នៅថ្ងៃទី១៥ ខែមេសា ឆ្នាំ២០២១ ឯកឧត្តម អ៊ី ឈាន រដ្ឋលេខាធិការក្រសួង ការពារជាតិ និងជាប្រធានក្រុមការងារថ្នាក់ជាតិចុះជួយមូលដ្ឋានខេត្តប៉ៃលិន និងអញ្ជើញចូលរួមពីលោកជំទាវ បាន ស្រីមុំ អភិបាលខេត្តប៉ៃលិន និង ឯកឧត្តម សៅ សារ៉ាត់ អ្នកតំណាងរាស្ត្រ មណ្ឌលប៉ៃលិន ព្រមទាំងអភិបាលរងខេត្ត ប្រធានមន្ទីរជុំវិញខេត្ត អញ្ជើញចូលរួមចុះពិនិត្យ សាកសួរសុខទុក្ខ និង នាំយកគ្រឿងឧបភោគបរិភោគជូនដល់កងកម្លាំងប្រដាប់អាវុធទាំងបីប្រភេទ ដែលឈរជើងប្រចាំការនៅព្រំប្រទល់ខេត្តប៉ៃលិន បាត់ដំបង ទាំង៦គោលដៅ ។
នៅក្នុងដំណើរចុះសួរសុខទុក្ខ ឯកឧត្តម បានពាំនាំនូវបណ្តាំផ្ញើសាកសួរសុខទុក្ខពីសំណាក់ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាឱកាសបុណ្យចូលឆ្នាំថ្មីប្រពៃណីជាតិ ជូនដល់ កងកម្លាំងទាំង៣ប្រភេទ ដែលកំពុងឈរជើងនៅតាមគោលដៅនីមួយៗខាងលើ គឺសូមឱ្យសមត្ថកិច្ចទាំងអស់ មានការយកចិត្តទុកដាក់ក្នុងការរឹតបន្តឹងបន្ថែម តាមគោលដៅរបស់ខ្លួន ដោយមិនត្រូវឱ្យកម្មករ ដែលលួចធ្វើដំណើរពីភ្នំពេញ មកខេត្តប៉ៃលិន តាមម៉ូតូនាពេលយប់ ត្រូវរាយការណ៍បន្ទាន់ទៅខាងខេត្ត និងខេត្តផ្សេងៗ ជាតំបន់ផ្ទុះជំងឺនេះ ហើយប្រឈមនឹងការ ឆ្លងជំងឺកូវីដ ១៩ ដើម្បីឃាត់ឱ្យធ្វើចត្តាឡីស័ករយៈពេល១៤ថ្ងៃសិន ទើបអនុញ្ញាតឱ្យជួបជុំក្រុមគ្រួសារ ។
ឯកឧត្តម ក៏បានក្រើនរំលឹកដល់កងកម្លាំងទាំងអស់ ត្រូវមានការប្រុងប្រយ័ត្នខ្ពស់ ដើម្បីរក្សាកុំឱ្យមានការឆ្លងរីករាលដាលនៃជំងឺកូវីដ១៩ ហើយត្រូវអនុវត្តតាមអនុសាសន៍ ៣ការពារ ៣កុំ របស់ប្រមុខរាជរដ្ឋា លដែលដឹកនាំដោយសម្តេចតេជោ សែននាយករដ្ឋមន្ត្រីនៃព្រះរាជាណាចក្រកម្ពុជា ។ លើសពីនេះ ក៏ត្រូវឱ្យកងកម្លាំងទាំងអស់ លាងដៃនឹងទឹកអាល់កុល ឬជែល ត្រូវពាក់ម៉ាស ជាប់ជានិច្ច ដើម្បីរក្សាការខ្លួនឯង ក្រុមគ្រួសារ និងសង្គមជាតិជៀសឆ្ងាយពីជំងឺដ៏កាចសាហាវមួយនេះ ។
ចំណែកលោក ជំទាវ បាន ស្រីមុំ អភិបាលខេត្តប៉ៃលិន និង ជាប្រធានគណៈកម្មការខេត្ត ប្រយុទ្ធប្រឆាំងជំងឺកូវីដ ១៩ បានមានប្រសាសន៍ថា ខណៈពេលត្រូវបានបិទការធ្វើដំណើរឆ្លងកាត់ពីខេត្តមួយទៅខេត្តមួយ ជាបណ្តោះអាសន្ន រយៈពេល១៤ថ្ងៃ ចាប់ពីម៉ោងសូន្យចូលថ្ងៃទី៧ រហូតដល់ថ្ងៃទី២០ ខែមេសា ឆ្នាំ២០២១ ដើម្បីបង្ការ និងទប់ស្កាត់ការឆ្លងរាលដាល នៃជំងឺកូវីដ១៩ ទៅដល់សហគមន៍ ត្រូវឱ្យសមត្ថកិច្ចមានការយោគយល់ដល់កសិករ ដែលនៅតំបន់ជាប់ព្រំដែនខេត្តបាត់ដំបង ខេត្តប៉ៃលិន កំពុងប្រមូលផលបន្លែកសិផល ដូចជា ផ្លែស្វាយ ផ្លែម្នាស់ ជាដើម ត្រូវអនុញ្ញាតឱ្យគាត់ចេញចូល ដោយ គ្រាន់តែស្ទង់កំដៅ បាញ់ទឹកអាល់កុល ឬជែល ពាក់ម៉ាស ដល់អ្នកបើកបរ និង ព្រូផង ដើម្បីជៀសវាងការជំងឺកូវីដ១៩ផងដែរ ។
