កាលពីថ្ងៃទី ០៨ខែឧសភាឆ្នាំ២០២១វេលាម៉ោង១២:៥២នាទី នគរបាលព្រហ្មទណ្ឌកម្រិតស្រាល បាន ដឹកនាំ កម្លាំង ក្រុមអន្តរាគមន៍បង្ការ បង្ក្រាប សហការ ជាមួយ កម្លាំង ការិយាល័យ ជំនាញធ្វើការ ស្រាវជ្រាវរហូត ឈាន ដល់ ធ្វេីការនាំខ្លួនជនសង្ស័យចំនួន ០៣ នាក់ ពីបទបង្ករបួសស្នាមដោយចេតនា ក្រោយពីទទួលបានពីជនរងគ្រោះ ។
សកម្មភាពបង្ក្រាបនេះ គឺយោងតាមបទបញ្ជាផ្ទាល់ពីលោកឧត្តមសេនីយ៍ទោសាត គឹមសាន ស្នងការនគរបាលខេត្តបាត់ដំបងនិងសម្របសម្រួលនិតិវិធីដោយលោកគឺ ប៊ុណ្ណារ៉ា ព្រះរាជអាជ្ញា នៃអាយ្យការអមសាលាដំបូងខេត្តបាត់ដំបង ។
ក្រោយពីទទួលបានបណ្តឹងពីជនរងគ្រោះ ឈ្មោះ សុខ សីហា ភេទប្រុសអាយុ១៦ឆ្នាំមានទីលំនៅ ភូមិឡឥដ្ឋ សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបងដែលពាក់ព័ន្ធនឹងករណីហិង្សា ដោយចេតនា មានស្ថានទម្ងន់ទោស (គប់ដោយដុំថ្មនិង ពូថៅ) ដែលកើតហេតុនៅចំណុច ភូមិ តាកុកឃុំ នរាស្រុក សង្កែខេត្ត បាត់ដំបងកាលពី ថ្ងៃទី០៧ខែឧសភាឆ្នាំ២០២១ វេលាម៉ោង២១:៣០នាទី។
ជនបង្ក រួមមាន ៖
1️ឈ្មោះចាន់ប៊ុន ធឿនហៅលីនភេទប្រុសអាយុ២២ឆ្នាំមានទីលំនៅ ភូមិ សូភី ១សង្កាត់ រតនៈក្រុងបាត់ដំបងខេត្ត បាត់ដំបងនៅ ថ្ងៃទី១០ខែឧសភាឆ្នាំ២០២១វេលាម៉ោង០៤:៣០នាទីត្រង់ ចំណុច សួន ច្បារ សម្ដេចក្រឡាហោមសខេងដែល ស្ថិត នៅ ក្នុង ភូមិ រំចេក៤សង្កាត់ រតនៈក្រុងបាត់ដំបងខេត្តបាត់ដំបង។
2️ឈ្មោះឡេឡេងហៅឡុងភេទប្រុសអាយុ១៨ឆ្នាំមានទីលំនៅ ភូមិ ព្រែកនរិន្ទឃុំ ព្រែកនរិន្ទស្រុក ឯកភ្នំខេត្តបាត់ដំបងវេលាម៉ោង០៩:១០នាទីនៅ ត្រង់ ចំណុច ផ្ទះ សំណាក់យីហោបូរមីស្ថិតក្នុង ភូមិ វត្តគរសង្កាត់ វត្តគរក្រុងបាត់ដំបងខេត្ត បាត់ដំបង។
3️ឈ្មោះឈុំសម្បត្តិហៅបាត់ភេទប្រុសអាយុ១៩ឆ្នាំមានទីលំនៅ ភូមិ កំពង់ក្របីសង្កាត់ ស្វាយប៉ោក្រុងបាត់ដំបងខេត្ត បាត់ដំបងវេលាម៉ោង១៣:១០នាទីនៅ ភូមិ កំពង់ក្របីសង្កាត់ ស្វាយប៉ោក្រុងបាត់ដំបងខេត្ត បាត់ដំបង។
សមត្ថកិច្ចបានដក វត្ថុតាង រួមមាន៖
-ពូថៅដងឈើប្រវែង៤៥សង់ទីម៉ែត្រ០១
បច្ចុប្បន្ន ការិយាល័យជំនាញកំពុងកសាងសំណុំរឿង ដើម្បីបញ្ជូនទៅសាលាដំបូង ខេត្តបាត់ដំបងចាត់ការបន្តតាមនីតិវិធី ៕
