ទាន់ហេតុការណ៍
នគរបាលឆ្មក់បង្ក្រាបទីតាំង KTV មួយកន្លែងនៅស្រុកភ្នំស្រួច សមត្ថកិច្ចជួយសង្គ្រោះនារីបម្រើសេវា ១០នាក់ ក្នុងនោះមានអនីតិជន ៦នាក់ និងឃាត់ខ្លួនមនុស្ស ៣នាក់==>ក្នុងពេលបំពេញទស្សនកិច្ចនាយករដ្ឋមន្ត្រីកាណាដា នឹងចុះហត្ថលេខា លើកិច្ចសហប្រតិបត្តិការសេដ្ឋកិច្ច និងពាណិជ្ជកម្មជាមួយកម្ពុជា==>អតីតពលករមកពីថៃ និងពលរដ្ឋជាង១ម៉ឺន៣ពាន់នាក់ បានធ្វើតេស្តទទួលស្គាល់ជំនាញ==>យោធាតំបន់​ប្រតិបត្តិការ​សឹក​រង​ខេត្តកំពង់ធំ បង្ក្រាប​ឧបករណ៍​នេសាទ​ របាំង​ស្បៃ​មុង​ប្រវែង​ជាង​ ១,២០០​ ម៉ែត្រ​​ ដែល​នៅ​តែ​ដាក់​បំពាន​រំលោភ​ច្បាប់ ​ស្ដីពី​ពីជលផល​នៅ​ក្នុង​ភូមិ​សាស្ត្រ​ ឃុំ​សំព្រោច​ ស្រុក​ស្ទោង​==>ពិតមិនធម្មតាថវិកាចំណាយផ្នែកសំណង់ មន្ទីរកសិកម្មខេត្តព្រៃវែង ដោយក្នុង១ឆ្នាំៗខ្ទង់១០០០លានរៀល ១០ឆ្នាំគឺលើស២លានដុល្លា លទ្ធកម្មចាត់ចែងដោយលោកប្រធានមន្ទីរ អ៊ុក សំណាង តើតម្លៃនេះបើប្រៀបធៀបសំណង់នៅតាមបុរី ខុសគ្នាយ៉ាងណា..?==>ឯកឧត្ដមអភិសន្តិបណ្ឌិតឧបនាយករដ្ឋមន្ត្រី ស សុខា ដាក់ឱ្យដំណើរការសាខាលិខិតឆ្លងដែន ប្រចាំខេត្តព្រះសីហនុ នៅអគារផ្សារទំនើប ដាយអ៉ឺមេន ផ្លាហ្សា==>អធិការកិច្ច​ជលផល៖បង្ក្រាប​បទល្មើស​នាំ​ចូល​ត្រី​ប្រាចំនួន​១៨​តោន ជនសង្ស័យ​២​នាក់ បាន​រត់គេច​ខ្លួន​ចូល​ព្រៃ==>ឧត្តមសេនីយ៍ឯក រ័ត្ន ស្រ៊ាង នាំយកទៀនព្រះវស្សា និងទេយ្យវត្ថុប្រគេនព្រះសង្ឃគង់ចាំព្រះវស្សា នៅវត្តកែវមុនី ក្នុងសង្កាត់ព្រែកកំពឹស==>តុលាការផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព==>ផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព

​ទីប្រឹក្សា​ផ្ទាល់​សម្តេច​តេជោ ហ៊ុន សែន នាំ​យក​គ្រឿង​ឧបភោគ បរិភោគ និង​សម្ភារៈ​ប្រយុទ្ធ​ប្រឆាំង​ជំងឺ​កូវី​ដ​១៩ ជូន​រដ្ឋបាល​ខណ្ឌដូនពេញ​

​ទីប្រឹក្សា​ផ្ទាល់​សម្តេច​តេជោ ហ៊ុន សែន នាំ​យក​គ្រឿង​ឧបភោគ បរិភោគ និង​សម្ភារៈ​ប្រយុទ្ធ​ប្រឆាំង​ជំងឺ​កូវី​ដ​១៩ ជូន​រដ្ឋបាល​ខណ្ឌដូនពេញ​
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ភ្នំពេញ​)៖ លោក​បណ្ឌិត សុខ សុក្រឹត្យា ទីប្រឹក្សា​ផ្ទាល់​សម្តេច​តេជោ ហ៊ុន សែន នាយករដ្ឋមន្ត្រី​កម្ពុជា និង​ជា​រដ្ឋលេខាធិការ​ក្រសួង​ទេសចរណ៍​នា​រសៀល​ថ្ងៃ​ទី​២៣ ខែ​មេសា នេះ បាន​យក​អំណោយ​ជា​គ្រឿងឧបភោគ បរិភោគ និង​សម្ភារៈ​សម្រាប់​ប្រយុទ្ធ​ប្រឆាំង​ជំងឺ​កូវី​ដ​១៩ ជូន​ដល់​រដ្ឋបាល​ខណ្ឌដូនពេញ​។​

​លោក សុខ ពេញវុ​ធ អភិបាល នៃ​គណៈ​អភិបាលខណ្ឌ​ដូនពេញ បាន​ទទួល​អំណោយ​នេះ​សម្រាប់​ចែកជូន​ប្រជាពលរដ្ឋ​មាន​ជីវភាព​ទ័ល​ក្រ និង​ខ្វះខាត​ស្បៀងអាហារ​ក្នុងដំណាក់កាល​បិទ​ខ្ទប់​រាជធានី​ភ្នំពេញ ដើម្បី​ប្រយុទ្ធប្រឆាំង​ការឆ្លង​រីក​រាលដាល​នៃ​ជំងឺ​កូវី​ដ​១៩​។​

​អំណោយ​ទាំងនេះ​រួមមាន​៖ មី​៥​កេស​ធំ ទឹក​សុទ្ធ​១០​កេស ភេសជ្ជៈ ១០​កេស ម៉ាស ២​កេស អាល់កុល​លាងដៃ ៨​កាន​ធំ ដប​តូច ៨​កេស ភេសជ្ជៈ ១០​កេស និង​ថវិការ ២​លាន​រៀល​។​

​លោក​បណ្ឌិត សុខ សុក្រឹត្យា បាន​លើកឡើង​ថា ជំនួយ​ទាំងនេះ ដើម្បី​ជួយ​សម្រាល​បន្ទុក​របស់​ប្រជាពលរដ្ឋ​ស្ថិត​ក្នុង​ដំណាក់កាល​ដ៏​លំបាក​មួយ​នេះ ក៏ដូចជា​ចូលរួម​ជាមួយ​រដ្ឋាភិបាល​ក្នុង​ការជួយ​ដល់​ប្រជាជន​។​

​ជាមួយគ្នានេះ លោក​បណ្ឌិត បាន​សំណូមពរ​ឱ្យ​ប្រជាពលរដ្ឋ​ទាំងអស់ ចូលរួម​អនុវត្ត​សេចក្ដីសម្រេច​របស់ រាជរដ្ឋាភិបាល​កម្ពុជា ឱ្យ​ម៉ឺងម៉ាត់ និង​ថែរក្សា​អនាម័យ ដោយ​លាងដៃ ជាមួយ អាល់​កុល ជែល ឬ​សាប៊ូ ដើម្បី​ចូលរួម បង្ការ និង​ទប់ស្កាត់ ការរីក​រាលដាល​ជំងឺ​កូវី​ដ​១៩​។​

​លោក សុខ ពេញវុ​ធ អភិបាលខណ្ឌ​ដូនពេញ បាន​ថ្លែងអំណរគុណ​យ៉ាង​ជ្រាលជ្រៅ ចំពោះ​លោក​បណ្ឌិត សុខ សុក្រឹត្យា ដែល​បាន​ជួយឧបត្ថម្ភ គ្រឿងឧបភោគ បរិភោគ ភេសជ្ជៈ និង​សម្ភារៈ​ការពារកូ​វីដ​១៩ ដើម្បី​ឱ្យ​រដ្ឋបាល​ខណ្ឌដូនពេញ​បាន បន្ត​យកទៅ​ចែកចាយ​ជូន​ប្រជាពលរដ្ឋ​មាន​ជីវភាព ទ័ល​ក្រ និង​ខ្វះខាត​ស្បៀងអាហារ​ក្នុងដំណាក់កាល​បិទ​ខ្ទប់​រាជធានី​ភ្នំពេញ​នេះ​៕

Filed in: ព័ត៌មានជាតិ