ខេត្តបន្ទាយមានជ័យ៖ នាព្រឹកថ្ងៃព្រហស្បតិ៍ ១៣ រោច ខែផល្គុន ឆ្នាំជូត ទោស័ក ពស ២៥៦៤ ត្រូវនឹងថ្ងៃទី ១១ ខែមីនា ឆ្នាំ ២០២១ លោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្ត បន្ទាយមានជ័យ បានអញ្ជើញដឹកនាំកិច្ចប្រជុំ ពង្រឹងត្រៀមកម្លាំងការពារសន្តិសុខការិយាល័យបោះឆ្នោតសាកល្បងសម្រាប់ជ្រើសរើសក្រុមប្រឹក្សាឃុំសង្កាត់នាពេលខាងមុខ និងពង្រឹងលើការគ្រប់គ្រងការពារ សន្តិសុខ ស្ថិតិប្រជាពលរដ្ឋ ចេញចូលស្នាក់នៅ ក្នុងមូលដ្ឋាន ឱ្យមានភាពល្អប្រសើរ ។
ជាពិសេសគោរពអនុវត្តឲ្យកាន់តែបាន នូវអនុសាសន៍ ដ៏ខ្ពង់ខ្ពស់ របស់ សម្តេចអគ្គមហាសេនាបតីតេជោ ហ៊ុន សែន នូវ វិធានការ ៣ការពារ និង៣កុំ ឱ្យបានខ្ជាប់ខ្ជួនជានិច្ច និង គោរពវិធានសុវត្ថិភាពរបស់ក្រសួងសុខាភិបាលពាក់ព័ន្ឋនឹងជម្ងឺកូវីដ១៩ ក្នុងដំណើរការបោះឆ្នោតផងដែរ ។
ក្នុងនោះដែរក៏មានការអញ្ជើញចូលពី លោក ឧត្តមសេនីយ៍ស្នងការរង ផែនការងារ សេនាធិការ អត្តសញ្ញាណកម្ម សន្តិសុខ និង លោក នាយការិយាល័យ លោក អធិការ អធិការរង នាយផ្នែក នៅសាលប្រជុំ (ក) របស់ ស្នងការដ្ឋាននគរបាលខេត្តបន្ទាយមានជ័យ ។
