ខេត្តបន្ទាយមានជ័យ ៖ នាថ្ងៃទី១០ ខែមេសា ឆ្នាំ២០២១នេះ ដោយមានការចង្អុលបង្ហាញពី លោកឧត្តមសេនីយ៍ត្រី នូ ជីវ័ន្ត ស្នងការរង ផែនការងារនគរបាលព្រហ្មទណ្ឌ នៃស្នងការនគរបាល ខេត្តបន្ទាយមានជ័យ កម្លាំងការិយាល័យ ព្រហ្មទណ្ឌកម្រិតស្រាល និងកម្លាំងអន្តរាគមន៍ នៃផែនការងារនគរបាលព្រហ្មទណ្ឌ នៃស្នងការនគរបាល ខេត្តបន្ទាយមានជ័យ ចុះល្បាត បង្ការទប់ស្កាត់បទល្មើស ប្រើវិធានការរដ្ឋបាល អប់រំ ការលេងល្បែងស៊ីសងខុសច្បាប់ (លក្ខណះតូចតាច គ្រួសារ) និងហាមការជួបជុំគ្នាច្រើន ត្រូវអនុវត្តតាមវិធានការការពាររបស់ក្រសួងសុខាភិបាល ក៏ដូចជា វិធានការ ៣កុំ ៣ការពារ ដើម្បីចូលរួមបង្ការការឆ្លងរាតត្បាតនៃជម្ងឺកូវីដ១៩ COVID-19 នៅក្នុងភូមិសាស្ត្រក្រុងសិរីសោភ័ណ ខេត្តបន្ទាយមានជ័យ។
ក្នុងនោះដែរ*លោកឧត្តមសេនីយ៍ត្រី នូ ជីវ័ន្ត ស្នងការរង ផែនការងារនគរបាលព្រហ្មទណ្ឌក៏អំពាវនាវដល់បងប្អូនប្រជាពលរដ្ឋចូលរួមទប់ស្កាត់ការរីករាលដាលជំងឺកូវីដ19ក្នុងសហគមន៍តាមការណែនាំរបស់ក្រសួងសុខាភិបាល។
