ខេត្តបន្ទាយមានជ័យ ៖នៅព្រឹកថ្ងៃទី ០៦ ខែ ឧសភា ឆ្នាំ ២០២ ១ លោក ឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត បន្ទាយមានជ័យ តែងតែយកចិត្តទុកដាក់ និងចុះពិនិត្យ សួរសុខទុក្ខដល់កម្លាំង ក្រោយពីមានភ្លៀងមួយមេធំ យ៉ាងចាស់ដៃ លាយឡំខ្យល់កន្ត្រាក់ ធ្វើឱ្យប៉ើងដំបូលរោង ស្នាក់នៅរបស់បងប្អូនកងកម្លាំងដែលប្រចាំ តាមគោលដៅនីមួយៗ មានការខូចខាតជាច្រើនកាលពីល្ងាចថ្ងៃទី ០៥ ខែ ឧសភា ឆ្នាំ ២០២១ ក្នុងឱកាសនោះ លោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានធ្វើ កន្លែងជម្រកដល់កងកម្លាំង ដែលឈរជើងតាមគោលដៅ បិទខ្ទប់នៅក្នុងភូមិសាស្ត្រក្រុងប៉ោយប៉ែត ខេត្តបន្ទាយមានជ័យ។
លោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានបង្ហាញពីភាព យកចិត្តទុក្ខដាក់ខ្ពស់អំពីសុខទុក្ខរបស់កងកម្លាំង និងបង្ហាញពីក្តីព្រួយបារម្មណ៍ ដល់កងកម្លាំង ផងដែរ ។
ក្នុងឪកាសនោះផងដែរ លោក ឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានណែនាំដល់កងកម្លាំងនៅតាមបណ្តាគោលដៅ ត្រូវយកចិត្តទុកដាក់ ប្រុងប្រយ័ត្ន នៅពេលមានភ្លៀង ផ្គររន្ទៈ ជាដើម និង សហការគ្នាបានល្អ ថែរក្សាសុខភាព និង ទោះស្ថិតនៅកាលៈទេសៈណាក៏ដោយ ត្រូវថែរក្សាសុខភាពឱ្យបានល្អជាចម្បង និង ត្រូវគោរពតាមការណែនាំរបស់ក្រសួងសុខាភិបាល និង ត្រូវអនុវត្តន៍អនុសាសន៍ដ៏ខ្ពង់ខ្ពស់របស់ប្រមុខរាជរដ្ឋាភិបាលនូវវិធាន ៣ការពារ ៣កុំ អោយបានខ្ជាប់ខ្ជួនជានិច្ច ។
