ភ្នំពេញ ៖ នារសៀលថ្ងៃសុក្រ ទី១៦ ខែមេសា ឆ្នាំ២០២១ ឯកឧត្តមនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងជាសមាជិកគណៈកម្មាការជាតិគ្រប់គ្រង និងដឹកនាំការអនុវត្តវិធានការបិទខ្ទប់ “គ.ប.ខ.” បានអញ្ជើញចុះត្រួតពិនិត្យគោលដៅបិទបម្រាមគោចរក្នុងរាជធានីភ្នំពេញ។
ក្នុងការចុះត្រួតពិនិត្យនេះ ឯកឧត្តម នាយឧត្តមសេនីយ៍ សៅ សុខា បានផ្ដល់ជូននូវស្រោមដៃ ឧបករណ៍សម្លាប់មេរោគលើឯកសារ និងឧបករណ៍បំពងសម្លេង(មេក្រូ)។ជាមួយគ្នានេះ ឯកឧត្តម នាយឧត្តម សេនីយ៍ សៅ សុខា ក៏បានណែនាំនូវវិធីសាស្ត្រ និងវិធានការផ្សេងៗ ដើម្បីជៀសវាង ការពារកុំឱ្យឆ្លងជំងឺកូវីដ.១៩។
