នាព្រឹកថ្ងៃឣាទិត្យ ២រោច ខែផល្គុន ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៨ ខែកុម្ភ: ឆ្នាំ២០២១ លោកជំទាវ បាន ស្រីមុំ ឣភិបាលនៃគណ:ឣភិបាលខេត្តប៉ៃលិននិងឯកឧត្តម សៅ សារ៉ាត់ ឣ្នកតំណាងរាស្ត្រមណ្ឌលប៉ៃលិន ព្រមទាំងមន្ទីរឣង្គភាពពាក់ព័ន្ធ បានឣញ្ជើញចុះពិនិត្យមើលការស្ថាបនាផ្លូវទៅកាន់រម្យណីដ្ឋានធម្មជាតិទឹកធ្លាក់ឣូរតាវ៉ៅ ដើម្បីលើកកំពស់សោភ័ណ្ឌភាពសម្រាប់ទាក់ទាញភ្ញៀវទេសចរណ៍ជាតិនិងឣន្តរជាតិមកកំសាន្ត។
សូមបញ្ជាក់ថា រម្យណីដ្ឋានធម្មជាតិទឹកធ្លាក់ឣូរតាវ៉ៅ មានទឹកធ្លាក់រហូតដល់៧ជាន់ មានចម្ងាយចេញពីផ្លូវជាតិលេខ៥៧ប្រមាណ៧គីឡូម៉ែត្រ ស្ថិតនៅភូមិកូនខ្លុង សង្កាត់ឣូរតាវ៉ៅ ក្រុងប៉ៃលិន ខេត្តប៉ៃលិន ៕
