កាលពីថ្ងៃទី 27 ខែកុម្ភៈ ឆ្នាំ 2021 វេលាម៉ោង 16:25 នាទី ការិយាល័យជំនាញ នៃស្នងការដ្ឋាននគរបាលខេត្តបាត់ដំបង ដែលដឹកនាំ ដោយលោកវរសេនីយ៍ឯក ឈឿង គឹមសុង នាយការិយាល័យ នគរបាល ព្រហ្មទណ្ឌ កម្រិតស្រាលសហការជាមួយកម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តពោធិ៍សាត់ និងមានការសម្របសម្រួលលើនីតិវិធីពី ឯកឧត្តម គឺ ប៊ុណ្ណារ៉ា ព្រះរាជអាជ្ញានៃ អយ្យការ អមសាលាដំបូងខេត្តបាត់ដំបង និងលោកព្រះរាជអាជ្ញាខេត្តពោធិ៍សាត់ សមត្ថកិច្ចបានធ្វើការឃាត់ខ្លួនជនសង្ស័យ01 នាក់ ដែលមានឈ្មោះ ម៉ៅ សារ៉ូត ភេទប្រុស អាយុ 32 ឆ្នាំ មានទីលំនៅភូមិខ្លាក្រពើ ឃុំអន្លង់ត្នោត ស្រុកក្រគរ ខេត្តពោធិ៍សាត់ ។
ជនរងគ្រោះឈ្មោះ អ៊ឹម កៅទី ភេទ ប្រុស អាយុ 60 ឆ្នាំ មានទីលំនៅភូមិព្រែកស្បូវ ឃុំអូរកន្ធរ ស្រុកស្ទឹងសែន ខេត្តកំពង់ធំ ដែលប្ដឹងទៅលើជនសង្ស័យ ដែលមិនស្គាល់អត្តសញ្ញាណ បានធ្វើសកម្មភាពយកប្រាក់របស់គាត់កាលពីថ្ងៃទី 24 ខែកុម្ភៈ ឆ្នាំ 2021 អស់ប្រាក់ចំនួន 83 លាន 70 ម៉ឺន នៅចំណុចរោងម៉ាស៊ីនកិនស្រូវ យីហោហ្គោលដិនស្តារដែលស្ថិតក្នុងភូមិកគោ ឃុំជ្រៃ ស្រុកថ្មគោល ខេត្តបាត់ដំបង ។
បន្ទាប់ពីទទួលបណ្ដឹងជនរងគ្រោះរួច ឯកឧត្តមឧត្ដមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចជាលោកវរសេនីយ៍ឯក លឹម ពុទ្ធីឡា ស្នងការរងទទួលផែនការងារព្រហ្មទណ្ឌបានដាក់បទបញ្ជាឲ្យបើកការស៊ើបអង្កេត និងស្វែងរកជនសង្ស័យមកផ្តន្ទាទោសតាមច្បាប់ ។
រហូតដល់ថ្ងៃទី 27 ខែកុម្ភៈ ឆ្នាំ 2021 វេលាម៉ោង 16:25 នាទី ការិយាល័យជំនាញនៃស្នងការដ្ឋាននគរបាលខេត្តបាត់ដំបង ដែលដឹកនាំ ដោយលោកវរសេនីយ៍ឯក ឈឿង គឹមសុង នាយការិយាល័យ នគរបាល ព្រហ្មទណ្ឌ កម្រិតស្រាលសហការជាមួយកម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តពោធិ៍សាត់ និងមានការសម្របសម្រួលលើនីតិវិធីពី ឯកឧត្តម គឺ ប៊ុណ្ណារ៉ា ព្រះរាជអាជ្ញានៃ អយ្យការ អមសាលាដំបូងខេត្តបាត់ដំបង និងលោកព្រះរាជអាជ្ញាខេត្តពោធិ៍សាត់ សមត្ថកិច្ចបានធ្វើការឃាត់ខ្លួនជនសង្ស័យ01 នាក់ ដែលមានឈ្មោះ ម៉ៅ សារ៉ូត ភេទប្រុស អាយុ 32 ឆ្នាំ មានទីលំនៅភូមិខ្លាក្រពើ ឃុំអន្លង់ត្នោត ស្រុកក្រគរ ខេត្តពោធិ៍សាត់ ។
នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានធ្វើសកម្មភាពយកលុយជនរងគ្រោះដែលមានឈ្មោះខាងលើពិតប្រាកដមែន។
ជនសង្ស័យខាងលើជាអ្នកបើករថយន្តដឹស្រូវពោតដំឡូងនៅតាមបណ្តាខេត្តទៅប្រទេសវៀណាម ។ រហូតមកដល់ថ្ងៃទី24 ខែកុម្ភៈ ឆ្នាំ2021 វេលម៉ោង 18:00 នាទី ថៅកែទិញស្រូវឈ្មោះ អ៊ឹម កៅទី បានទូរស័ព្ទអោយខ្លួនទទួលយកប្រាក់ ដែលបានពីការលក់ស្រូវនៅរោងម៉ាស៊ីនហ្គោលដិនស្តារ ពីតៃកុងរថយន្តយកទៅអោយគាត់នៅខេត្តកំពង់ធំផង ។ ពោលនោះ ជនសង្ស័យក៏បានទៅទទួលយកប្រាក់ចំនួន 03 ថង់ពណ៌ខ្មៅ ប៉ុន្តែជនសង្ស័យមិនបានដឹងថា នៅក្នុងថង់ពណ៌ខ្មៅនោះមានចំនួនទឹកប្រាក់ប៉ុន្មានដែរ។
នៅក្នុងពេលដែលជនសង្ស័យកំពុងជិះរថយន្តជាមួយឈ្មោះ ថា គេបានដឹងថា ខ្លួនទទួលយកប្រាក់ពីគេមកច្រើន ក៏សុំជនសង្ស័យចែកគ្នាម្នាក់ពាក់កណ្តាល ប៉ុន្តែជនសង្ស័យមិនព្រម ក៏មានការឈ្លោះប្រកែកគ្នា ហើយឈ្មោះថា ក៏បានយកទូរស័ព្ទដៃរបស់ជនសង្ស័យគ្រវែងចោលអស់ ពេលនោះជនសង្ស័យក៏បានលួងលោមឈ្មោះ ថា ហើយបានចុះពីលើរថយន្តនៅមុខធនាគារហត្ថាកសិករ ស្រុកក្រគរ ខេត្តពោធិ៍សាត់ ដោយយកបានប្រាក់តែច 02 ថង់មានចំនួន 75 លានរៀល ហើយខ្លួនក៏បានយកទៅដាក់ផ្ញើនៅក្នុងធនាគារនោះតែម្តង ចំណែកឯប្រាក់01ថង់ទៀតឈ្មោះ ថា ជាអ្នកយក ។
សម្ភារៈនិងវត្ថុតាងដកហូតរួមមាន៖
– លោហធាតុពណ៌លឿងចំនួន 3មាន (ចិញ្ចៀនមួយវង់ខ្សែដៃមួយនឹងខ្សែកចំនួន 1 ខ្សែ) , ប្រាក់ដុល្លារចំនួន 20 ដុល្លារនិងប្រាក់រៀលចំនួន 9 ម៉ឺន 2 ពាន់ រៀល ។ ចំណែកឯប្រាក់ចំនួន 75 លាន រៀល សមត្ថកិច្ចយើងបានប្រគល់ទៅឱ្យជនរងគ្រោះវិញ។
បច្ចុប្បន្ន ជនសង្ស័យ ខាងលើ ការិយាល័យជំនាញកំពុងកសាងសំណុំរឿងបញ្ជូនទៅសាលាដំបូងខេត្តបាត់ដំបងដើម្បីចាត់ការតាមនីតិវិធីច្បាប់ ៕
