(ភ្នំពេញ) ៖ នៅព្រឹកថ្ងៃអាទិត្យទី២៨ ខែមីនាឆ្នាំ២០២១ វេលាម៉ោង៨,៣០នាទីព្រឹក នៅរដ្ឋបាលខណ្ឌដូនពេញបានបើកកិច្ចប្រជុំគណៈបញ្ជាការឯកភាពរដ្ឋបាលខណ្ឌដូនពេញ ក្រោមអធិបតីភាព លោក សុខ ពេញវុធ អភិបាលនៃគណៈអភិបាលខណ្ឌដូនពេញ កិច្ចប្រជុំនេះមានការចូលរួមពីមន្ត្រីក្រោមឱវាទ(តាមកម្មវិធី Zoom meeting )ក្នុងរបៀបវារៈដូចខាងក្រោម៖
១.ការជម្រុញការចាក់វ៉ាក់សាំងដល់មនុស្សចាស់វ័យ៦០ឆ្នាំឡើងទៅ ចំពោះសង្កាត់ទាំង១១។
២.ការបន្តជម្រុញផ្សព្វផ្សាយ អនុវត្តវិធានការ(បីកុំ បីការពារ) ការបន្តធ្វើ QR code តាមអាជីវកម្ម និងការបន្តចែកម៉ាស់ក្នុងមូលដ្ឋានសង្កាត់ទាំង១១ ផ្សារទាំង៣។
៣.ការត្រៀមបង្ក្រាបការលបលួចបើកអាជីវកម្ម Internet, Internet Cafe ការលបលួចបើកអាជីវកម្មក្លឹបកំសាន្ត បាបារាំង និងអាជីវកម្មផ្សេងៗទៀតដែលបានបិទកន្លងមកក្នុងសង្កាត់ទាំង១១។
៤.ផ្សព្វផ្សាយដល់ម្ចាស់ផ្ទះជួល ពិនិត្យលទ្ធភាពបញ្ចុះតម្លៃ ឬលើកលែងការបង់ថ្លៃឈ្នូលផ្ទះ ឬឈ្នូលបន្ទប់ដល់កម្មករ បុគ្គលិកដែលមានជីវភាពក្រីក្រ ៥.ការងារផ្សេងៗ៕
