នៅថ្ងៃទី២៨ ខែ មេសា ឆ្នាំ ២០២១ នេះអនុវត្តតាមយោបល់ដឹកនាំរបស់ឯកឧត្តមប្រធានគណៈ បញ្ជាការឯកភាពរដ្ឋបាលខេត្តបាត់ដំបង និងស្របតាមខ្លឹមសារមាត្រា ៧ នៃច្បាប់ស្តីពីវិធានការទប់ស្កាត់ការឆ្លងរាលដាលនៃជម្ងឺកូវីដ១៩និងជម្ងឺឆ្លងកាចសាហាវ ប្រកបដោយគ្រោះថ្នាក់ និងធ្ងន់ធ្ងរផ្សេងទៀត លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ ដំបង បានចាត់តាំងកម្លាំងនគរបាលផែនជំនាញ ចូលរួមសហការណ៍ជាមួយមន្រ្តីជំនាញនៃមន្ទីរសុខាភិបាលខេត្តបាត់ដំបង អនុ វត្តវិធានការ ផាក (ពិន័យ)អន្តរការណ៍ចំពោះបុរសចំនួ ន០២ នាក់ដែលបានប្រព្រឹត្តិល្មើសនឹងវិធានការហាមឃាត់ ដូចមានចែងក្នុងមាត្រាខាងលើ។
សូមជម្រាបជូនថា កាលពីថ្ងៃទី២៣ ខែមេសា ឆ្នាំ ២០២១ វេលាម៉ោង ២០និង ៤០នាទី នៅចំណុចភូមិដូនអោក ឃុំល្វា ស្រកបវេល ខេត្តបាត់ដំបង ដែលជាចំណុចគោលដៅរបស់សមត្ថកិច្ចរាំងខ្ទប់ការធ្វើចរាចរណ៍ឆ្លងកាត់ខេត្ត បាត់ដំបងនិងខេត្តបន្ទាយមានជ័យ ក៏ស្រាប់តែមានអ្នកបើកបររថយន្តចំនួន០២គ្រឿង ដែល មានទិសដៅពីខេត្តបន្ទាយមានជ័យ ប៉ុនប៉ងជ្រៀតចូលមកក្នុងមូល ដ្ឋានខេត្តបាត់ដំបង ដែលរថយន្តទាំងពីរគ្រឿង នេះបានបើកគេចពីចំណុចគោលដៅត្រួតពិនិត្យ របស់សមត្ថកិច្ចនៅលើផ្លូវជាតិលេខ៥រួចឆ្ពោះចូលតាមផ្លូវតូចៗសំដៅមកមូលដ្ឋានស្រុកបវេល តែមក ដល់ចំណុចនេះក៏ត្រូវបានសមត្ថ កិច្ចនៅទី នោះកាក់ឃាត់និងសាកសួរ ទើបដឹងអំពីល្បិច កលរបស់គាត់ក្នុងការមិនគោរ ពតាម វិធានការបិទការធ្វើដំណើរ ឆ្លងកាត់ខេត្ត ហើយអ្នកល្មើសទាំង ពីរនាក់ត្រូវបាននាំទៅធ្វើចត្តាឡីស័កនៅស្រុកបវេល និងបានយកវត្ថុសំ ណាករបស់គាត់ទៅពិនិត្យ រកមេរោគកូវីដ១៩ ហើយនៅដំណាក់កាលទី០១ នេះលទ្ធផលទទួលបានគឺពួកគាត់(អវិជ្ជមាន ) កូវីដ១៩ ។
អ្នកបើកបររថយន្តទាំងពីរនាក់នោះគឺ៖
១-ឈ្មោះ វិញ យូស៊ីន ភេទប្រុស អាយុ ៣៤ ឆ្នាំ រស់នៅឃុំវត្តតាមឹម ស្រុក សង្កែ ខេត្តបាត់ដំបង ។
២-ឈ្មោះ ដោក ដាំ ភេទប្រុស អាយុ៣៩ឆ្នាំ រស់ នៅភូមិសុភី១ សង្កាត់រតនៈ ក្រុងបាត់ដំបង ខេត្តបាត់ដំបង ។
នៅពេលនេះអ្នកបើកបររថយន្តដែលល្មើសនឹងវិធានការហាមឃាត់ត្រូវបានអនុវត្តការផាកពិន័យអន្តរការណ៍ក្នុងម្នាក់ៗចំនួន ៣, ០០០, ០០០រៀល(បី លាន រៀល) ហើយបន្ទាប់ពីការពិន័យ រួច អ្នកទាំងពីរ នាក់នៅបន្តធ្វើចត្តាឡីស័កស្រប តាមវិធានសុ ខា ភិបាលតាមកាលកំណត់ចំនួន១៤ថ្ងៃ។ (រូបភាពផែនការងារសន្តិសុខ/Lay)By kosal!@@@
