ភ្នំពេញ ៖ លោក ផែង វណ្ណៈ បានធ្វើលិខិតសុំទោសជាសាធារណៈ មួយ កាលពីថ្ងៃទី១៨ ខែមីនា ឆ្នាំ២០២១ ដោយលោក «សូមព្រះសង្ឃគ្រប់ព្រះអង្គ ទូទាំងប្រទេស មេត្តាយោគយល់ និង អន់ឱនអោយលោក ដោយក្តីអនុគ្រោះផង» ។
លិខិតសុំទោសជាសាធារណៈ នេះ ធ្វើឡើង ភ្លាមៗ ក្រោយពីលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន សម្រេចលុបអាជ្ញាបណ្ណសារព័ត៌មាន របស់លោក ផែង វណ្ណៈ ក្រោយមានការប្រមាថលើព្រះសង្ឃ ។
លោករដ្ឋមន្ត្រីក្រសួងព័ត៌មាន មានប្រសាសន៍ថា លោក ផែង វណ្ណៈ «បានជេរប្រមាថចំពោះព្រះសង្ឃ ធ្វើអោយប៉ះពាល់យ៉ាងធ្ងន់ធ្ងរលើវិស័យព្រះពុទ្ធសាសនា ដែលជា សាសនារបស់រដ្ឋ ដែលជាការបំពានយ៉ាងធ្ងន់ធ្ងរលើវិជ្ជាជីវៈ និង កិច្ចសន្យាអាជីវកម្ម ដែលសាមីខ្លួនបានតម្កល់ទុកនៅក្រសួងព័ត៌មាន»។
លោករដ្ឋមន្ត្រីក្រសួងព័ត៌មាន មានប្រសាសន៍ទៀតថា លោក ផែង វណ្ណៈ មិនមែនត្រឹមប្រមាថព្រះសង្ឃ ទេ តែបានប្រមាថទាំងមន្ត្រីសាធារណៈ ថែមទៀតផង ៕
