(បន្ទាយមានជ័យ)៖ ដោយអនុវត្តន៍តាមបទបញ្ជា របស់ រាជរដ្ឋាភិបាលកម្ពុជា និងមានការណែនាំ របស់ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅ ថ្ងៃព្រហស្បតិ៍ ៤ កើត ខែពិសាខ ឆ្នាំឆ្លូវ ត្រីស័ក ពុទ្ធសករាជ ២៥៦៤ ត្រូវនឹងថ្ងៃទី១៥ ខែមេសា ឆ្នាំ២០២១ នេះ លោកវរសេនីយ៍ទោ បោន សីហា អធិការ ស្តីទីនគរបាលក្រុងប៉ោយប៉ែត ដឹកនាំកម្លាំងផ្ទាល់នឹងបានរៀបចំ កងកម្លាំងនគរបាល តាមប៉ុស្តិ៍រដ្ឋបាល សង្កាត់ទាំង៣ ចុះអប់រំណែនាំ តាមទីតាំង ដេប៉ូ លក់ស្រាបៀរបោះដុំ និងរាយ នៅតាម តូបចាប់ហួយ នៅក្នុងភូមិសាស្ត្រ ក្រុងប៉ោយប៉ែត ដើម្បីចូលរួមចំណែកទប់ស្កាត់ ការជួបជុំ គ្នា ក្នុងគោលបំណង បង្ការ ទប់ស្កាត់ការីករាលដាល នៃជំងឺឆ្លងកូវីដ១៩ ។
នៅក្នុងឱកាស នោះ លោកវរសេនីយ៍ទោ បោន សីហា អធិការ ស្តីទីនគរបាល ក្រុងប៉ោយប៉ែត សូមអំពាវនាវ ដល់ បងប្អូន អាជីវករ លក់ដូរ ក្នុងភូមិសាស្ត្រ ក្រុងប៉ោយប៉ែត ដែលនៅតាម ភូមិ ជា តូច ៗ រឺ ដេប៉ូ ធំៗ ដែល កងកម្លាំង នគរបាល មិនបានចុះ អប់រំណែនាំ សូមចូលរួម អនុវត្តន៍ ទាំងអស់គ្នា ដើម្បី សហគមន៍ និងប្រទេស ជាតិយើង ទាំង អស់គ្នា ៕
បន្តនៅក្នុងឱកាសនោះដែរ លោកវរសេនីយ៍ទោ បោន សីហា អធិការ ស្តីទីនគរបាល ក្រុងប៉ោយប៉ែតក៏អំពាវនាវ ដល់បងប្អូនប្រជាពលរដ្ឋចូលរួមទប់ស្កាត់ការរីករាលដាលជំងឺកូវីដ19 ក្នុងសហគមន៍តាមការណែនាំរបស់ក្រសួងសុខាភិបាល ៣កុំ ៣ការពារ។
