ដើម្បីជាការលើកទឹកចិត្តដល់មន្ត្រីក្រោមឱវាទ ក៏ដូចជាការទទួលខុសត្រូវខ្ពស់ក្នុងនាមជាប្រធានអង្គភាពមួយរូប និងដោយអនុវត្តតាមបទបញ្ជារបស់ថ្នាក់ដឹកនាំ មិនថាពេលថ្ងៃ ឬពេលយប់ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅយប់ថ្ងៃទី១៥ ខែមេសា ឆ្នាំ២០២១ ឯកឧត្តមបានអញ្ជើញចុះត្រួតពិនិត្យដោយផ្ទាល់តាមបណ្តាគោលដៅបិទខ្ទប់ធំៗទាំង៩ ដែលជាប់ព្រំប្រទល់ជាមួយខេត្តកណ្តាល ដើម្បីសួរសុខទុក្ខកងកម្លាំង និងត្រួតពិនិត្យមើលស្ថានភាពជាក់ស្តែង តាមទីតាំងនីមួយៗ ម្យ៉ាងវិញទៀត ដើម្បីជាការលើកទឹកចិត្តដល់មន្ត្រីក្រោមឱវាទទាំងអស់ដែលបានលះបង់ក្នុងការបំពេញភារកិច្ចជូនសង្គមជាតិ ក៏ដូចជាជូនប្រជាពលរដ្ឋ ២៤ម៉/២៤ម៉ ដោយមិនខ្លាចនឿយហត់ឡើយ ជាពិសេស គឺដើម្បីចូលរួមក្នុងការបង្ការ និងទប់ស្កាត់ការឆ្លងរាលដាលវីរុសកូវីដ១៩ ៕
