ខេត្តបន្ទាយមានជ័យ ៖នៅរសៀលថ្ងៃអង្គារ ៤រោច ខែ ផល្គុន ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០២ខែមីនា ឆ្នាំ ២០២១ នេះនៅ វេលាម៉ោង១៨ នឹង៤០នាទី ដោយអនុវត្តន៍តាមបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ទោ សិទ្ធ ឡោះ ស្នងការ នគរបាល ខេត្ត បន្ទាយមានជ័យ និងមានការណែនាំ ពីលោកវរៈសេនីយ៍ឯក សូ ចាន់ណារី មេបញ្ជាការ វរ:សេនាតូច នគរបាល ការពារព្រំដែនគោកលេខ ៩១១ បានណែនាំដល់កម្លាំងទាំងអស់ត្រូវប្រចាំការតាមគោលដៅជាប់២៤ម៉ោង/២៤ម៉ោង និងធ្វើការដើរល្បាត ដើម្បីទប់ស្កាត់ រាល់បទល្មើសគ្រប់ប្រភេទ ជាពិសេសប្រជាពលរដ្ឋលួចឆ្លងដែនខុសច្បាប់ គេចវេសមិនព្រមធ្វើចត្តាឡឺស័ក ១៤ថ្ងៃនិង ទប់ស្កាត់ការរីករាលដាលនៃជំងឺកូវីដ១៩ តាមបន្ទាត់ព្រំដែនកម្ពុជា-ថៃ នឹង រកមុខសញ្ញា មេខ្យល់ដែលនាំពលករលួចឆ្លងដែនខុសច្បាប់ផងដែរ៕
កម្លាំងប៉ុស្តិ៍បឹងសាគូចាប់បានប្រជាពលរដ្ឋដែលលួចឆ្លងដែនខុសច្បាប់បានជាបន្តបន្ទាប់ (ដឹកនាំកម្លាំងដោយ)
លោកវរ:សេនីយ៍ត្រី រស់ ពិសិដ្ឋ នាយប៉ុស្តិ៍ នឹងលោកអនុសេនីយ៍ទោ ប៉ុក ដា នាយរង ប៉ុស្តិ៍បឹងសាគូ នគរបាល ការពារ ព្រំដែនគោក នៃវរ:លេខ៩១១បានដឹកនាំកម្លាំង សហការជាមួយកងកម្លាំងចម្រុះបានឃាត់ខ្លួនប្រជាពលរដ្ឋចំនួន(០១នាក់) ដែលលួចឆ្លងដែនខុសច្បាប់ ពីប្រទេសថៃ ចូលមក កម្ពុជា កម្លាំងចម្រុះតាមទាន់ប្រជាពលរដ្ឋចំនួន ០១នាក់ដែលលួចឆ្លងដែនខុសច្បាប់នោះក៏ឃាត់ខ្លួនបាននៅខាងមុខ(Big c) ស្ថិតនៅក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជយ័។
ប្រជាពលរដ្ឋដែលលួចឆ្លងដែនខុសច្បាប់នោះមានឈ្មោះ ១/ឈ្មោះយាន សូរីយ៉ាន់ ភេទប្រុស អាយុ១៨ឆ្នាំ រស់នៅក្នុងភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
កម្លាំងនគរបាលប៉ុស្តិ៍បឹងសាគូនៃវរ:លេខ៩១១ សួរនាំរួចហើយ បន្ទាប់មក កម្លាំងប៉ុស្តិ៍បឹងសាគូ បានបញ្ជូនប្រជាពលរដ្ឋដែលលួចឆ្លងដែនខុសច្បាប់ចំនួន ០១ នាក់ ទៅធ្វើចត្តាឡឺស័ក១៤ ថ្ងៃនៅមណ្ឌលសំចតសាលាបឋមសិក្សា ហ៊ុនសែន ព្រហ្មនិមិត្ត ស្ថិតនៅក្នុង ភូមិក្បាលស្ពាន ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
ក្នុងនោះ លោកវរ:សេនីយ៍ត្រី រស់ ពិសិដ្ឋ នាយប៉ុស្តិ៍ បឹងសាគូ ក៏បានអំពាវនាវ ដល់បងប្អូនប្រជាពលរដ្ឋ ចូលរួម ទប់ស្កាត់ការរីករាលដាលជំងឺកូវីដ19 នៅក្នុងសហគម
ន៍តាមការណែនាំរបស់ក្រសួងសុខាភិបាល៕
