នៅរសៀលថ្ងៃទី ១៦ ខែ មីនា ឆ្នាំ២០២១ នេះឯកឧត្តម ណុប ដារ៉ា អភិបាលរងនៃគណៈអភិបាលខេត្តបាត់ដំបង បានចាត់តំណាងឱ្យនាំយកម៉ាស់ចំនួន២០,០០០ម៉ាស់(ពីរម៉ឺនម៉ាស់) មកប្រគល់ជូនដល់កងកម្លាំងនគរបាលនៃស្នងការដ្ឋាននគរ បាលខេត្តបាត់ដំបងសម្រាប់ប្រើប្រាស់បំពេញភារកិច្ចប្រចាំថ្ងៃជូនប្រជាពលរដ្ឋ។
អញ្ជេីញចូលរួមទទួលម៉ាស់ក្នុងឱកាសនេះមានលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបងលោក លោកស្រីស្នងការរង នាយ នាយរងការិយាល័យជំនាញ និងកងកម្លាំងនគរបាលជាច្រេីនរូប។
ក្នុងក្តីរីករាយបំផុតនេះលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ព្រមទាំងថ្នាក់ដឹកនាំនិងកងកម្លាំងនគរបាលទាំងអស់សូមគោរពថ្លែងអំណរគុណ យ៉ាងជ្រាលជ្រៅចំពោះទឹកចិត្តដ៏ថ្លៃថ្លារបស់ឯកឧត្តមអភិបាលរងខេត្តបាត់ដំបង ជាមួយនេះសូមគោរពជូនពរឯកឧត្តម លោកជំទាវព្រមទាំងក្រុមគ្រួសារទាំងអស់សូមជួបប្រទះតែពុទ្ធពរទាំង៤ប្រការគឺអាយុ វណ្ណៈ សុខៈ ពលៈ កុំបីឃ្លាងឃ្លាតឡើយ៕
