(ប៉ៃលិន)ថ្ងៃទី១៨ ខែមេសា ឆ្នាំ២០២១ លោក សៀ សុខុម អភិបាលរងស្រុក និងជាអនុប្រធាន ស.ស.យ.កខេត្ត ក្នុងនាមលោកជំទាវ បាន ស្រីមុំ អភិបាលខេត្តប៉ៃលិន និងជាប្រធានស.ស.យ.កខេត្តបានដឹកនាំក្រុមការងារនាំយកស្បៀងអាហារ ជាគ្រឿងបរិភោគ ជូនដល់ក្រុមគ្រួសារនៅភូមិព្រៃសន្ទះដែលរងវិបត្តិកូវីដ-១៩ចំនួន៥គ្រួសារ។
ក្នុងនោះមាន1គ្រួសារជាប់ធ្វើចត្តាឡីស័ក១៤ថ្ងៃ និង៤គ្រួសារទៀតជួបការលំបាកដោយវិបត្តិកូវីដ-១៩ ។
ក្នុងមួយគ្រួសារៗទទួលនូវ អង្ករ ២៥kg មី១កេះ ទឹកត្រី១យួ ទឹកស៊ីអ៉ីវ១យួ ទឹកសុទ្ធ៤យួ ពងមាន់៣០គ្រាប់ ត្រីខ១ឡូ ស្ករស ១kg អំបិល១kg ប៊ីចេង១kg ប្រេងឆា១ដប សាប៊ូ១ដុំ និងថវិកាមួយចំនួន។
លោកសៀសុខុមបានលើកឡើងថាក្រោមការចង្អុលបង្ហាញពីលោកជំទាវបានស្រីមុំអភិបាលខេត្តនិងជាប្រធានស.ស.យ.ក.ខេត្តប៉ៃលិនបានណែនាំឲ្យក្រុមការងារទាំងអស់ បន្ត ចុះផ្សព្វផ្សាយជារៀងរាល់ថ្ងៃនូវវិធានការនានា របស់រដ្ឋបាលខេត្ត និងវិធានការ ៣ការពារ ៣កុំ របស់សម្តេចតេជោ ហ៊ុន សែន ព្រមទាំងវិធាននានារបស់ក្រសួងសុខាភិបាល និងបានចែកម៉ាស់ បិទខិតប័ណ្ណ និងណែនាំដល់ប្រជាពលរដ្ឋអោយយល់ដឹងពីកាតព្វកិច្ចពាក់ម៉ាស់ លាងដៃជាមួយសាប៊ូ រឺជែល អាល់កុល រក្សាគម្លាតសង្គមអោយបាន1.5ម៉ែត្រ ដើម្បីរួមគ្នាចូលរួមប្រយុទ្ធប្រឆាំងការរីករាលដាលនៃជំងឺកូវីដ-19 នៅភូមិកូនដំរី,ភូមិផ្ទះស្បូវ,ភូមិព្រៃសន្ទះ ឃុំស្ទឹងត្រង់ ស្រុកសាលាក្រៅ៕
