ទាន់ហេតុការណ៍
នគរបាលឆ្មក់បង្ក្រាបទីតាំង KTV មួយកន្លែងនៅស្រុកភ្នំស្រួច សមត្ថកិច្ចជួយសង្គ្រោះនារីបម្រើសេវា ១០នាក់ ក្នុងនោះមានអនីតិជន ៦នាក់ និងឃាត់ខ្លួនមនុស្ស ៣នាក់==>ក្នុងពេលបំពេញទស្សនកិច្ចនាយករដ្ឋមន្ត្រីកាណាដា នឹងចុះហត្ថលេខា លើកិច្ចសហប្រតិបត្តិការសេដ្ឋកិច្ច និងពាណិជ្ជកម្មជាមួយកម្ពុជា==>អតីតពលករមកពីថៃ និងពលរដ្ឋជាង១ម៉ឺន៣ពាន់នាក់ បានធ្វើតេស្តទទួលស្គាល់ជំនាញ==>យោធាតំបន់​ប្រតិបត្តិការ​សឹក​រង​ខេត្តកំពង់ធំ បង្ក្រាប​ឧបករណ៍​នេសាទ​ របាំង​ស្បៃ​មុង​ប្រវែង​ជាង​ ១,២០០​ ម៉ែត្រ​​ ដែល​នៅ​តែ​ដាក់​បំពាន​រំលោភ​ច្បាប់ ​ស្ដីពី​ពីជលផល​នៅ​ក្នុង​ភូមិ​សាស្ត្រ​ ឃុំ​សំព្រោច​ ស្រុក​ស្ទោង​==>ពិតមិនធម្មតាថវិកាចំណាយផ្នែកសំណង់ មន្ទីរកសិកម្មខេត្តព្រៃវែង ដោយក្នុង១ឆ្នាំៗខ្ទង់១០០០លានរៀល ១០ឆ្នាំគឺលើស២លានដុល្លា លទ្ធកម្មចាត់ចែងដោយលោកប្រធានមន្ទីរ អ៊ុក សំណាង តើតម្លៃនេះបើប្រៀបធៀបសំណង់នៅតាមបុរី ខុសគ្នាយ៉ាងណា..?==>ឯកឧត្ដមអភិសន្តិបណ្ឌិតឧបនាយករដ្ឋមន្ត្រី ស សុខា ដាក់ឱ្យដំណើរការសាខាលិខិតឆ្លងដែន ប្រចាំខេត្តព្រះសីហនុ នៅអគារផ្សារទំនើប ដាយអ៉ឺមេន ផ្លាហ្សា==>អធិការកិច្ច​ជលផល៖បង្ក្រាប​បទល្មើស​នាំ​ចូល​ត្រី​ប្រាចំនួន​១៨​តោន ជនសង្ស័យ​២​នាក់ បាន​រត់គេច​ខ្លួន​ចូល​ព្រៃ==>ឧត្តមសេនីយ៍ឯក រ័ត្ន ស្រ៊ាង នាំយកទៀនព្រះវស្សា និងទេយ្យវត្ថុប្រគេនព្រះសង្ឃគង់ចាំព្រះវស្សា នៅវត្តកែវមុនី ក្នុងសង្កាត់ព្រែកកំពឹស==>តុលាការផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព==>ផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព

​កម្លាំង​អាវុធហត្ថ​រាជធានី​ភ្នំពេញ បន្ដ​ចូលរួម​អនុវត្ត​វិធានការ​បំរាម​គោចរ និង​ល្បាត​ការពារ​សន្តិសុខ ក្នុង​រាជធានី​ភ្នំពេញ

​កម្លាំង​អាវុធហត្ថ​រាជធានី​ភ្នំពេញ បន្ដ​ចូលរួម​អនុវត្ត​វិធានការ​បំរាម​គោចរ និង​ល្បាត​ការពារ​សន្តិសុខ ក្នុង​រាជធានី​ភ្នំពេញ
​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ភ្នំពេញ​) ៖ នា​យប់​ថ្ងៃ​ទី​០៣ ខែ​មេសា ឆ្នាំ​២០២១ កម្លាំង​អាវុធហត្ថ​រាជធានី​ភ្នំពេញ បាន​បន្ដ​ចូលរួម​សហការ​អនុវត្ត​សេចក្តីសម្រេច របស់​រដ្ឋបាល​រាជធានី​ភ្នំពេញ ស្តីពី វិធានការ​បំរាម​គោចរ​ចាប់ពី​ម៉ោង ៨៖០០​យប់ រហូតដល់ ម៉ោង ៥៖០០​ភ្លឺ ចំនួន​២៦​គោលដៅ និង​ល្បាត​ការពារ​សន្តិសុខ​សុវត្ថិភាព​ជូន​ដល់​ប្រជាពលរដ្ឋ​ទូ​ទាំង​ភូមិសាស្ត្រ​រាជធានី​ភ្នំពេញ ​។​

​បំរាម​គោចរ ត្រូវបាន​ដាក់ចេញ​ដោយ​រដ្ឋបាល​រាជធានី​ភ្នំពេញ រយៈពេល ១៤​ថ្ងៃ ចាប់ពី​ថ្ងៃ​ទី​១ ខែ​មេសា ឆ្នាំ​២០២១​តទៅ ដែលជា​វិធានការ​រដ្ឋបាល​ថ្មី​មួយ ដើម្បី​ទប់ស្កាត់ និង​បង្ការ​ការឆ្លង​រីក​រាលដាល​ជំងឺ​កូវី​ដ​១៩​។​

​សម្រាប់​អ្នក​ដែល​មិន​គោរព​តាម​បំរាម​គោចរ​នេះ លោក ឃួ​ង ស្រេង អភិបាល​រាជធានី​ភ្នំពេញ បាន​ដាក់​បទបញ្ជា​យ៉ាង​ម៉ឺងម៉ាត់​ដល់​កងកម្លាំង​ប្រដាប់អាវុធ អាជ្ញាធរ និង​សមត្ថកិច្ច​ពាក់ព័ន្ធ ត្រូវ​ដកហូត​មធ្យោបាយ​ធ្វើដំណើរ​។​

​បន្ទាប់​ដកហូត​មធ្យោបាយ​ហើយ​នោះ ម្ចាស់​ត្រូវ​បញ្ជូន​ទៅ​ធ្វើ​ចត្តា​ឡីស័​ក​រយៈពេល​១៤​ថ្ងៃ នៅក្នុង​ផ្ទះ​រៀងៗ​ខ្លូន​។ នៅពេល​ធ្វើ​ចត្តា​ឡី​ស័ក អាជ្ញាធរ​មូលដ្ឋាន​ត្រូវ​តាមដាន​ត្រួតពិនិត្យ​ឲ្យបាន​ត្រឹមត្រូ​វ ក្នុងករណី​ការអនុវត្ត​មិន​ត្រឹមត្រូវ តាម​ការណែនាំ​ទេនោះ នឹង​អនុវត្ត​នូវ​ការផាកពិន័យ​តាម​ច្បាប់​តែ​ម្ដង​។​

​ដោយឡែក បុគ្គល​ដែល​បម្រើ​ការងារ​នៅ​ស្ថាប័នរដ្ឋ និង​ឯកជន ដែល​ចេញពី​ធ្វើការ​ក្រោយ​ម៉ោង​៨​យប់ ស្ថិត​ក្នុង​បំរាម​គោចរ​ដែល​បាន​ដាក់​ចេញ​នេះ គឺ​ត្រូវមាន​លិខិតបញ្ជាក់​ពី​ប្រធាន​អង្គភាព ឬ​ក្រុមហ៊ុន និង​តម្រូវ​ឲ្យ​ពាក់​កាតជាប់ខ្លួន​ជានិច្ចពេល​ធ្វើដំណើរ​។ សម្រាប់​ប្រជាពលរដ្ឋ​ទូទៅ​ដែល​ត្រូវ​ធ្វើ​ដំណើរ​បន្ទាន់​ភ្លាមៗ មិន​អាច​ខាត​បាន ត្រូវ​ផ្ដល់​ដំណឹង​ជា​មុន​ដល់​ចៅសង្កាត់ ឬ​អាជ្ញាធរ​មូលដ្ឋាន ដើម្បី​ឲ្យ​ចៅសង្កាត់ ឬ​អាជ្ញាធរ​មូលដ្ឋាន ងាយស្រួល​ប្រាប់​ទៅ​តាម​គោលដៅ​ត្រួតពិនិត្យ​នៅ​តាម​ដងផ្លូវ ទើប​អាច​ធ្វើបាន​ដោយ​គ្មាន​ការហាមឃាត់​។​

​មួយវិញទៀត ក្នុង​ករណី​ប្រជាពលរដ្ឋ​ត្រូវការ​ធ្វើ​ដំណើរ​ពេលយប់ ក្នុង​ម៉ោង​ដែល​ត្រូវ​ហាមឃាត់ (​មិន​បន្ទាន់​តែ​មាន​កំណត់​វេលា​ច្បាស់លាស់​) ត្រូវសុំ​លិខិតបញ្ជាក់ និង​មាន​វាយ​ត្រា​ពី​ចៅសង្កាត់ ឬ​អាជ្ញាធរ​មូលដ្ឋាន ដោយ​ប្រាប់​អំពី​មូលហេតុ និង​គោលបំណង នៃ​ការធ្វើ​ដំណើរ ដើម្បី​បង្ហាញ​ជូន​សមត្ថកិច្ច​នៅ​តាម​គោលដៅ​ត្រួតពិនិត្យ​៕

Filed in: ព័ត៌មានជាតិ