(ប៉ៃលិន) យោងតាមហ្វេសបុកផេករបស់លោកជំទាវបានស្រីមុំអភិបាលខេត្តប៉ៃលិន នៅរសៀលថ្ងៃទី ៣០ ខែមេសា ឆ្នាំ២០២០ ក្នុងនាមរដ្ឋបាលខេត្តប៉ៃលិន បានចាត់តាំង លោកស្រី ជា លាភ អភិបាលរងខេត្ត និងក្រុមការងារ ចុះសួរសុខទុក្ខ និង នាំយកសម្ភារ:ថវិកា ជូនដល់ស្ត្រីជនរងគ្រោះដែលប្តីប្រើប្រាស់អំពើហិង្សា ឈ្មោះ បាត សាវេត ភេទស្រី អាយុ ២៩ឆ្នាំ រស់នៅភូមិ ផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
នាងខ្ញុំសូមជំរាបបងប្អូនជ្រាបថា ករណីអំពើហិង្សានៅក្នុងគ្រួសារប្អូនស្រី កើតឡើងនៅវេលាយប់ថ្ងៃទី ២៨ខែមេសាឆ្នាំ២០១៩ ជនប្រព្រឹត្តបានរត់គេចខ្លួនទាំងយប់ លុះព្រឹកថ្ងៃទី ២៩ ខែមេសាវេលាម៉ោង ៩ព្រឹក ទើបប្អូនស្រីជាជនរងគ្រោះមកដាក់ពាក្សបណ្តឹងនៅ អធិការស្រុកសាលាក្រៅ ក្រោយពេលទទួលពាក្សបណ្តឹងសម្ថកិច្ចបានចាត់ចែងកសាងសំណុំរឿងសុំដីការអនុវត្តន៍តាមនិតិវិធីច្បាប់ ដើម្បីតាមចាប់ខ្លួនជនល្មើសមកផ្តន្ទាទោសតាមច្បាប់ ។
មកដល់រសៀលទី៣០ខែមេសានេះ សម្ថកិច្ចបានខិតខំតាមប្រមាញ់រកចាប់ខ្លួន ជនល្មើសបានហើយ ។
នាងខ្ញុំសូមបដិសេធពត៍មានសង្គមមួយចំនួនបានបង្ហោះ ចោទប្រកាន់ សម្ថកិច្ចមិនបានចាត់ការលើពាក្សបណ្តឹងមួយ នេះជារឿងភន្ត័ច្រឡំ ព្រោះករណីប្រព្រឹត្តនេះមិនមែនជាករណីជាក់ស្តែងភ្លាមៗនោះទេ ដូច្នេះក្នុងការអនុវត្តន៍តាមនិតិវិធីច្បាប់ សម្ថកិច្ចត្រូវប្រើពេលកសាងសំណុំរឿងដើម្បីសុំដីកាតាមចាប់ខ្លួនជនល្មើសដែលបានរត់គេច ។
សូមស្ត្រីគ្រប់រូបរឹងមាំឡើង ភាពរឹងមាំរបស់យើងដែលជាស្ត្រីនោះអំពើហឹង្សាមកលើរាងកាយយើងនឹងកាត់បន្ថយជាមិនខាន។
នាងខ្ញុំសូមអរគុណ នឹងសូមលើកទឹកចិត្តដល់កំលាំងសមត្ថកិច្ចទាំងអស់ដែលបានខិតខំប្រឹងប្រែងបំរើប្រជាពលរដ្ឋដោយគ្មានលក្ខខណ្ឌ៕
