ប៉ៃលិន ៖ ក្រុមការងារយុវជន (សហភាពសហព័ន្ធយុវជនកម្ពុជា)ស.ស.យ.ក.ខេត្តប៉ៃលិន បាននាំយកនូវគ្រឿងឧបភោគបរិភោគ និងថវិកាមួយចំនួន ជូនដល់ក្រុមគ្រួសារដែលមានជីវភាពក្រីក្រ ខ្វះខាត និងដាច់ស្បៀងអាហារ ខណៈពេលកំពុងរងផលប៉ះពាល់ដោយសា៧រវិបត្តិកូវីដ-១៩ ចំនួន៥គ្រួសារ ។ ដោយក្នុង៣គ្រួសារ ស្ថិតនៅភូមិក្បាលព្រលាន សង្កាត់អូរតាវ៉ៅ និង២គ្រួសារ ស្ថិតនៅភូមិទឹកផុស សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
ក្រុមការងារក៏បានផ្សព្វផ្សាយចំណេះដឹងពីវិធានការ ការពារខ្លួនពីជម្ងឺកូវីដ-១៩ ដល់បងប្អូនប្រជាពលរដ្ឋនៅតាមខ្នងផ្ទះនិងបានណែនាំបងប្អូនប្រជាពលរដ្ឋឲ្យរក្សាគម្លាត ពាក់ម៉ាស់ ការលាងដៃនឹងសាប៊ូ អាកុល ឬជែលកាត់បន្ថយការជួបជុំ បើមិនចាំបាច់ជាដើម និងសូមឲ្យប្រជាពលរដ្ឋចូលរួមអនុវត្តន៌ ៣ការពារ និង៣កុំ របស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងអនុវត្តន៍តាមវិធានការ ក៏ដូចជា ការណែនាំរបស់ក្រសួងសុខាភិបាល។
ប្រជាពលរដ្ឋដែលទទួលអំណោយនាពេលនេះបានបង្ហាញអារម្មណ៍សប្បាយរីករាយយ៉ាងខ្លាំង និងបានថ្លែងអំណរគុណ និងជូនពរដល់លោកស្រី បាន ស្រីមុំ អភិបាលខេត្តប៉ៃលិន និងជាប្រធាន ស.ស.យ.ក ខេត្ត ព្រមទាំងក្រុមការងារទទួលបាននូវសុខភាពល្អ កម្លាំងមាំមួន ប្រាជ្ញាឈ្លាសវៃ ទទួលបាននូវភាពជោគជ័យគ្រប់ភារកិច្ច ។
គ្រឿងឧបភោគ បរិភោគបានដែលប្រគល់ មួយគ្រួសារនាពេលនេះមាន ៖មី ឣង្ករ ទឹកត្រី ទឹកស៊ីអ៊ីវ ត្រីខ ភួយ កន្ទេល ពងមាន់ សាប៊ូ អាវរងារ សៀង ស្ករស ប៊ីចេង អំបិល និងថវិកាមួយចំនួន៕
