នៅព្រឹកថ្ងៃសៅរ៍១៣កើត ខែចេត្រ ឆ្នាំជូត ទោ ស័ក ព.ស. ២៥៦៤ ត្រូវនឹងថ្ងៃទី១០ ខែមេសា ឆ្នាំ ២០២១ នគរ បាលវរៈសេនាតូចការពារព្រំដែនគោកចំនួន០៤ចំណុះស្នងការដ្ឋាននគរបាលខេត្តបាត់ដំបង បានទទួលនូវការសំណេះសំណាល សាកសួរសុខទុក្ខពីក្រុមការងារក្រឡាហោមមនុស្សធម៌បាត់ដំបង ដែលមានឯកឧត្តម ខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន និង ឯកឧត្តម ចាន់ សុផល អ្នកតំណាងរាស្ត្រ មណ្ឌលបាត់ដំបង ។
ពិធីនេះបានរៀបចំធ្វើនៅក្នុងទីបញ្ជាការវរសេនាតូចនគរបាលការពារព្រំដែនគោកលេខ៣១០ ស្ថិតក្នុងភូមិកញ្ជាំង ឃុំស៊ុង ស្រុកសំឡូត ខេត្តបាត់ ដំបង ។
អញ្ជើញអមដំណើរគណៈប្រតិភូមានលោកឧត្តមសេនីយ៍ទោ សាត គឹមសាន ស្នងការនៃ ស្នងការ នគរបាលខេត្តបាត់ដំបង ឯកឧត្តមលោក លោកស្រី ក្នុងក្រុមការងារក្រឡាហោមមនុស្សធម៌បាត់ដំបង លោក លោកស្រីស្នងការរង នាយ នាយរងការិយាល័យជំនាញនិងកងកម្លាំងនគរ បាលចំណុះស្នងការដ្ឋានជាច្រើនរូប ។
នៅក្នុងឱកាសនៃពិធីសំណេះសំណាលសាកសួរ សុខទុក្ខ ព្រមដោយការផ្តាំផ្ញើរួមមក ឯកឧត្តម ខាន់ ម៉ាណេ បាននាំយកនូវអំណោយដ៏ថ្លៃថ្លារបស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវប្រគល់ជូនដល់កងកម្លាំងនគរបាលវរៈព្រំដែនឈរ ជើងជួរមុខក្នុងខេត្តបាត់ដំបងដោយក្នុងមួយវរៈសេ នាតូចទទួលបានដូចខាងក្រោម៖
-អំណោយសម្ដេចក្រឡាហោម និងលោកជំទាវ
១-ថវិកាចំនួន ១.០០០.០០០រៀល(មួយលានរៀល)
២-អង្ករចំនួន០២តោន
៣-មីថៃចំនួន៥០កេសតូច
៤-ទឹកសុទ្ធចំនួន ៥០កេស
៥-ត្រីខ ចំនួន៥កេសធំ
៦-ទឹកត្រីចំនួន២០យួរ
៧-ទឹកស៊ីអ៊ីវ ចំនួន២០យួរ
៨-ទឹកត្រូចចំនួន១០កេស
-អំណោយ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន ថវិកាចំនួន១.០០០.០០០រៀល(មួយ លានរៀល)
-អំណោយឯកឧត្តមងួន រតនៈអភិបាលនៃគណៈអភិបាលខេត្តបាត់ដំបងចំនួន១.០០០.០០០រៀល(មួយលានរៀល)
-អំណោយលោកឧត្តមសេនីយ៍ទោសាតគឹមសានស្នងការនៃស្នងការដ្ឋាននគរបាលខេត្តបាត់ដំបងចំនួន១.០០.០០០រៀល(មួយលានរៀល)៕(រូបភាពផែនការងារធនធានមនុស្ស/ផ្សព្វផ្សាយអប់រំ) ។
