(ខេត្តកែប)៖ មុខសញ្ញាជួញដូរ និងប្រើប្រាស់គ្រឿងញៀន ដ៏សកម្ម ចំនួន២នាក់ ត្រូវបានកម្លាំងនគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តកែប សហការជាមួយជាមួយនគរបាលខេត្តកំពតបង្ក្រាប នៅរសៀលថ្ងៃទី១៤ ខែឧសភា ឆ្នាំ២០២១។
ជុំវិញការបង្ក្រាបគ្រឿងញៀនខាងលើ សមត្ថកិច្ចបានឲ្យដឹងថា គឺស្ថិតក្រោមការដឹកនាំចង្អុលបង្ហាញពីលោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប ទើបប្រតិបត្តិការនេះទទួលបានជោគជ័យ ហើយប្រតិបត្តិការខាងលើយើងដកហូតជាក់ស្តែងបានវត្ថុតាងមួយចំនួនធំផងដែរ។
ទាក់ទិននឹងករណីនេះ នគរបាលនៃការិយាល័យជំនាញកំពុងបន្តនីតិវិធី និងកសាងសំណុំរឿងបញ្ជូនជនសង្ស័យ រួមទាំងវត្ថុតាងទៅតុលាការចាត់ការតាមផ្លូវច្បាប់៕ សេង ណារិទ្ធ
