ខេត្តឧត្ដរមានជ័យ៖ នៅព្រឹកថ្ងៃទី២៤ ខែមីនា ឆ្នាំ២០២១ លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ រួមនិងសហការី បានចុះសួរសុខទុក្ខ សំណេះសំណាល ប្រជាពលរដ្ឋនិងនាំយកនូវអំណោយចែកជូនដល់គ្រួសាអតីតយុទ្ធជនចំនួន ១០ គ្រួសារ ដែលជាគ្រួសារសម្ព័ន្ធមេត្រីភាពជាមួយអង្គភាពស្នងការរដ្ឋាននគរបាលខេត្តឧត្ដរមានជ័យ ស្ថិតនៅភូមិ បាក់វែក ឃុំ ស្រុកចុងកាល់ ខេត្តឧត្តរមានជ័យ ក្នុងមួយគ្រួសារទទួលបាន៖ អង្ករ ២៥ គ.ក, ទឹកស៊ីអ៊ីវ ១យួរ, ទឹកត្រី ១យួរ, ទឹកសុទ្ធ ១ យួរ, ត្រីខ ១យួរ, មី ១ កេស និងថវិកា ចំនួន ៣០,០០០រៀល ។
ឆ្លៀតក្នុងឱកាសនោះផងដែរលោកស្នងការ ក៏បានណែនាំបន្ថែម ដល់គ្រួសារអតីតយុទ្ធជនទាំង ១០គ្រួសារ ឲ្យផ្សព្វផ្សាយបន្ត ដល់បងប្អូនអតីតយុទ្ធជននៅក្នុងភូមិ អនុវត្តនូវវិធានការការពារកូវីដ១៩ របស់ក្រសួងសុខាភិបាលឱ្យបានខ្ជាប់ខ្លួនជានិច្ចផងដែរ ៕
