នាថ្ងៃទី ០៦ ខែមេសា ឆ្នាំ ២០២១ អង្គភាពសារព័ត៌មានយើងខ្ញុំបានទទួលសេចក្តីរាយការណ៍ថា
នៅចំណុចក្រោយអង់តែនទូរសព្ទភូមិ 105 ឃុំថ្មីស្រុកចិត្របុរីខេត្តក្រចេះ មានដេប៉ូឈើមួយកន្លែង ដែលឈ្មួញបានយកទៅលាក់ទុកនៅនិងវាលស្រែ ។
ក្រោយពីបានទទួលសេចក្ដីរាយការណ៍ពីប្រជាពលរដ្ឋភ្លាមក្រុមអ្នកសារព័ត៌មានរបស់យើងបានចុះទៅដល់ទីតាំងនៅដេប៉ូឈើភ្លាម ភ្លាមក្រោយពេលបានឃើញបទល្មើសជាក់ស្ដែង ក្រុមការងារក៏បានរាយការណ៍ទៅ សមត្ថកិច្ចស្រាប់តែមួយសន្ទុះក្រោយមក ក៏លេចមុខក្រុមគោយន្តកន្ត្រៃចំនួនពី 3 ទៅ 4 គ្រឿង បានមកលើកឈើទាំងនោះ ដឹកចេញទៅអស់ គ្មានសល់ក្រុមការងារមិនដឹងជាធ្វើយ៉ាងម៉េច បានត្រឹមតែឈរមើលឈ្មួញលើកដាក់លើគោយន្តកន្ត្រៃ និងបានត្រឹមតែថតទុកជាភស្តុតាង ដើម្បីធ្វើការផ្សព្វផ្សាយឲ្យមហាជន ក៏ដូចជាថ្នាក់ដឹកនាំបានដឹងបានជ្រាប អំពីសកម្មភាពដឹកជញ្ជូនយ៉ាងគឃ្លើនរបស់ឈ្មួញដុះស្លែម្នាក់ ដែលមានឈ្មោះថា ចែណាង រស់នៅភូមិកន្ទួតឃុំកន្ទួតស្រុកចិត្របុរីខេត្តក្រចេះ ។
ប្រជាពលរដ្ឋសំណូមពរ ដល់អាជ្ញាធរមានសមត្ថកិច្ច ក៏ដូចជាមន្ត្រីដែលពាក់ព័ន្ធក្នុងទឹកដីស្រុកចិត្របុរី ខេត្តក្រចេះនេះ មេត្តាធ្វើយ៉ាងណាទប់ស្កាត់និងបង្ក្រាបបទល្មើសផងទាន ។
ជុំវិញការផ្សព្វផ្សាយព័ត៌មានខាងលើនេះ បើសាម៉ីជនណាគិតថាការផ្សព្វផ្សាយព័ត៌មានមិនពិតមិនសុក្រឹត និងយុត្តិធម៌ យើងខ្ញុំរង់ចាំទទួលស្វាគមន៍ ក្នុងការបកស្រាយ របស់លោកអ្នករៀងរាល់ម៉ោងធ្វើការ ៕
