នៅព្រឹកថ្ងៃសុក្រ ៥រោច ខែចេត្រ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០២ ខែមេសា ឆ្នាំ២០២១ វេលាម៉ោង ០៨,៣០០នាទី ក្រុមប្រឹក្សាខណ្ឌដូនពេញ បានបើកកិច្ចប្រជុំសាមញ្ញ លើកទី២១ តាមរយៈកម្មវិធីZoom Meeting ក្រោមអធិបតីភាព លោក ហែម អាន ប្រធានក្រុមប្រឹក្សាខណ្ឌដូនពេញ និង លោក សុខ ពេញវុធ អភិបាល នៃគណៈអភិបាលខណ្ឌដូនពេញ ដើម្បីពិនិត្យ និងអនុម័ត កិច្ចការសំខាន់ៗមួយចំនួន ដូចខាងក្រោម៖
១-ពិនិត្យ និងអនុម័តសេចក្ដីព្រាងកំណត់ហេតុកិច្ចប្រជុំសាមញ្ញ លើកទី២០ របស់ក្រុមប្រឹក្សាខណ្ឌដូនពេញ អាណត្តិទី៣ ។
២-ពិនិត្យ និងអនុម័ត សេចក្ដីព្រាងរបាយការណ៍ ស្ដីពីការអនុវត្តការងារប្រចាំខែកុម្ភៈ និងខែមីនា ឆ្នាំ២០២១ របស់រដ្ឋបាលខណ្ឌដូនពេញ ។
៣-ពិនិត្យ និងអនុម័ត សេចក្ដីព្រាងរបាយការណ៍ ស្ដីពីការអនុវត្តការងារប្រចាំត្រីមាសទី១ ឆ្នាំ២០២១ របស់រដ្ឋបាលខណ្ឌដូនពេញ ។
៤-ពិនិត្យ និងអនុម័តសេចក្ដីព្រាងតារាងបែងចែកប្រាក់រង្វាន់លើកទឹកចិត្តប្រចាំខែកុម្ភៈ និងខែមីនា ឆ្នាំ២០២១ ដែលបានមកពីការផ្ដល់សេវាសាធារណៈ ជូនដល់មន្ដ្រីបុគ្គលិករដ្ឋបាលខណ្ឌដូនពេញ ។
៥-ពិនិត្យឆ្លងសេចក្ដីព្រាងប្រតិទិនការងារសម្រាប់ដំណើការកសាងកម្មវិធីវិនិយោគបីឆ្នាំរំកិល (២០២២-២០២៤) របស់រដ្ឋបាលខណ្ឌដូនពេញ និងសេចក្ដីណែនាំ ស្ដីពីការរៀបចំ និងកសាងកម្មវិធីបិនិយោគបីឆ្នាំរំកិល(២០២២-២០២៤) ។
៦-ការងារសំខាន់ផ្សេងៗ
-វិធានការបង្ការ និងទប់ស្កាត់ការឆ្លងរីករាលដាលនៃជំងឺកូវីដ១៩ និងការងារធ្វើចត្តាឡីស័ក ។
-បន្ដជម្រុញ ផ្សព្វផ្សាយ វិធានការ (៣កុំ ៣ការពារ) និងបន្ដធ្វើ QR code តាមមូលដ្ឋានអាជីវកម្ម និងការចែកម៉ាសជូនដល់ប្រជាពលរដ្ឋក្នុងមូលដ្ឋានសង្កាត់ទាំង១១ និងទីរួមផ្សារទាំង៣ ។
-ការងាររៀបចំសន្ដិសុខ សណ្ដាប់ធ្នាប់ របៀបរៀបរយសាធារណៈ និងអនាម័យបរិស្ថាន ក្នុងការរួមចំណែកប្រយុទ្ធប្រឆាំងការឆ្លងរីករាលដាលនៃជំងឺកូវីដ១៩ នៅក្នុងមូលដ្ឋាន។
