ទាន់ហេតុការណ៍
នគរបាលឆ្មក់បង្ក្រាបទីតាំង KTV មួយកន្លែងនៅស្រុកភ្នំស្រួច សមត្ថកិច្ចជួយសង្គ្រោះនារីបម្រើសេវា ១០នាក់ ក្នុងនោះមានអនីតិជន ៦នាក់ និងឃាត់ខ្លួនមនុស្ស ៣នាក់==>ក្នុងពេលបំពេញទស្សនកិច្ចនាយករដ្ឋមន្ត្រីកាណាដា នឹងចុះហត្ថលេខា លើកិច្ចសហប្រតិបត្តិការសេដ្ឋកិច្ច និងពាណិជ្ជកម្មជាមួយកម្ពុជា==>អតីតពលករមកពីថៃ និងពលរដ្ឋជាង១ម៉ឺន៣ពាន់នាក់ បានធ្វើតេស្តទទួលស្គាល់ជំនាញ==>យោធាតំបន់​ប្រតិបត្តិការ​សឹក​រង​ខេត្តកំពង់ធំ បង្ក្រាប​ឧបករណ៍​នេសាទ​ របាំង​ស្បៃ​មុង​ប្រវែង​ជាង​ ១,២០០​ ម៉ែត្រ​​ ដែល​នៅ​តែ​ដាក់​បំពាន​រំលោភ​ច្បាប់ ​ស្ដីពី​ពីជលផល​នៅ​ក្នុង​ភូមិ​សាស្ត្រ​ ឃុំ​សំព្រោច​ ស្រុក​ស្ទោង​==>ពិតមិនធម្មតាថវិកាចំណាយផ្នែកសំណង់ មន្ទីរកសិកម្មខេត្តព្រៃវែង ដោយក្នុង១ឆ្នាំៗខ្ទង់១០០០លានរៀល ១០ឆ្នាំគឺលើស២លានដុល្លា លទ្ធកម្មចាត់ចែងដោយលោកប្រធានមន្ទីរ អ៊ុក សំណាង តើតម្លៃនេះបើប្រៀបធៀបសំណង់នៅតាមបុរី ខុសគ្នាយ៉ាងណា..?==>ឯកឧត្ដមអភិសន្តិបណ្ឌិតឧបនាយករដ្ឋមន្ត្រី ស សុខា ដាក់ឱ្យដំណើរការសាខាលិខិតឆ្លងដែន ប្រចាំខេត្តព្រះសីហនុ នៅអគារផ្សារទំនើប ដាយអ៉ឺមេន ផ្លាហ្សា==>អធិការកិច្ច​ជលផល៖បង្ក្រាប​បទល្មើស​នាំ​ចូល​ត្រី​ប្រាចំនួន​១៨​តោន ជនសង្ស័យ​២​នាក់ បាន​រត់គេច​ខ្លួន​ចូល​ព្រៃ==>ឧត្តមសេនីយ៍ឯក រ័ត្ន ស្រ៊ាង នាំយកទៀនព្រះវស្សា និងទេយ្យវត្ថុប្រគេនព្រះសង្ឃគង់ចាំព្រះវស្សា នៅវត្តកែវមុនី ក្នុងសង្កាត់ព្រែកកំពឹស==>តុលាការផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព==>ផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព

​លោក ឃួ​ង ស្រេង បញ្ជាក់ថា ពលរដ្ឋ​រស់នៅ​រាជធានី​ភ្នំពេញ នឹង​ទទួលបាន​ចាក់​វ៉ាក់សាំង​ការពារ​ជំងឺ​កូវី​ដ​-១៩ ទាំងអស់គ្នា​

​លោក ឃួ​ង ស្រេង បញ្ជាក់ថា ពលរដ្ឋ​រស់នៅ​រាជធានី​ភ្នំពេញ នឹង​ទទួលបាន​ចាក់​វ៉ាក់សាំង​ការពារ​ជំងឺ​កូវី​ដ​-១៩ ទាំងអស់គ្នា​
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ភ្នំពេញ​)៖ លោក ឃួ​ង ស្រេង អភិបាល​រាជធានី​ភ្នំពេញ បាន​លើកឡើង​ថា ប្រជាពលរដ្ឋ​ទាំងអស់​ដែល​បាន​និង​កំពុង​រស់នៅ​ក្នុង​រាជធានី​ភ្នំពេញ នឹង​បាន​ទទួល​បាន​ការចាក់​បាក់​សាំង​ការពារ​ជំងឺ​កូវី​ដ​-១៩ គ្រប់គ្នា ដែល​ការចាក់​វ៉ាក់សាំង​នេះ នឹង​ត្រូវ​ធ្វើឡើង​ជា​ដំណាក់កាល គ្រាន់តែ​មុន និង​ក្រោយ​តែប៉ុណ្ណោះ ហើយ​បើ​តាម​ប្រសាសន៍​របស់ សម្តេច​តេជោ ហ៊ុន សែន វ៉ាក់សាំង​សម្រាប់​ចាក់​ជូន​ប្រជាពលរដ្ឋ​មិន​ខ្វះ​នោះទេ​។​

​ការបញ្ជាក់​របស់ លោក ឃួ​ង ស្រេង បាន​ធ្វើឡើង នៅ​ព្រឹក​ថ្ងៃទី​០៩ ខែ​ឧសភា ឆ្នាំ​២០២១​នេះ ក្នុង​ឱកាសលោក នាយ​ឧត្តមសេនីយ៍ ឥត សារ៉ាត់ អគ្គ​មេ​បញ្ជាក​ការរង នាយសេនាធិការ​ចម្រុះ នៃ​កងយោធពល​ខេមរភូមិន្ទ និង​ជា​ប្រធាន​ប្រតិបត្តិ​យុទ្ធនាការ​ចាក់​វ៉ាក់សាំង ចុះទៅ​ពិនិត្យ​ស្ថានភាព នៃ​ចាក់​វ៉ាក់សាំង​ការពារ​ជំងឺ​កូវី​ដ​-១៩ របស់​កងទ័ព​ចាក់​វ៉ាក់សាំង​ជូន​ប្រជាពលរដ្ឋ​នៅ​តំបន់​ក្រហម នៃ​សង្កាត់​បឹង​សាឡាង ខណ្ឌ​ទួលគោក​។​

​លោក ឃួ​ង ស្រេង បាន​លើកឡើង​ថា ក្នុង​យុទ្ធនាការ​នេះ អាជ្ញាធរ​រាជធានី​ភ្នំពេញ បាន​សហការ​គ្នា​បាន​យ៉ាង​ល្អ ជាមួយ​ក្រុម​ប្រតិបត្តិ​យុទ្ធនាការ​នៃ​ការចាក់​វ៉ាក់សាំង ក្នុង​ការរៀបចំ​ទីតាំង​ចាក់​វ៉ាក់សាំង​នៅ​តំបន់​ក្រហម ក្នុង​ខណ្ឌ​ដែល​មាន​ការរីក​រាលដាល​ជំងឺ​កូវី​ដ​-១៩ ដោយ​ក្នុង​តំបន់​ប្រហម​នេះ ត្រូវបាន​បែងចែក​ជា​ដំណាក់កាល នៃ​ការចាក់​ផងដែរ​។​

​លោក​អភិបាល​រាជធានី​ភ្នំពេញ បានបញ្ជាក់​ថា ក្រោយពី​ចាក់​វ៉ាក់សាំង​ការពារ​ជំងឺ​កូវី​ដ​-១៩ ជូន​ប្រជាពលរដ្ឋ កម្មករ កម្មការិនី នៅ​តំបន់​ក្រហម​អស់ហើយ អាជ្ញាធរ​រាជធានី​ភ្នំពេញ និង​ក្រុម​ប្រតិបត្តិ​យុទ្ធនាការ​ចាក់​វ៉ាក់សាំង នឹង​ចាក់​វ៉ាក់សាំង​ជូន​ប្រជាពលរដ្ឋ​នៅ​តំបន់​ផ្សេងទៀត នៅ​ទូទាំង​រាជធានី​ភ្នំពេញ មិន​ថា​តំបន់​លឿង លឿង​ទុំ ឬ​តំបន់​ក្រហម​នោះ​ទេ ដោយ​ត្រូវ​ចាក់​ជា​ដំណាក់កាល ដូច្នេះ​សូមឲ្យ​ប្រជាពលរដ្ឋ​ទាំងអស់​មេត្តា​យោគយល់​។​

​លោក ឃួ​ង ស្រេង បាន​បន្ថែមថា សម្ដេច​តេជោ ហ៊ុន សែន បាន​គិតគូរ​ណាស់​ពី​សុខទុក្ខ​ប្រជាពលរដ្ឋ មិន​ត្រឹមតែ​ផ្ដល់​នូវ​ការចាក់​វ៉ាក់សាំង​ប៉ុណ្ណោះ​ទេ នៅ​បាន​ផ្ដល់​ជា​ស្បៀងអាហារ​សម្រាប់​ប្រជាពលរដ្ឋ​នៅក្នុង​តំបន់​ក្រហម បាន​ជាង​៣០​ម៉ឺន​គ្រួសារ​ថែម​ទៀត​។​

​ជុំវិញ នៃ​ការចាក់​វ៉ាក់សាំង​នេះ នាយ​ឧត្តមសេនីយ៍ ឥត សារ៉ាត់ ក្នុង​ខណៈ​នៃ​ចុះទៅ​ពិនិត្យ​ស្ថានភាព នៃ​ចាក់​វ៉ាក់សាំង​ការពារ​ជំងឺ​កូវី​-១៩ ជូន​ប្រជាពលរដ្ឋ​នៅ​តំបន់​ក្រហម នៃ​សង្កាត់​បឹង​សាឡាង​នោះ ក៏​បាន​ស្នើ​ឲ្យ​ប្រជាពលរដ្ឋ​ទាំងអស់​ថា បើ​មាន​នរណា​ម្នាក់ យក​លុយ​ពី​ការចាក់​វ៉ាក់សាំង​នេះ សូម​រាយការណ៍​ជាបន្ទាន់​មក​ក្រុមការងារ ដើម្បី​មាន​វិធានការ​ចំពោះ​បុគ្គល​ដែល​បាន​ប្រព្រឹត្ត​ខុស​ទាំង​នោះ ព្រោះ​ការចាក់​វ៉ាក់សាំង សម្ដេច​តេជោ​នាយករដ្ឋមន្ត្រី មិន​តម្រូវឲ្យ​ប្រជាពលរដ្ឋ​ណា​ម្នាក់ បរិច្ចាគ​លុយកាក់​ទៅលើ​ការចាក់​បាក់​សាំង​ការពា​រកូវី​-១៩ នោះទេ​៕

Filed in: ព័ត៌មានជាតិ