ដោយមានការយកចិត្តទុកដាក់ខ្ពស់ ពីលោក សុខ ពេញវុធ អភិបាល នៃគណៈអភិបាលខណ្ឌដូនពេញ និងជាប្រធានកិត្តិយសអនុសាខាកាកបាទក្រហមកម្ពុជាខណ្ឌដូនពេញ ចំពោះប្រជាពលរដ្ឋក្រីក្រ ដែលកំពុងធ្វើចត្តាឡីស័ក ក្នុងព្រឹត្តិការណ៍សហគមន៍២០កុម្ភៈ នាល្ងាចថ្ងៃព្រហស្បតិ៍ ៥កើត ខែចេត្រ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៨ ខែមីនា ឆ្នាំ២០២០ វេលាម៉ោង ០៦,០០នាទី លោកស្រី នូ ថាវរី ប្រធានអនុសាខាកាកបាទក្រហមកម្ពុជាខណ្ឌដូនពេញ តំណាង លោក សុខ ពេញវុធ ប្រធានកិត្តិយសអនុសាខាកាកបាទក្រហមកម្ពុជាខណ្ឌ បានបន្ត នាំយកអំណោយមនុស្សធម៌ របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចែកជូនបងប្អូនប្រជាពលរដ្ឋដែលកំពុងធ្វើចត្តាឡីស័ក ក្នុងព្រឹត្តិការណ៍សហគមន៍២០កុម្ភៈ ចំនួន ០៩គ្រួសារ ក្នុងសង្កាត់ផ្សារថ្មីទី២ ។
លោកស្រីបាន មានប្រសាសន៍ថា ក្នុងកាល:ទេស:កម្ពុជាកំពុងប្រយុទ្ធប្រឆាំងនឹងជំងឺឆ្លងកូវីដ-១៩ សូ មបងប្អូនប្រជាពលរដ្ឋ គ្រប់រូប អនុវត្តតាមវិធានសុខាភិបាល អោយបានម៉ត់ចត់ ដោយដាក់ខ្លួនអោយនៅ ដាច់ដោយឡែក១៤ ថ្ងៃ រង់ចាំការយកសំណាក់លើកទី២ និង លទ្ធផលពីគ្រូពេទ្យជំនាញ ។
អំណោយដ៏សប្បុរស ដែរចែកជូននាពេលនេះ រួមមាន ថវិការចំនួន ១០០,០០០រៀល, អង្ករ ០១បាវ ស្មើរ ២៥គីឡូក្រាម, ថ្នាំដុះធ្មេញ ០១យួរ និង សំភារៈផ្ទះបាយមួយចំនួន ។
នៅចំពោះមុខ លោកស្រីបាន ពាំនាំនូវការផ្តាំផ្ញើសាកសួរសុខទុក្ខ ដោយសេចក្តីនឹករលឹកយ៉ាងជ្រាលជ្រៅបំផុត ពីសំណាក់ សម្តេចតេជោ និងសម្តេចកិត្តិព្រឹទ្ធបណ្ឌិត ឯកឧត្តមអភិបាលរាជធានីភ្នំពេញ និង លោក អភិបាលខណ្ឌដូនពេញ ដែលជានិច្ចកាល សម្តេចទាំងទ្វេរ ឯកឧត្ដម និង លោកអភិបាល តែងតែផ្ញើរនូវការនឹករលឹកចំពោះប្រជាពលរដ្ឋ ដោយមិនប្រកាន់ និន្នាការនយោបាយ ព័ណ៌សំបុរឡើយ ។
