ខេត្តបាត់ដំបង ៖ នៅព្រឹកថ្ងៃពុធ ១១កើត ខែចេត្រ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៤ ខែមីនា ឆ្នាំ២០២១ ឯកឧត្តម ណុប ដារ៉ា អភិបាលរងនៃគណៈអភិបាលខេត្តបាត់ដំបង ជាតំណាងដ៏ខ្ពង់ខ្ពស់ ឯកឧត្តម ងួន រតនៈ អភិបាលខេត្តបាត់ដំបង និងលោក យី សុងគី ប្រធានមន្ទីរអប់រំ យុវជន និងកីឡាខេត្ត បានអញ្ជើញសាកសួរសុខទុក្ខ និងប្រគល់ថវិកាលើកទឹកចិត្តដល់ក្លឹបប្រដាល់បុរាណគុនខ្មែរ និងកីឡាករដែលទទួលបានជ័យលាភីមេដាយចំនួន២គ្រឿងក្នុងនោះមាន កីឡាករ ឆង ថងសិទ្ធ ជាកីឡាករប្រភេទទម្ងន់៥៧គីឡូក្រាម មកពីក្លិបព្រះខែសែនជ័យ(ស្រុកថ្មគោល) ទទួលបានមេដាយប្រាក់១គ្រឿង និងកីឡាករ ស៊ន រ៉ាគិម ជាកីឡាករប្រភេទទម្ងន់៦០គីឡូក្រាម មកពីក្លិបរាហ៊ូកីឡា(ស្រុកឯកភ្នំ) ដែលទទួលបានមេដាយសំរិទ្ធ០១គ្រឿងផងដែរ ។
