊ីសង (ភ្នាល់ទឹកភ្លៀង) ០១ ករណី នៅថ្ងៃទី១៨ខែឧសភាឆ្នាំ២០២១វេលាម៉ោង១៥:៥៥នាទីនៅចំណុចភូមិចំការសំរោង២សង្កាត់ចំការសំរោងក្រុងបាត់ដំបងខេត្តបាត់ដំបង។
នៅក្នុងការចុះបង្ក្រាបនេះដែរ សមត្ថកិច្ចបាន ធ្វើការនាំខ្លួនមេល្បែងភ្នាល់ទឹកភ្លៀងចំនួន០១នាក់ និងជាម្ចាស់ទីតាំងចល័តលេងល្បែងភ្នាល់ទឹកភ្លៀងឈ្មោះ ពេជ្រ សុធា ភេទប្រុសអាយុ៤០ឆ្នាំ មានទីលំនៅភូមិកម្មករសង្កាត់ស្វាយប៉ោក្រុងបាត់ដំបងខេត្តបាត់ដំបង។
វត្ថុតាងដកហូតរួមមាន៖
-ឧបករណ៍កែច្នៃសម្រាប់ត្រងទឹកភ្លៀង០១
-វិទ្យុទាក់ទងចំនួន០៣គ្រឿង
-រថយន្តម៉ាកTOYOTARUSHពណ៌ខ្មៅពាក់ស្លាកលេខភ្នំពេញ2AY1982០១គ្រឿង
បច្ចុប្បន្ន ការិយាល័យជំនាញកំពុងតែធ្វើការកសាងសំណុំរឿង ដើម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ៕
