(ប៉ៃលិន) ៖ ដើម្បីចូលរួមអនុវត្តន៍នូវវិធានការរបស់ក្រសួងសុខាភិបាលពិសេសគឺអនុវត្តន៍ ៣ការពារ ៣ កុំ ដែលប្រមុខរាជរដ្ឋាភិបាល បានដាក់ចេញដើម្បីទប់ស្កាត់ការរីករាលដាលជម្ងឺកូវិដ.១៩ ចូលក្នុងសហគមន៍យើង ។ ទើបក្រុមការងារយុវជនស.ស.យ.កខេត្តប៉ៃលិនដឹកនាំដោយឯកឧត្តមហុកសុផលអនុប្រធានស.ស.យ.កខេត្តនិងជាអភិបាលរងខេត្តឯកឧត្តមហែមរិទ្ធីអភិបាលរងខេត្តប្រធានមន្ទីរនិងក្រុមការងារយុវជនស្ម័ក្រចិត្តស.ស.យ.កខេត្តប៉ៃលិនជាច្រើនរូបចូលរួមផងដែរ។
ឯកឧត្តម ហុក សុផល បានឲ្យក្រុមអ្នកសារព័ត៌មានដឹងថា កាលពីព្រឹកថ្ងៃទី២៥ ខែមីនា ឆ្នាំ២០២១នេះថា ដោយមានការណែនាំពីលោកជំទាវ បាន ស្រីមុំ អភិបាលខេត្ត និងជាប្រធានស.ស.យ.កខេត្តប៉ៃលិនដើម្បីចូលរួមជាមួយជារដ្ឋាភិបាល ៣ កុំ៣ការពារ ទើបឲ្យក្រុមការងារបាននាំម៉ាស់អាល់កុល និងជែលយកមកចែកជូនបងប្អូនប្រជាពលរដ្ឋដើម្បីការពារជម្ងឺកូវិដ.១៩ចូកក្នុងសហគមន៍ក្នុងខេត្តប៉ៃលិនយើង។ហើយកន្លងមកនៅខេត្តប៉ៃលិននេះក្រោមការចង្អុលបង្ហាញពី ឯកឧត្តមហ៊ុនម៉ានី ប្រធានស.ស.យ.ក លោកជំទាវ តែងតែដឹកនាំក្រុមយុវជនស.ស.យ.ក ទាំងអស់ចូលរួមជាមួយរាជរដ្ឋាភិបាល ក្នុងការទប់ស្កាត់ជម្ងឺកូវិដ១៩ ដូចជាចុះជួយពលករចំណូលស្រុក ដែលមកពីប្រទេសឲ្យពួកគាត់ទៅធ្វើចត្តាឡីស័ក្កតាមបណ្ឌមដែលខាងខេត្តកំណត់ពិសេសក្រុមយុវជនស.ស.យ.កបានទៅចូលរួមជួយធ្វើម្ហូបអាហារជូនដល់បងប្អូនដែលកំពុងធ្វើចត្តាឡីស័ក្កនៅក្នុងមណ្ឌលផងដែរ ។ ការចុះផ្សព្វផ្សាយនេះគឺធ្វើឡើងនៅទូទាំងខេត្តប៉ៃលិនហើយការផ្សព្វផ្សាយនេះធ្វើរហូតដល់ជម្ងឺនេះផុតរលត់ចេញពីប្រទេសយើង។
ជាមួយគ្នា ឯកឧត្តមអភិបាលរងខេត្តក៏បានអំពាវនាវដល់បងប្អូនប្រជាពលរដ្ឋទាំងអស់នាំគ្នាអនុវត្តន៍ឲ្យបាននូវវិធានការរបស់ក្រសួងសុខាភិបាលនិងការដាក់ចេញរបស់ជារដ្ឋាភិបាលគឺ ៣ការពារ ៣កុំ ដើម្បីការពារខ្លួនយើងគ្រួសារយើងនិងសង្គមជាតិទាំងមូល៕
