ឧត្ដរមានជ័យ ÷ ក្រោមការអំពាវនាវរបស់ លោក ឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ នៅ ព្រឹក ថ្ងៃទី04/03/2021 នេះនៅ ស្នងការដ្ឋាននគរបាលខេត្ត ក្រុមហ៊ុនអិល វ៉ាយ ភី គ្រុប របស់ ឯកឧត្តម អ្នកឧកញ៉ា លី យ៉ុងផាត់ បានជួយឧបត្ថម្ភគ្រឿងឧបភោគបរិភោគ សម្រាប់ស្នងការដ្ឋាន ដើម្បីយក ទៅផ្តល់ជូនកងកម្លាំងដែលឈរជើងប្រចាំការការពារគោលដៅតាមព្រំដែន ប្រើប្រាស់ក្នុងការចូលរួមបង្ការទប់ស្កាត់ការរីករាលដាល នៃជំងឺកូវីដ១៩ (Covid 19) ក្នុងនោះរួមមាន÷
1- អង្ករ ចំនួន 10 តោន
2- ទឹកត្រី ចំនួន 100 យួរ
3- ទឹកស៊ីអ៊ីវ ចំនួន 100 យួរ
4- មី ចំនួន 100 កេស
5- ត្រីខ កំប៉ុង ចំនួន 100 យួរ
6- ទឹកបរិសុទ្ធ ចំនួន 100 យួរ
7- តង់ ចំនួន 20 តង់
សរុបជាទឹកប្រាក់ ចំនួន 42,500,000 រៀល ។
គណៈស្នងការនិងកងកម្លាំងក្រោមឱវាទទាំងអស់ នៃស្នងការដ្ឋាននគរបាលខេត្តឧត្តរមានជ័យ សូមគោរពថ្លែងអំណរគុណចំពោះ ឯកឧត្តម អ្នកឧកញ៉ា លី យ៉ុងផាត់ អគ្គនាយកក្រុមហ៊ុន អិល វ៉ាយ ភីគ្រុប ដែលបានឧបត្ថម្ភ ដល់ស្នងការដ្ឋាននគរបាលខេត្តឧត្តរមានជ័យ។
សូមគោរពជូនពរចំពោះ ឯកឧត្តម អ្នកឧកញ៉ា និងសហការី សូមមានសុខភាពល្អបរិបូណ៍ រកស៊ីទទួលទានមានបាន និងជួបប្រសព្វនូវ ពុទ្ធពរ ៤ប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ជាពិសេស សូមជៀសផុតពីជំងឺកូវីដ-១៩ ៕
